DANIEL 8:21 - Bibəl ta Sar̄

²¹ Bal bə̄yā̰ i mban̄g Gərek. Gajən kə́ bo ń ra dɔ dán kumən gə̄ tə́ ní i mban̄g kə́ ta kəga dɔ.

Bible sar

²¹ Bal bə̄yā̰ i mban̄g Gərek. Gajən kə́ bo ń ra dɔ dán kumən gə̄ tə́ ní i mban̄g kə́ ta kəga dɔ.

DANIEL 8:21 Referans Kwoze

DANIEL 11:3

Banī go̰ rɔ̄ɔ̄ kógə̄ḿ a ndi mban̄g. Ni a ndi dɔ ɓē ko̰o̰ kə́ bo ngá̰ý tə́ ō, a rāā yá̰a̰ i tītə̄ ń kemən ndigə ní ō.

DANIEL 10:20

Ni-tél un najə̄ ɔr̄ ɓáý, əda na: Ī-ger̄ kum reē ń m̄-reē rɔ̄í tə́ ní a? Ngɔlaā m-ā m̄-tél yā kaw̄ gogə́ yā rɔ̄ɔ̄ mban̄g kə́ Persə ɓáý. M-ā m̄-teē ba mban̄g kə́ Gərek a reē.

DANIEL 8:20

Bal batə̄ ń á̰a̰ á gajən i jōó ní i mban̄g Medə gə̄ ō Persə gə̄ ō.

DANIEL 8:22

Dan ń gajən tetə ní, kə́ rang kə́ sɔ́ gə̄ ń əɓan̄ gotoó ní, i ɓē ko̰o̰ kə́ sɔ́ gə̄ kə́ a ton̄ gotə nge kə́ kété tə́, banī tɔ́gə́də́ a to tītə̄ yā nge kə́ kété alé.

DANIEL 11:2

Ngɔlaā ní m-ā m-ə́daī najə̄ kə́ rɔ̄kum. Mban̄g gə̄ mətá a o̰o̰n̄ ɓē kə́ Persə kə gō naā. Mban̄g kə́ nge ko̰ sɔ́ a utə̄ gōdə́. Ni a ənge yá̰á̰ ngá̰ý tɔȳ ngé kə́ kété non tə́ gə̄. Dan ń ənge tɔ́gə kə ta kūl̄ yá̰a̰ kənge yān anī, a ɔy yá̰a̰ malang yā rɔ̄ɔń ɓē ko̰o̰ kə́ Gərek gə̄.

DANIEL 2:39

Ko̰o̰ ɓē kə́ rang kə́ tɔ́gən asə kə yāí alé a to gotií tə́. Gō tə́ anī ko̰o̰ ɓē kə́ nge ko̰ mətá a to, i nge ń gində̄ nə̄ngá kasə ɔsə kum gotə ní ko̰o̰ ɓē ní a ndi dɔ de gə̄ malang kə́ dɔ nang tə́ tə́.

DANIEL 7:6

Gō tə́ anī m-á̰a̰ dā̰ kə́ rang kə́ to tītə̄ kagə beé ba bɔ̄gə̄ yel̄ gə̄ i sɔ́ dan gidən tə́. Dɔn i sɔ́ ō, adə̄nən̄ tɔ́gə kadə̄ o̰o̰ń ɓē ō.

JAKARI 9:13

M-ā m-ún dɔ nang kə́ Juda tītə̄ loo kun ga̰ gərā kə́ yā rɔ̄ɔń beē. Epəraim a rāā rɔ̄n i kum gərā tə́. Ḭ̄ ɓē kə́ Jerusalem, m-ā m-ə́lá ngání gə̄ kadə̄ aw̄ ənīn̄ Gərek gə̄ rɔ̄ɔ̄. M-ā m-úńdə́ yā rāań kəla tītə̄ kaskar yā nge rɔ̄ɔ̄ beē.