DANIEL 7:2 - Bibəl ta Sar̄

² kə gō ń nəkɔ́ ɔjəń gotə ní, əda na: Nī rāām̄ ndɔ̄ɔ́ adə̄ m-á̰a̰ kadə̄ nél ḭḭ dām̄ kə́ gír ɓē tə́ ō no ɓē tə́ ō dām̄ mbɔ́r ɓē kə́ ko̰ó̰ tə́ ō kə́ geleé tə́ ō, ba əla kə tɔ́gɔ́ dɔ bā bo tə́ adə̄ man̄ ḭḭ ngá̰ý.

Bible sar

² kə gō ń nəkɔ́ ɔjəń gotə ní, əda na: Nī rāām̄ ndɔ̄ɔ́ adə̄ m-á̰a̰ kadə̄ nél ḭḭ dām̄ kə́ gír ɓē tə́ ō no ɓē tə́ ō dām̄ mbɔ́r ɓē kə́ ko̰ó̰ tə́ ō kə́ geleé tə́ ō, ba əla kə tɔ́gɔ́ dɔ bā bo tə́ adə̄ man̄ ḭḭ ngá̰ý.

DANIEL 7:2 Referans Kwoze

JEJU TEĒ KUM JA̰A̰ 7:1

Gō yá̰á̰ noō tə́ anī, m-á̰á̰ de kə́ dɔ rā̰ tə́ gə̄ sɔ́ ran̄ kíl dɔ nang kə́ sɔ́ gə̄ tə́. Nin̄-əhɔn̄ néĺ kə́ sɔ́ gə̄ kə́ dɔ nang tə́ gotə kógə̄ḿ, yā kadə̄ nél əla dɔ nang tə́ aĺ ō, dɔ bā bo tə́ aĺ ō, dɔ kāgə̄ kógə̄ḿ tə́ aĺ ō.

JEJU TEĒ KUM JA̰A̰ 17:15

Gō tə́ anī de kə́ dɔ rā̰ tə́ ní ədam̄ na: Man̄ gə̄ ń na m-á̰a̰ā̰ loo ń dəyá̰ kə́ nge rāā ájə́ba ndi tū tə́ ní, na i gír de gə̄ ō, kósə de gə̄ ō, nápar de gə̄ ō, gír ta gə̄ ō.

MATIYE 24:31

Loo ń kōō bərúnjə́ kə́ bo a ɓār̄ anī, ni a əla deē yān kə́ dɔ rā̰ tə́ gə̄ kadə̄ aw̄ ɔyn̄ ngé gə̄ ń ni-gə̄rādə́ ní kíl dɔ nang kə́ sɔ́ gə̄ tə́. A əlan̄ gír i ta ngóy dɔ nang kə́ dām̄ kə́rēý tə́, bátə́ ugə̄n̄ ta ngóyn kə́ dām̄ kə́ rang tə́.

JEREMI 49:36

m̄-rāā adə̄ nél kə́ sɔ́ gə̄ teēn̄ kíl dɔ nang kə́ sɔ́ tə́ ba əlan̄ dɔ ɓē kə́ Elam tə́. M-ā m̄-tə̄ndā Elam gə̄ yā tḭ̄ḭ̄də́ kə̄ loo gə̄ tə́ yā kadə̄ nápar de gə̄ kə́ nin̄ aw̄ ugə̄n̄ dandə́ tə́ aĺ gətóo.

DANIEL 2:19

Anī Nə́ɓā ɔjə Daniel yá̰á̰ kə́ to loo mundə̄ tə́ ní ndɔ̄ɔ́ kə nīí. Loo ń noō tə́ Daniel tɔ̄ȳ Nə́ɓā kə́ dɔ rā̰ tə́,

DANIEL 7:7

Yá̰a̰ gə̄ ń teēn̄ ta kumḿ tə́ ndɔ̄ɔ́ ní m̄-na̰y kə̄ loo ka̰a̰də́ tə́: Dā̰ kə́ nge ko̰ sɔ́ ń m-á̰a̰ā̰ ní i dā̰ kə́ to ɓōĺ ngá̰ý ō, i dā̰ kə́ a rāā deē kə ɓōló ngá̰ý ō, ngan̄g to ɓōĺ ngá̰ý ō, rāān̄də́ i kə gidí ō, ni əsań yá̰a̰ ō, gángəń yá̰a̰ naā tə́ ō, gotə yá̰á̰ ń na̰y ní ɓáa ni tə́ɓā kə njaneé ō. Dā̰ kə́ mətá gə̄ ń teēn̄ kété non tə́ ní to tītə̄də́ aĺ ō, gajən i kutə kógə̄ḿ ō.

DANIEL 7:13

m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.

DANIEL 8:2

Yá̰á̰ ń m-á̰a̰ā̰ ní n toó: Nī rāām̄ adə̄ m̄-rā i Sujə ń i ɓē kə́ ngan̄g ngá̰ý kə́ gō nang kə́ Elam tə́ ní kadə man̄ Ulay.

DANIEL 8:8

Bal bə̄yā̰ ní reē bo ngá̰ý. Ba dan ń tɔ́gən i ngá̰ý al̄ naā anī gajən kə́ bo ní gān̄g tetə dip ba kə́ rang kə́ bo gə̄ sɔ́ əɓan̄ gotoó, kumdə́ sɔɔ̄ gír ɓē ō, no ɓē ō, mbɔ́r ɓē kə́ geleé ō kə́ ko̰ó̰ ō.

DANIEL 11:4

Dan ń ngəran a əhɔ nang majanī ɓē ko̰o̰ yān a nujə sák sák ō, a gāngə̄n̄ ɓē ko̰o̰ yān ní naā tə́ kə̄ loo gə̄ tə́ gír ɓē tə́ ō, no ɓē tə́ ō, dām̄ mbɔ̄r ɓē kə́ jōó gə̄ tə́ ō. De kə́ gír kaa yān tə́ a ndi gotən tə́ dɔ ɓē ko̰o̰ yān tə́ alé, a adə̄n̄ i de kə rang gə̄.

JAKARI 6:5

Anī ni-tél ədam̄ na: I nél kə́ sɔ́ gə̄ kə́ dɔ rā̰ tə́. Kété ní, nin̄ i kadə Kɔ́ɔ̄ɓē ń i kɔ́ɔ̄ dɔ nang kə taá malang ní tə́ ō, ngɔlaā ɓáa nin̄ a aw̄n̄ i mbée ō.

IJAI 17:12

I yá̰á̰ kə́ to kum kaȳ aĺ kə́ ba̰ý beē! Nápar de kə́ ngá̰ý gə̄ ń toó, kōōdə́ ɓār̄ tītə̄ kōō bā bo gə̄ beé. Kōō do̰ rɔ̄ɔ̄ yādə́ ɓār̄ tītə̄ kōō bəngál bā bo kə́ ḭḭ kə tɔ́gɔ́ ngá̰ý beē.

JEREMI 51:42

Bā bo un dɔ Babilon, bəngál man̄ kə́ ngá̰ý gə̄ taān̄ dɔn.