DANIEL 7:24 - Bibəl ta Sar̄

²⁴ Ba gajə dā̰ kə́ kutə gə̄ ní, i mban̄g gə̄ kutə kə́ o̰o̰n̄ ɓē gotə naā tə́ kem ɓē ko̰o̰ ní tə́. Mban̄g kə́ nge kutə gidə i kógə̄ḿ, kə́ to tītə̄ madən kə́ kété gə̄ aĺ a tɔ̄l̄ madə̄n kə́ mətá gə̄ kɔ̄ɔ́ yā ndiń dɔ ɓē tə́.

Bible sar

²⁴ Ba gajə dā̰ kə́ kutə gə̄ ní, i mban̄g gə̄ kutə kə́ o̰o̰n̄ ɓē gotə naā tə́ kem ɓē ko̰o̰ ní tə́. Mban̄g kə́ nge kutə gidə i kógə̄ḿ, kə́ to tītə̄ madən kə́ kété gə̄ aĺ a tɔ̄l̄ madə̄n kə́ mətá gə̄ kɔ̄ɔ́ yā ndiń dɔ ɓē tə́.

DANIEL 7:24 Referans Kwoze

DANIEL 7:20

m̄-dəje kum gajə kə́ kutə gə̄ kə́ dɔ dā̰ ní tə́ ō, kum gajə kə́ rang ń əɓa á gajə mətá tə́sōn̄ kɔ̄ɔ́ non tə́ ní o. Gajə dā̰ ní kumən gə̄ ton̄ ō, aw̄ kə tan kə́ a tə́dań najə̄ ō, á̰a̰n ɓáa bo tɔȳ madə̄n gə̄ ō.

JEJU TEĒ KUM JA̰A̰ 13:1

Anī m-á̰a̰ dā̰ kógə̄ḿ teē kum bā bo tə́, gajən gə̄ i kutə kógə̄ḿ ō, dɔn i sīrí ō, yá̰á̰ súū rɔ̄ kə́ dɔ tə́ gə̄ kutə kógə̄ḿ i tū gajən gə̄ ní tə́ kógə̄ḿ kógə̄ḿ ō. Rī kógə̄ḿ kə́ to ngonjə̄ i tū gajən gə̄ ní tə́ kógə̄ḿ kógə̄ḿ ō.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

JEJU TEĒ KUM JA̰A̰ 17:3

Loo ń noō tə́ ni-un ndílə́ḿ aw̄ń kem dəla loo tə́, adə̄ m-á̰a̰ dəyá̰ kógə̄ḿ kə́ ndi dɔ dā̰ kógə̄ḿ kə́ kərē pírírí tə́, ba ndangən̄ rī kə́ to ndájə̄ najə̄ dɔ Nə́ɓā tə́ gə̄ rɔ̄ dā̰ ní tə́ malang. Dā̰ ní dɔn i sīrí ba gajən gə̄ i kutə.

JEJU TEĒ KUM JA̰A̰ 12:3

Loo ń noō tə́ yá̰á̰ kə́ to kɔr kum kógə̄ḿ kə́ rang teē dɔ rā̰ tə́. Yá̰á̰ ní i dā̰ kógə̄ḿ kə́ kərē kə́ to ɓōĺ ngá̰ý. Dɔn i sīrí ō, gajən gə̄ i kutə kógə̄ḿ ō. Dɔn kə́ sīrí gə̄ ní, jākā mbang i tū tə́ kógə̄ḿ kógə̄ḿ.

DANIEL 7:23

Ni ədam̄ kum yá̰á̰ ní əda na: Dā̰ kə́ nge ko̰ sɔ́ ní i ko̰o̰ ɓē kə́ nge ko̰ sɔ́ kə́ a to dɔ nang tə́. Gotə ko̰o̰ ɓē gə̄ malang ní ni a to tītə̄də́ alé. Ni a taā loo malang kə́ dɔ nang tə́ ō, a tə́ɓā dɔ nang kə njaneé ō, a gángə̄n naā tə́ ō.

DANIEL 2:41

Njan gə̄ ō ta ngán njan gə̄ ō ń á̰a̰ā̰ ní, rāān̄ núsən kə́rēý i kə nánjá ō, núsən kə́rēý i kə gindīí ō. Kumən na ko̰o̰ ɓē ní i ko̰o̰ ɓē kə́ a kēgə̄ naā ō, i ko̰o̰ ɓē kə́ a ngan̄g tītə̄ gində̄ ō, tītə̄ ń á̰a̰ kadə̄ əlan̄ gində̄ naā tə́ kə nánjá ní.