DANIEL 7:27 - Bibəl ta Sar̄

²⁷ Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

Bible sar

²⁷ Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ *táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

DANIEL 7:27 Referans Kwoze

PĀ GƏ̄ 72:11

Mban̄g gə̄ malang a ɔsən̄ nodə́ nang tə́ non tə́. Nápar de gə̄ malang a rāān̄ kəla yān.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

Najə̄ kə́ Majə yā Jeju ń Luk ndang ní 1:33

Ni a o̰o̰ ɓē dɔ gír kojə yā Jakob tə́ ngándáńg ō, gír ko̰o̰ ɓē yān dan a gān̄g aĺ ō.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

PĀ GƏ̄ 22:27

m̄-ɓāŕ ngé ndoō gə̄ adə̄ əsan̄ yá̰a̰ ndānə̄n̄. Adə̄ ngé sāā Kɔ́ɔ̄ɓē gə̄ ɔsən̄ gɔn Kɔ́ɔ̄ɓē ō, ndin̄ majə ta kaw̄ jóo ō!

DANIEL 7:18

Gō tə́ anī ngé kə́ táĺ gə̄ yā Nə́ɓā kə́ dɔɔ́ sa̰y ngá̰ý a əngen̄ ko̰o̰ ɓē ō, a ngɔ̄mə̄n̄ ko̰o̰ ɓē ní tām̄ yādə́ tə́ kə́ njɔ́ḿ gə̄ tə́ ō.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

PĀ GƏ̄ 145:13

Ko̰o̰ ɓē yāí i ko̰o̰ ɓē kə́ to ngándáńg ō, ā ī-ndi dɔ de gə̄ tə́ i kə dɔ ɓāl̄ gə̄ malang ō. Nə́ɓā i nge kəda najə̄ kə́ rɔ̄kum. Ni i de ké nge ra dɔ ndūn tə́ tū yá̰a̰ rāān gə̄ tə́ malang.

PĀ GƏ̄ 86:9

Kɔ́ɔ̄ɓē, gíŕ nápar de gə̄ malang ń ī-rāādə́ ní, a reēn̄ yā kɔsə nodə́ nang tə́ noí tə́ ō, yā tɔ̄ȳ rīí ō.

JEJU TEĒ KUM JA̰A̰ 19:16

Ndangən̄ rī kógə̄ḿ tū kūbə̄ yān kə́ dɔ madə̄ gə̄ tə́ ō, dɔ ɓúrən tə́ ō. Rī ní na i mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō.

DANIEL 7:22

Banī de kə́ tɔgə ɓə́ga ní reē gān̄g sarya kə́ gōtə́ tām̄ yā gír de kə́ táĺ gə̄ yā Nə́ɓā kə́ dɔɔ́ sa̰y ngá̰ý tə́. Dan ń kum mbang asə anī ngé kə́ táĺ gə̄ o̰o̰n̄ ɓē.

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

JAKARI 14:9

Kɔ́ɔ̄ɓē a ndi mban̄g dɔ dɔ nang malang tə́ kə taá. Ndɔ̄ ń noō tə́ ní, i Kɔ́ɔ̄ɓē ngóy n de gə̄ a rɔȳnən̄ tītə̄ Nə́ɓā beé ō, de gə̄ a ndɔ̄ȳn̄ i kə rīn nií ngóy ō.

IJAI 54:3

Tɔdɔ̄ ā ī-taā loo geleé gē ko̰ó̰ gē, ɓē gə̄ ń kadií tə́ ní, ngání gə̄ a taān̄. Ɓē gə̄ ń nin̄ əya̰n̄ kɔ̄ɔ́ ní, nin̄ a télən̄ yā ndi tū tə́ gogə́.

JEJU TEĒ KUM JA̰A̰ 22:5

Loo kə́ ndɔ̄ɔ́ a gətóo ō, a sāān̄ i hor lámbá tá yā ka̰a̰ń loo aĺ ō, a sāān̄ i mbang tá yā ka̰a̰ń loo aĺ ō. Tām̄ i Kɔ́ɔ̄ɓē Nə́ɓā n i loo kə́ unjə̄ kow dɔdə́ tə́ kadə̄ a̰a̰n̄neé loo ō, nin̄ a o̰o̰n̄ ɓē i kə dɔ ɓāl̄ gə̄ ɓāl̄ gə̄ ō.

JA̰A̰ 12:34

Anī kósə de gə̄ tél ədanən̄ na: Jḭḭ j-oō tū ndū najə̄ tə́ na Kərist a ndi ngándáńg. Ba i ba̰ý á ə́da na i gáŕ kadə̄ a əlan̄ Ngōn̄ Deē dɔɔ́ ní? Ngōn̄ Deē nəkɔ́ i náā?

ABƏDIAS 1:21

Nin̄ a tetən̄ rɔ̄ɔ̄ ō, a alə̄n̄ dɔ mbal̄ Siyo̰ tə́ ō. Nin̄ a ndin̄ i loo ń noō tə́ n a o̰ō̰n̄neé ɓē dɔ ɓē kə́ Edom tə́ ní. Kɔ́ɔ̄ɓē a ndi mban̄g!

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

JEJU TEĒ KUM JA̰A̰ 20:4

Gō tə́ anī m-á̰a̰ kōr̄ kāgə̄ mbang gə̄. Ba de gə̄ ń reē ndin̄ dɔ tə́ ní, adə̄n̄də́ ta róbə kadə̄ gāngə̄n̄ sarya. Tá m-á̰a̰ de gə̄ ń tə́gān̄ míndə́də́ gángə̄n̄ kə kə̄ngāá tām̄ najə̄ kə́ kum tə́ yā Jeju tə́ ō, tām̄ najə̄ yā Nə́ɓā tə́ ní ō. De gə̄ ń rɔȳn̄ dā̰ ní aĺ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní tə́ aĺ ō, əndān̄ tə́ré yá̰a̰ nodə́ tə́ aĺ ō, jīdə́ tə́ aĺ ō ní, m-á̰á̰də́ ō. Nin̄-tél ndin̄ kə kumdə́ gogə́, ba o̰o̰n̄ ɓē naā tə́ kə Kərist ɓāl̄ dūbú kógə̄ḿ.

1 KORḚNTƏ 15:24

Gō tə́ anī i ta tɔ̄l̄ ta yá̰a̰ malang dan ń Kərist a nujə ko̰o̰ ɓē gə̄ malang ō, ngé ko̰o̰ ɓē gə̄ malang ō, a nujə tɔ́gə yā ndíĺ kə́ majaĺ gə̄ malang ō, ba tél kə ko̰o̰ ɓēé yā kəla gír jī Bɔbə̄n Nə́ɓā tə́ ní.

JEJU TEĒ KUM JA̰A̰ 11:1

Anī adə̄mə̄n̄ tə̄ɓā kə́ to tītə̄ kāgə̄ mbɔ̄jə́ yá̰a̰ beé, ba ədamə̄n̄ na kə m-ḭ́ḭ dɔɔ́ kə m̄-mbɔ̄jə́ kújə yā Nə́ɓā ō, loo tun̄ yá̰a̰ ō, kə m̄-tə́da kutə de gə̄ ń a rɔȳn̄ Nə́ɓā kemeé ní ō.

IJAI 14:2

Gotə gír de kə́ rang gə̄ a reēn̄ sāā Israel tə́ yā tél kaw̄ seneé gogə́ dɔ nang yān tə́. Loo ń noō tə́ gír deē yā Israel gə̄ a əhɔn̄ de gə̄ ngeé ń toō ɓəlo tə́, dəngam gē dəyá̰ gē, dɔ nang yā Kɔ́ɔ̄ɓē tə́. Ngé gə̄ ń əhɔnən̄ dəngáý kété ní, ni a əhɔdə́ dəngáy i tītə̄ ń noō, ngé gə̄ ń kété rējə̄nən̄ ní, ni a téĺ kɔ́ɔ̄də́ i tītə̄ ń noō.

DANIEL 6:26

Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!