DANIEL 8:12 - Bibəl ta Sar̄

¹² Əlan̄ de kə́ dɔ rā̰ tə́ gə̄ kem jīn tə́ naā tə́ kə yá̰a̰ tun̄ kə́ dɔ ndɔ̄ gēé, sɔɔ̄ń kudə ń ni udə dan yá̰á̰ tə́ kə gōó aĺ ní. Gajə ní mbere najə̄ kə́ rɔ̄kum ənī nang tə́. Kəla rāān udə gírí majə kə́ njɔ́ḿ gə̄ tə́.

Bible sar

¹² Əlan̄ de kə́ dɔ rā̰ tə́ gə̄ kem jīn tə́ naā tə́ kə *yá̰a̰ tun̄ kə́ dɔ ndɔ̄ gēé, sɔɔ̄ń kudə ń ni udə dan yá̰á̰ tə́ kə gōó aĺ ní. Gajə ní mbere najə̄ kə́ rɔ̄kum ənī nang tə́. Kəla rāān udə gírí majə kə́ njɔ́ḿ gə̄ tə́.

DANIEL 8:12 Referans Kwoze

JEREMI 12:1

Kɔ́ɔ̄ɓē, ḭ̄ i de kə́ gōtə́, ba m̄-gḛy kɔr̄ najə̄ seí. Rɔ̄kum m̄-gḛy kɔr̄ najə̄ seí sɔɔ̄ń dɔ sarya gāngīí kə́ rēý gə̄. I tām̄ rí tə́ á yá̰a̰ rāā ngé kem ndul gə̄ teēdə́ yá̰á̰ tə́ ní? I tām̄ rí tə́ á ngé gól̄ loo gə̄ ndin̄ majə malang ní?

IJAI 59:14

I tām̄ najə̄ ń toō tə́ n ɓōĺ gidə yá̰á̰ kə́ súmūú tél kə̄ gogə́ ní, yá̰a̰ rāā kə́ gōtə́ i sa̰y rɔ̄jí tə́. Na̰y i ngɔr kadə̄ kɔr̄ najə̄ kə́ rɔ̄kum teē əsō ndágə loo kə́ súkūú tə́, ɓōĺ gidə yá̰a̰ rāā kə́ gōtə́ aw̄ ndágə loo kə́ súkūú tə́ to̰ alé.

JEJU TEĒ KUM JA̰A̰ 13:7

Adə̄nən̄ ta róbə rɔ̄ɔ̄ de gə̄ yā Nə́ɓā ō. Adə̄nən̄ ta róbə tetədə́ rɔ̄ɔ̄ ō, adə̄nən̄ tɔ́gə dɔ gír ɓē gə̄ tə́ malang ō, dɔ gír de gə̄ tə́ malang ō, dɔ gír ta gə̄ tə́ malang ō, dɔ nápar de gə̄ tə́ malang ō.

DANIEL 11:28

Mban̄g kə́ dām̄ mbɔ́r ɓē kə́ ko̰ó̰ tə́ a ɔy yá̰a̰ kənge ngá̰ý yā téləń ta kaw̄ kṵ́ gogə́ dɔ nang yān tə́. Ta kaw̄n anī gír de gə̄ ń əhɔn̄ madə̄ naā kə́ táĺ kə Nə́ɓāá ní, ni a rɔ̄ɔ̄də́ tītə̄ ń nóməń ní pá tá a mān̄ ta kaw̄ kə̄ gogə́ ɓēé ɓáý.

DANIEL 8:4

M-á̰a̰ bal batə̄ ní ɔsə yá̰a̰ kə́ gajəneé kum kə̄ no ɓē tə́ ō, mbɔ́r ɓē kə́ ko̰ó̰ tə́ ō, mbɔ́r ɓē kə́ geleé tə́ ō. De kə́ rang kə́ asə dum tan gətóo ō, de kə́ asə taā yá̰a̰ jīn tə́ kəya̰ dɔɔ́ gətóo ō. Ni a rāā yá̰a̰ i tītə̄ ń kemən ndigə ní ō, a bo i mbéé kum kə̄ kété kété ō.

PĀ GƏ̄ 119:142

Háĺ kə́ gōtə́ yāí i háĺ kə́ a to ngándáńg ō, ndū najə̄ yāí i najə̄ kə́ rɔ̄kum ō.

PĀ GƏ̄ 119:43

Ī-lōō kɔr̄ najə̄ kə́ rɔ̄kum kɔ̄ɔ́ taḿ tə́, tɔdɔ̄ m-ə̄ndā kemḿ dɔ ndūí gə̄ ń ī-ra dɔ tə́ ní tə́.

Makətūbə̄ yā Job 12:6

De kə́ ngé rāā yá̰a̰ majaĺ gə̄ ndin̄ loo yādə́ kanjə̄ sōl̄ yá̰á̰ kógə̄ḿ kə̄ kem kújə tandā yādə́ gə̄ tə́. Ngé sāā ta Nə́ɓā gə̄ ndin̄ loo yādə́ kanjə̄ kadə̄ yá̰á̰ kógə̄ḿ rāādə́: tɔ́gə́də́ ngóy n i nə́ɓā kə́ rɔ̄kum aĺ ń nin̄ gerə̄n̄ ní ngóy.

1 SAMUEL 23:9

Dan ń Dabid ger̄ kadə̄ Saul a nómə̄n i ni anī əda Abiatar ń i nge tun̄ yá̰á̰ ní kadə̄ reē kə yá̰a̰ ndḛḛ̄ sāá.

PĀ GƏ̄ 28:5

Tɔdɔ̄ usədə́ dɔ kəla rāā Kɔ́ɔ̄ɓē tə́ aĺ ō, dɔ yá̰á̰ ń Kɔ́ɔ̄ɓē rāā kə jīneé tə́ ní aĺ ō. I beé ní, ādə̄ Kɔ́ɔ̄ɓē nujədə́ sák sák kɔ̄ɔ́ ō, tél undə́ dɔɔ́ gogə́ to̰ aĺ bátə́ ō!

DANIEL 7:21

Dan ń m̄-na̰y kə̄ loo ka̰a̰ tə́ anī a rɔ̄ɔ̄ i gír de kə́ táĺ gə̄ ō, ni tetədə́ rɔ̄ɔ̄ ō.