DANIEL 8:11 - Bibəl ta Sar̄

¹¹ Ni bo bátə́ ugə̄ rɔ̄ ngār yā de kə́ dɔ rā̰ tə́ gə̄ tə́. Adə̄ yá̰a̰ tun̄ kə́ dɔ ndɔ̄ gə̄ ní ni ɔgə̄ kadə̄ tun̄ adə̄nən̄ kɔ̄ɔ́ ō, ni-rāā loo ń əndā kújə́ kə́ táĺ yān tū tə́ ní loo kə́ karī tə́ ō.

Bible sar

¹¹ Ni bo bátə́ ugə̄ rɔ̄ ngār yā *de kə́ dɔ rā̰ tə́ gə̄ tə́. Adə̄ *yá̰a̰ tun̄ kə́ dɔ ndɔ̄ gə̄ ní ni ɔgə̄ kadə̄ tun̄ adə̄nən̄ kɔ̄ɔ́ ō, ni-rāā loo ń əndā kújə́ kə́ *táĺ yān tū tə́ ní loo kə́ karī tə́ ō.

DANIEL 8:11 Referans Kwoze

DANIEL 12:11

Əla gír kum mbang ń deē a asəń ndējə̄ Nə́ɓā yá̰a̰ tun̄ kə́ dɔ ndɔ̄ gə̄ to̰ aĺ tə́ ō, a əndānn̄eé yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō ní, ndɔ̄ gə̄ malang ń a mānə̄n̄ ní I ndɔ̄ dūbú kə́ ɓú jōó kə kutə ndōhó.

DANIEL 11:31

Áskar gə̄ ń ni a əla sedə́ ní a reēn̄ yā ndi ta loo kə́ táĺ ń i loo kə́ ngan̄g ní tə́ ō, a rāān̄ loo kə́ táĺ ní loo kə́ karī tə́ ō, a rāān̄ kadə̄ gír tun̄ yá̰á̰ kə́ kə dɔ ndɔ̄ gə̄ gān̄g ō, a udən̄ yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō.

DANIEL 8:25

Kumən edə̄ ngá̰ý adə̄ a gól̄ madə̄n gə̄. A ɔsə rɔ̄n kə̄ dɔɔ́, adə̄ dan ń loo a to lápə́ya ngá̰ý ɓáa ni a nujə kósə de kə́ ngá̰ý gə̄ kɔ̄ɔ́. Ni a ḭḭ yā rɔ̄ɔ̄ ngār kə́ dɔ ngār gə̄ tə́ banī a əsō kəsō kógə̄ḿ kə́ a tétə̄ rárák kanjə̄ kadə̄ jī deē ɔdə rɔ̄n.

EJEKIEL 46:14

Kə dɔ ndɔ̄ gə̄ kə ndɔ̄ý anī, de gə̄ a ndējə̄n̄ Kɔ́ɔ̄ɓē ndujə kə́ kəlōon asə mí kə́ a ɓōkə́n̄ lítər yibə̄ jōó dɔ tə́ yā guŕńdə́ naā tə́. Ndū najə̄ gə̄ kə́ sɔɔ̄ dɔ yá̰a̰ ndējə̄ kə́ yā kadə̄ kə dɔ ndɔ̄ gə̄ ń noō a ton̄ i ngándáńg.

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

IJAI 37:23

Deē ń ī-tájən ní i náā? ī-tájə̄ i náā? I náā n ī-nāā kɔr̄ najə̄ kə́ majaĺ seneé ní? Deē ń á̰a̰n ba ī-kídən ní i náā? I mā, Nə́ɓā kə́ táĺ yā Israel.

HEBƏRO 2:10

Tɔdɔ̄ i gōtə́ kadə̄ Nə́ɓā ń rāā yá̰a̰ malang ō, əhɔ yá̰a̰ malang gotə kógə̄ḿ ō ní, rāā adə̄ Jeju majə ɔtə̄ kə taá, kə ta kūl̄ ka̰a̰ tápə̄. I yā kaw̄ń kə ngáń Nə́ɓā gə̄ ngá̰ý tū kɔsə gɔn yā Nə́ɓā tə́. Tɔdɔ̄ Jeju i nge kajə de gə̄.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

DANIEL 8:12

Əlan̄ de kə́ dɔ rā̰ tə́ gə̄ kem jīn tə́ naā tə́ kə yá̰a̰ tun̄ kə́ dɔ ndɔ̄ gēé, sɔɔ̄ń kudə ń ni udə dan yá̰á̰ tə́ kə gōó aĺ ní. Gajə ní mbere najə̄ kə́ rɔ̄kum ənī nang tə́. Kəla rāān udə gírí majə kə́ njɔ́ḿ gə̄ tə́.

DANIEL 7:25

Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, ndū najə̄ ō. A əlan̄ de kə́ táĺ gə̄ kem jīn tə́ bátə́ ɓāl̄ mətá kə nāā mehḛ́.

DANIEL 5:23

Ḭ̄ ī-tɔ́sə̄ gātə̄ Nə́ɓā kə́ dɔ rā̰ tə́, tām̄ ādə̄ reēn̄ kə ngáń gájə́ yá̰a̰ rāā kəla gə̄ kə́ kem kújə yān tə́ adə̄ ā̰yń kasə nduú, ḭ̄ ō, de kə́ bo yāí gə̄ ō, də̄yá̰ gidə ndogə̄ yāí gə̄ ō, dəyá̰ kə́ ngé rāā kəla yāí gə̄ ō. Tá ɓáý to̰ ní ḭ̄ ī-tɔ̄ȳ nə́ɓā gə̄ kə́ rāān̄də́ kə gində̄ arjā̰a̰ ō, kə lɔ́r ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō. Adə̄ i nə́ɓā gə̄ kə́ a̰a̰n̄ loo aĺ ō, oōn̄ loo aĺ ō, gerə̄n̄ yá̰a̰ aĺ ō. Ba Nə́ɓā ń koōí ō, yá̰a̰ gə̄ ń a reēn̄ dɔí tə́ ndɔ̄n tə́ ō, i kem jīn tə́ ní, ḭ̄ ī-rɔȳn alé!

JEREMI 48:42

Nujən̄ ɓē kə́ Moab sák sák kɔ̄ɔ́, adə̄ gír de kə́ kemeé gə̄ gətóon̄. Tɔdɔ̄ nin̄ ɔjən̄ kə̄ ndágá kadə̄ nin̄ boon̄ tɔȳn̄ Kɔ́ɔ̄ɓē.

JEREMI 48:26

Ādīin̄ kasə ādə̄ rāān, tām̄ ni ɔjə kə̄ ndágá kadə̄ na n-bo n-tɔȳ Kɔ́ɔ̄ɓē. Á̰a̰ī i ni n to a ndūbə̄rū kum tōmbə̄ tə́ toō. Ta i dɔn tə́ kadə̄ ni-tél kur̄ kəgō tā.

IJAI 37:29

A̰á̰ā̰ wōn̄g rāāī dɔḿ tə́, najə̄ kə́ ɔjə kadə̄ ī-kídə̄m̄ ń ɔ̄r̄ ní m-ōō. I tām̄ najə̄ ń toō tə́ n m-ā m-ə́la gində̄ kə́ ta rugə kóní tə́ ō, m-ā m-ə́lá sáā gində̄ kógə̄ḿ mbo̰ō̰ ngāngīí kə́ dɔɔ́ gə̄ tə́ kə ngāngīí kə́ nang tə́ gə̄ tə́ ō ní. M-ā m̄-tél yā kaw̄ sesí gogə́ ɓēé kə róbə́ ń úń á ī-reēń laā ní.

TƏ́DA 28:3

Ā ī-ndējī Kɔ́ɔ̄ɓē ngán batə̄ kə́ ɓāl̄ kógə̄ḿ gə̄ kə́ loodə́ kógə̄ḿ nujə aĺ gə̄ jōó jōó kə dɔ ndɔ̄ gə̄. Nge ń noō i dā̰ kə́ róō horoó ngándáńg kadə̄ Kɔ́ɔ̄ɓē.

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

DANIEL 8:24

Tɔ́gən a aw̄ i kum kə̄ kété kété, ba tɔ́gə́ ní ḭḭ i rɔ̄n nəkɔ́ tə́ alé. Ni a nujə loo nujə kə́ to ɓōĺ ngá̰ý ō, kəla rāān a udə gírí ō. Ni a nujə de kə́ ngan̄g gə̄ kɔ̄ɔ́ ō, a nujə gír de kə́ táĺ gə̄ kɔ̄ɔ́ ō.

DANIEL 9:25

Yá̰á̰ ń kadə̄ ī-ger̄ ní n toó: Əla gír kum mbang ń ədan̄neé najə̄ tél rāā ɓē kə́ Jerusalem gogə́ rang tə́ bátə́ ugə̄ń dɔ ngār ń urən̄ yibə̄ dɔn tə́ tə́ ní, ɓāl̄ sīrí i nja sīrí. Gō tə́ anī kem ɓāl̄ kə́ sīrí nja kutə mehḛ́ g idə i jōó tə́ ní, a télən̄ yā rāā ɓē gogə́ rang ō, yā kəndā ndogə̄ mbal̄ gidə ɓē tə́ gogə́ rang ō, banī i dan wur kɔl tə́.

DANIEL 11:22

Ngé rɔ̄ɔ̄ gə̄ ń a reēn̄ yā taā loo ní a asən̄ tetən rɔ̄ɔ̄ alé, ni a rējə̄də́ malang ō, a tɔ̄l̄ ngār kógə̄ḿ yā gír de gə̄ ń Nə́ɓā əhɔ madə̄ naā sedə́ ní ō.