DANIEL 7:20 - Bibəl ta Sar̄

²⁰ m̄-dəje kum gajə kə́ kutə gə̄ kə́ dɔ dā̰ ní tə́ ō, kum gajə kə́ rang ń əɓa á gajə mətá tə́sōn̄ kɔ̄ɔ́ non tə́ ní o. Gajə dā̰ ní kumən gə̄ ton̄ ō, aw̄ kə tan kə́ a tə́dań najə̄ ō, á̰a̰n ɓáa bo tɔȳ madə̄n gə̄ ō.

Bible sar

²⁰ m̄-dəje kum gajə kə́ kutə gə̄ kə́ dɔ dā̰ ní tə́ ō, kum gajə kə́ rang ń əɓa á gajə mətá tə́sōn̄ kɔ̄ɔ́ non tə́ ní o. Gajə dā̰ ní kumən gə̄ ton̄ ō, aw̄ kə tan kə́ a tə́dań najə̄ ō, á̰a̰n ɓáa bo tɔȳ madə̄n gə̄ ō.

DANIEL 7:20 Referans Kwoze

DANIEL 7:23

Ni ədam̄ kum yá̰á̰ ní əda na: Dā̰ kə́ nge ko̰ sɔ́ ní i ko̰o̰ ɓē kə́ nge ko̰ sɔ́ kə́ a to dɔ nang tə́. Gotə ko̰o̰ ɓē gə̄ malang ní ni a to tītə̄də́ alé. Ni a taā loo malang kə́ dɔ nang tə́ ō, a tə́ɓā dɔ nang kə njaneé ō, a gángə̄n naā tə́ ō.

DANIEL 7:8

M-ə̄ndā ma̰ȳ gajən gə̄ ní anī m-á̰a̰ nge kə́ dūú əɓa dan madə̄ gə̄ tə́. Ró̰ȳn̄ gajən kə́ kété gə̄ mətá kɔ̄ɔ́ non tə́. M-á̰a̰ kum yá̰a̰ gə̄ kə́ ton̄ tītə̄ kum deē beé ō, ta de kə́ a tə́da najə̄ kə́ to ngonjə̄ gə̄ ō ton̄ tū gajən kə́ dūú ní tə́.

DANIEL 7:11

m̄-na̰y kə̄ loo ka̰ā̰ tə́ sɔɔ̄ń najə̄ kə́ to ngonjə̄ gə̄ ń ngōn̄ gajə dā̰ kə́ dūú a tə́da kə ndūn kə́ ɓār̄ ngá̰ý ní. Ba dan ń m̄-na̰y kə̄ loo ka̰ā̰ tə́ anī tɔ̄lə̄n̄ dā̰ kə́ nge ko̰ sɔ́ ní. Rɔ̄n tél tetə mbuk ō, ənīnən̄ kum hor tə́ adə̄ hor o̰o̰n ō.

JEJU TEĒ KUM JA̰A̰ 12:3

Loo ń noō tə́ yá̰á̰ kə́ to kɔr kum kógə̄ḿ kə́ rang teē dɔ rā̰ tə́. Yá̰á̰ ní i dā̰ kógə̄ḿ kə́ kərē kə́ to ɓōĺ ngá̰ý. Dɔn i sīrí ō, gajən gə̄ i kutə kógə̄ḿ ō. Dɔn kə́ sīrí gə̄ ní, jākā mbang i tū tə́ kógə̄ḿ kógə̄ḿ.

DANIEL 7:7

Yá̰a̰ gə̄ ń teēn̄ ta kumḿ tə́ ndɔ̄ɔ́ ní m̄-na̰y kə̄ loo ka̰a̰də́ tə́: Dā̰ kə́ nge ko̰ sɔ́ ń m-á̰a̰ā̰ ní i dā̰ kə́ to ɓōĺ ngá̰ý ō, i dā̰ kə́ a rāā deē kə ɓōló ngá̰ý ō, ngan̄g to ɓōĺ ngá̰ý ō, rāān̄də́ i kə gidí ō, ni əsań yá̰a̰ ō, gángəń yá̰a̰ naā tə́ ō, gotə yá̰á̰ ń na̰y ní ɓáa ni tə́ɓā kə njaneé ō. Dā̰ kə́ mətá gə̄ ń teēn̄ kété non tə́ ní to tītə̄də́ aĺ ō, gajən i kutə kógə̄ḿ ō.

DANIEL 7:19

Loo ń noō tə́ m̄-sāā ger̄ najə̄ kə́ dɔ dā̰ kə́ nge ko̰ sɔ́ ń to tītə̄ gotə madə̄ gə̄ aĺ ní tə́ kadə̄ unjə̄. Dā̰ ní to ɓōĺ ngá̰ý, ngn̄gən gə̄ i kə́ rāā kə gíndí ō, hēl̄ jīn gə̄ kə kə hēl̄ njan gə̄ i kə́ rāā kə gində̄ nə̄ngá kasaá ō. Yá̰a̰ gə̄ ń ni-əhɔdə́ ní əsadə́ gán̄gdə́ naā tə́ ō, gotə ń əsa aĺ ní ɓáa tə́ɓā kə njaneé ō.

DANIEL 7:21

Dan ń m̄-na̰y kə̄ loo ka̰a̰ tə́ anī a rɔ̄ɔ̄ i gír de kə́ táĺ gə̄ ō, ni tetədə́ rɔ̄ɔ̄ ō.