DANIEL 7:21 - Bibəl ta Sar̄

²¹ Dan ń m̄-na̰y kə̄ loo ka̰a̰ tə́ anī a rɔ̄ɔ̄ i gír de kə́ táĺ gə̄ ō, ni tetədə́ rɔ̄ɔ̄ ō.

Bible sar

²¹ Dan ń m̄-na̰y kə̄ loo ka̰a̰ tə́ anī a rɔ̄ɔ̄ i gír de kə́ *táĺ gə̄ ō, ni tetədə́ rɔ̄ɔ̄ ō.

DANIEL 7:21 Referans Kwoze

DANIEL 12:7

De kə́ nge kūbə̄ lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

DANIEL 8:24

Tɔ́gən a aw̄ i kum kə̄ kété kété, ba tɔ́gə́ ní ḭḭ i rɔ̄n nəkɔ́ tə́ alé. Ni a nujə loo nujə kə́ to ɓōĺ ngá̰ý ō, kəla rāān a udə gírí ō. Ni a nujə de kə́ ngan̄g gə̄ kɔ̄ɔ́ ō, a nujə gír de kə́ táĺ gə̄ kɔ̄ɔ́ ō.

JEJU TEĒ KUM JA̰A̰ 17:6

Ba m-á̰a̰ kadə̄ mósə de gə̄ yā Nə́ɓā ō, mósə de kə́ kum tə́ gə̄ yā Jeju ō, rāā dəyá̰ ní kə́ kasə tə́. Dan ń m-á̰a̰n anī ɔr kumḿ ngá̰ý.

JEJU TEĒ KUM JA̰A̰ 19:19

Gō tə́ anī, m-á̰a̰ dā̰ ní ō, mban̄g kə́ dɔ nang tə́ gə̄ ō, ngé rɔ̄ɔ̄ yādə́ gə̄ ō. Ɔsən̄ dɔdə́ naā tə́ yā rɔ̄ɔ̄ deē ń ndi dɔ sə́ndá tə́ ní kə ngé rɔ̄ɔ̄ yān gēé.

DANIEL 8:12

Əlan̄ de kə́ dɔ rā̰ tə́ gə̄ kem jīn tə́ naā tə́ kə yá̰a̰ tun̄ kə́ dɔ ndɔ̄ gēé, sɔɔ̄ń kudə ń ni udə dan yá̰á̰ tə́ kə gōó aĺ ní. Gajə ní mbere najə̄ kə́ rɔ̄kum ənī nang tə́. Kəla rāān udə gírí majə kə́ njɔ́ḿ gə̄ tə́.

DANIEL 11:31

Áskar gə̄ ń ni a əla sedə́ ní a reēn̄ yā ndi ta loo kə́ táĺ ń i loo kə́ ngan̄g ní tə́ ō, a rāān̄ loo kə́ táĺ ní loo kə́ karī tə́ ō, a rāān̄ kadə̄ gír tun̄ yá̰á̰ kə́ kə dɔ ndɔ̄ gə̄ gān̄g ō, a udən̄ yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō.

DANIEL 7:20

m̄-dəje kum gajə kə́ kutə gə̄ kə́ dɔ dā̰ ní tə́ ō, kum gajə kə́ rang ń əɓa á gajə mətá tə́sōn̄ kɔ̄ɔ́ non tə́ ní o. Gajə dā̰ ní kumən gə̄ ton̄ ō, aw̄ kə tan kə́ a tə́dań najə̄ ō, á̰a̰n ɓáa bo tɔȳ madə̄n gə̄ ō.

DANIEL 8:9

Ngōn̄ gajə kógə̄ḿ kə́ dūú teē tū nge kə́ kógə̄ḿ tə́ ba bo ngá̰ý kum kə̄ mbɔ́r ɓē kə́ geleé tə́ ō, kə̄ gír ɓē tə́ ō, kə̄ ɓē ko̰o̰ kə́ majə ngá̰ý tə́ ō.