DANIEL 7:25 - Bibəl ta Sar̄

²⁵ Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, ndū najə̄ ō. A əlan̄ de kə́ táĺ gə̄ kem jīn tə́ bátə́ ɓāl̄ mətá kə nāā mehḛ́.

Bible sar

²⁵ Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ *táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, *ndū najə̄ ō. A əlan̄ de kə́ *táĺ gə̄ kem jīn tə́ bátə́ ɓāl̄ mətá kə nāā mehḛ́.

DANIEL 7:25 Referans Kwoze

JEJU TEĒ KUM JA̰A̰ 12:14

Banī adə̄n̄ dəyá̰ ní bɔ̄gə̄ kə̄rō kə́ bo ngá̰ý gə̄ jōó, kadə̄ ḭḭń bɔ̄gə̄ ta kaw̄ kə̄ mángá, loo ń rāān̄ tām̄ yān tə́ ní, yā kadə̄ a̰a̰n̄ gōn tū tə́ kə yá̰a̰ kəsaá ɓāl̄ mətá kə nāā mehḛ́, sa̰y kɔ̄ɔ́ ta kum lī tə́.

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

DANIEL 12:7

De kə́ nge kūbə̄ lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.

JEJU TEĒ KUM JA̰A̰ 12:6

Dəyá̰ ní a̰ȳ aw̄ kem dəla loo tə́, loo ń Nə́ɓā rāā loo tū tə́ tām̄ yān tə́, yā kadə̄ a̰a̰n̄ gōn tū tə́ kə yá̰a̰ kəsaá ndɔ̄ 1260 ní.

DANIEL 2:21

I ni n i nge tūr̄ dɔ kāgə̄ loo gə̄ ō, nge tūr̄ yá̰a̰ gə̄ ō ní. I ni n i nge kɔr̄ mban̄g gə̄ kɔ̄ɔ́ ō nge kəndā mban̄g gə̄ ō ní. I ni n i nge kadə̄ ngé kum kedə̄ gə̄ kum kedə̄ ō, ngé ger̄ kəndā ma̰ȳ yá̰a̰ gə̄ yá̰a̰ ger̄ ō ní.

JEJU TEĒ KUM JA̰A̰ 18:24

Ngé koō ta gə̄ ō, deē yā Nə́ɓā gə̄ ō, de kə́ dɔ nang tə́ gə̄ malang ń tɔ̄lə̄n̄də́ ō ní, mósə́də́ a̰ȳ nang tə́ i kem ɓē kə́ Babilon tə́.

DANIEL 7:20

m̄-dəje kum gajə kə́ kutə gə̄ kə́ dɔ dā̰ ní tə́ ō, kum gajə kə́ rang ń əɓa á gajə mətá tə́sōn̄ kɔ̄ɔ́ non tə́ ní o. Gajə dā̰ ní kumən gə̄ ton̄ ō, aw̄ kə tan kə́ a tə́dań najə̄ ō, á̰a̰n ɓáa bo tɔȳ madə̄n gə̄ ō.

IJAI 37:23

Deē ń ī-tájən ní i náā? ī-tájə̄ i náā? I náā n ī-nāā kɔr̄ najə̄ kə́ majaĺ seneé ní? Deē ń á̰a̰n ba ī-kídən ní i náā? I mā, Nə́ɓā kə́ táĺ yā Israel.

DANIEL 7:8

M-ə̄ndā ma̰ȳ gajən gə̄ ní anī m-á̰a̰ nge kə́ dūú əɓa dan madə̄ gə̄ tə́. Ró̰ȳn̄ gajən kə́ kété gə̄ mətá kɔ̄ɔ́ non tə́. M-á̰a̰ kum yá̰a̰ gə̄ kə́ ton̄ tītə̄ kum deē beé ō, ta de kə́ a tə́da najə̄ kə́ to ngonjə̄ gə̄ ō ton̄ tū gajən kə́ dūú ní tə́.

JEJU TEĒ KUM JA̰A̰ 17:6

Ba m-á̰a̰ kadə̄ mósə de gə̄ yā Nə́ɓā ō, mósə de kə́ kum tə́ gə̄ yā Jeju ō, rāā dəyá̰ ní kə́ kasə tə́. Dan ń m-á̰a̰n anī ɔr kumḿ ngá̰ý.

JEJU TEĒ KUM JA̰A̰ 14:12

De gə̄ yā Nə́ɓā ń i ngé ra dɔ gō míndən gə̄ tə́ ō, i ngé ra dɔ taā kem Jeju tə́ ō ní, kum mbang ń toō i kum mbang kə́ kadə̄ nin̄-tə́gān̄ tadə́.

DANIEL 11:28

Mban̄g kə́ dām̄ mbɔ́r ɓē kə́ ko̰ó̰ tə́ a ɔy yá̰a̰ kənge ngá̰ý yā téləń ta kaw̄ kṵ́ gogə́ dɔ nang yān tə́. Ta kaw̄n anī gír de gə̄ ń əhɔn̄ madə̄ naā kə́ táĺ kə Nə́ɓāá ní, ni a rɔ̄ɔ̄də́ tītə̄ ń nóməń ní pá tá a mān̄ ta kaw̄ kə̄ gogə́ ɓēé ɓáý.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

DANIEL 4:25

Yá̰a̰ gə̄ ń noō rāān̄ mban̄g Nabukodonosor malang.

DANIEL 4:32

De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

2 TESALONIK 2:3

Ādī deē kógə̄ḿ gól̄sí kə kum kedə̄ yānneé alé. Tɔdɔ̄ sɔɔ̄ kadə̄ mbātə́ najə̄ to kété, yā kadə̄ deē ń i nge rāā yá̰a̰ kə gō ń Nə́ɓā ndigə alé, á i ngōn̄ kə́ nge kudə kɔ̄ɔ́ ní, ɔjəń rɔ̄n kə̄ ndágá.

2 TESALONIK 2:8

nge mbātə́ ndū najə̄ a rāā kadə̄ kum de gə̄ teē dɔn tə́ ɓáý. Kɔ́ɔ̄ɓē Jeju a tóon kə koō kə́ tan tə́ yā nujəń seneé kɔ̄ɔ́ ō, ndə́lēn kə́ ndɔ̄ reēn tə́ ní, a nujə seneé sák sák kɔ̄ɔ́ ō.

DANIEL 3:26

Nabukodonosor ndɔ́tə̄ kə̄ ta loo ń hor kə́ təngā ngá̰ý i tū tə́ ní tə́, ba un najə̄ ɔr̄, əda na: Sadərak ō Mesak ō Abed Nego ō, ngé kəla gə̄ yā Nə́ɓā kə́ dɔɔ́ sa̰y ngá̰ý, ī-teēī kə̄ laā! Anī nin̄ mətá mbak teēn̄ kum hor tə́.

DANIEL 4:2

Ndɔ̄ kə́rēý tə́ m̄-to dɔ tə̄rá yāḿ tə́ ndɔ̄ɔ́ anī nī kógə̄ḿ rāām̄, adə̄ m̄-gír̄ najə̄ ngá̰ý, tɔdɔ̄ yá̰á̰ ń m-á̰a̰ā̰ ní to ɓōĺ ngá̰ý.

DANIEL 4:17

Kāgə̄ ń á̰a̰ā̰ á tɔgə ō ngan̄g ō, ngāl̄ ugə̄ no rā̰ tə́ ō deē ra i rá dɔ nang tə́ gə̄gē a a̰a̰ ō,

DANIEL 7:18

Gō tə́ anī ngé kə́ táĺ gə̄ yā Nə́ɓā kə́ dɔɔ́ sa̰y ngá̰ý a əngen̄ ko̰o̰ ɓē ō, a ngɔ̄mə̄n̄ ko̰o̰ ɓē ní tām̄ yādə́ tə́ kə́ njɔ́ḿ gə̄ tə́ ō.

DANIEL 8:14

Ni ədam̄ na: I bátə́ kadə̄ loo tíbə ō tīī ō nja dūbú jōó kə ɓú mətá. Gō tə́ anī a tə́gon̄ loo kə́ táĺ kadə̄ unjə̄ njáý njáý.

OJEE 7:16

Ré a tél a reēn̄ i kə̄ rɔ̄ deē kógə̄ḿ tə́ anī, i kə̄ rɔ̄ḿ mā tə́ alé. Nin̄ ton̄ i tītə̄ ga̰ gərā kə́ rugə beé. Ngār yādə́ gə̄ a oyn̄ ta rɔ̄ tə́, tɔdɔ̄ nin̄ ɔrə̄n̄ najə̄ kə́ majaĺ dɔḿ tə́. Ba de gə̄ a mbóōn̄ sedə́ dɔ nang kə́ Ejiptə tə́.

DANIEL 8:9

Ngōn̄ gajə kógə̄ḿ kə́ dūú teē tū nge kə́ kógə̄ḿ tə́ ba bo ngá̰ý kum kə̄ mbɔ́r ɓē kə́ geleé tə́ ō, kə̄ gír ɓē tə́ ō, kə̄ ɓē ko̰o̰ kə́ majə ngá̰ý tə́ ō.

DANIEL 8:11

Ni bo bátə́ ugə̄ rɔ̄ ngār yā de kə́ dɔ rā̰ tə́ gə̄ tə́. Adə̄ yá̰a̰ tun̄ kə́ dɔ ndɔ̄ gə̄ ní ni ɔgə̄ kadə̄ tun̄ adə̄nən̄ kɔ̄ɔ́ ō, ni-rāā loo ń əndā kújə́ kə́ táĺ yān tū tə́ ní loo kə́ karī tə́ ō.

DANIEL 9:27

Dan yā ɓāl̄ kə́ sīrí gə̄ kə́ ta tɔ̄l̄ ta tə́ ní, ni a əndā tɔ́gə dɔ de kə́ ngá̰ý gə̄ tə́ yā ə́hɔń madə̄ naā sedə́ ō, kem núsə ɓāl̄ kə́ sīrí gə̄ tə́ ní, ni a rāā kadə̄ gír tun̄ yá̰a̰ gān̄g ō, gír ndējə̄ yá̰a̰ gān̄g ō. Nge nujə loo kógə̄ḿ a ndi dɔ bɔ̄gə̄ yá̰á̰ kə́ to yḛr kum gə̄ tə́ ō, i bátə́ kadə̄ nujən̄neé nge nujə loo ní tītə̄ ń ɔjən̄neé ní ō.