DANIEL 8:19 - Bibəl ta Sar̄

¹⁹ Gō tə́ anī ədam̄ na: Yá̰á̰ ń a reē dan ń gír wōn̄g a gān̄g ní, m-ā m-ɔ́jiī kadə̄ ī-ger̄. Tɔdɔ̄ ndɔ̄ ń kadə̄ gír gāngəń ní i kə́ ɔjən̄ kɔ̄ɔ́.

Bible sar

¹⁹ Gō tə́ anī ədam̄ na: Yá̰á̰ ń a reē dan ń gír wōn̄g a gān̄g ní, m-ā m-ɔ́jiī kadə̄ ī-ger̄. Tɔdɔ̄ ndɔ̄ ń kadə̄ gír gāngəń ní i kə́ ɔjən̄ kɔ̄ɔ́.

DANIEL 8:19 Referans Kwoze

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

JEJU TEĒ KUM JA̰A̰ 17:17

Tɔdɔ̄ Nə́ɓā na rāā adə̄ kemdə́ gḛy rāā yá̰á̰ ń ni-núm̄ ní. Gír̄ yādə́ i kógə̄ḿ beē: I kadə̄ ko̰o̰ ɓē yādə́ rāā kəla adə̄ dā̰ ní, bátə́ kadə̄ najə̄ ń Nə́ɓā əda ní reē udəń gírí.

DANIEL 11:27

Mban̄g kə́ jōó gə̄ a əngen̄ naā ta kār̄ kəsa kə́ kógə̄ḿ beē tə́, banī kemdə́ a ndul ngá̰ý kə naá, adə̄ najə̄ gə̄ ń a ɔrə̄n̄ kə naá ní i najə̄ kə́ rɔ̄kum aĺ gə̄. Banī nge ń noō a teē yá̰a̰ alé. Tɔdɔ̄ ré ndɔ̄ ń ɔjən̄ ní ugə̄ anī, i gáŕ kadə̄ gír a gān̄g.

JEJU TEĒ KUM JA̰A̰ 15:1

Gō tə́ anī m-á̰á̰ yá̰á̰ kə́ to kɔr kum kə́ rang kə́ bo ō, majə ngá̰ý ō, dɔ rā̰ tə́. Yá̰á̰ ní i de kə́ dɔ rā̰ tə́ gə̄ sīrí kə́ yá̰á̰ kə́ tōr̄ gə̄ sīrí i jīdə́ tə́. Tɔdɔ̄ Nə́ɓā tɔ̄l̄ ta wōn̄g yān i kə yá̰á̰ kə́ tōr̄ kə́ sīrí gə̄ ní.

JEJU TEĒ KUM JA̰A̰ 11:18

Nápar de gə̄ rāān̄ wōn̄g, ba i wōn̄g yāí ḭ̄ n reē rāā yá̰á̰ ní. Kum mbang kə́ yā gāngəń sarya dɔ de kə́ koy gə̄ tə́ asə ō, kum mbang kə́ yā kəndāń nja ngé kəla yāí gə̄ ń i ngé koō ta gə̄ ō, i deē yāí gə̄ ō, ngé ɓōĺ rīí gə̄ ō ń nin̄ i de kə́ dūú gə̄ ō, kə́ bo gə̄ ō ní, asə ō, kum mbang nujə ngé nujə dɔ nang gə̄ asə ō.

JEJU TEĒ KUM JA̰A̰ 10:7

Ba kem ndɔ̄ gə̄ ń deē a oōń ndū de kə́ dɔ rā̰ tə́ kə́ nge ko̰o̰ sīrí loo kɔ̄ŕ bərúnjə tə́ ní, yá̰á̰ kə́ to loo mundə̄ tə́ yā Nə́ɓā a rāā yá̰a̰. Ni-əda ngé kəla yān gə̄ ń i ngé koō ta gə̄ ní najə̄n kété. Najə̄ ń ni-əda ní i Najə̄ kə́ Majə.

JEJU TEĒ KUM JA̰A̰ 1:1

Yá̰a̰ gə̄ kə́ ton̄ loo mundə̄ tə́ ń Nə́ɓā teē kum Jeju Kərist dɔ tə́ kadə̄ ɔjə ngé kəla yān gə̄ ní, yá̰a̰ gə̄ ní a rāān̄ yá̰a̰ ngɔr. Kərist əla deē yān kə́ dɔ rā̰ tə́ kadə̄ ɔjə Ja̰a̰ nge kəla yān yá̰a̰ gə̄ ní.

DANIEL 8:23

Dan ń gír ko̰o̰ ɓē yādə́ gān̄g ō, ngé rāā majaĺ gə̄ rāān̄ yá̰a̰ majaĺ adə̄ al̄ naā ō anī, mban̄g kógə̄ḿ kə́ rāā nban̄g ngá̰ý ō ger̄ loo gól̄ de gə̄ ngá̰ý ō a ḭḭ yān dɔɔ́.

Najə̄ kə́ Majə yā Jeju ń Luk ndang ní 21:23

Kem ndɔ̄ gə̄ ń noō tə́ ní rɔ̄ ndoō i kə kó kem gēé ō, kə ngáń kə́ ta mba tə́ gə̄ kə́ jīdə́ tə́ ō. Tɔdɔ̄ wur de gə̄ a ɔldə́ ngá̰ý ō, wōn̄g a əsō dɔ gír de gə̄ ń toō tə́ ō.

PĀ GƏ̄ 102:13

Banī Kɔ́ɔ̄ɓē, ḭ̄ i mban̄g ngándáńg, ḭ̄ i Nə́ɓā kə dɔ ɓāl̄ gə̄ ɓāl̄ gə̄.

DANIEL 12:4

Ḭ̄ Daniel, ī-ngɔ̄m̄ najə̄ gə̄ ń toō ādə̄ ton̄ loo mundə̄ tə́ ō, ə̄ndā mbō̰ ta makətūbə̄ tə́ ō, bátə́ ndɔ̄ kə́ ta ngóý tə́. Loo ń noō tə́ de gə̄ ngá̰ý a tə́dan̄ ō, yá̰a̰ ger̄ yādə́ a reē kə̄ dɔ madə̄ tə́ ō.