DANIEL 7:13 - Bibəl ta Sar̄

¹³ m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.

Bible sar

¹³ m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.

DANIEL 7:13 Referans Kwoze

MATIYE 26:64

Jeju tūr̄ ədan na: Īkɔ́ ə́da. Banī m-ə́dásí najə̄ kə́ rang ɓáý to̰, əla gír ngɔr ń toō tə́ ní ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, ā á̰a̰niī loo reē tə́ dɔ kil̄ man̄ kə́ no rā̰ tə́ tə́ ō.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

Najə̄ kə́ Majə yā Jeju ń Luk ndang ní 21:27

Anī a a̰a̰n̄ Ngōn̄ Deē a reē dan kil̄ man̄ tə́ kə tɔ́gɔ́ ō, kə kɔsə gɔn kə́ ngá̰ý ō.

JEJU TEĒ KUM JA̰A̰ 14:14

Anī m-á̰a̰ kil̄ man̄ kógə̄ḿ kə́ ndaa, ba yá̰á̰ kə́ kə kumuú ń ndi dɔ tə́ ní to tītə̄ ngōn̄ deē beé. Jākā mbang kə́ rāān̄ kə lɔ́r i dɔn tə́ ō, ngorong kə́ kumən atə ngá̰ý i jīn tə́ ō.

MATIYE 24:30

Loo ń noō tə́ yá̰á̰ kə́ ɔjə dɔ Ngōn̄ Deē a teē dɔ rā̰ tə́. Dan ngeé ń noō tə́ ní, gír ɓē kə́ dɔ nang tə́ gə̄ malang a sɔ̄mə́n̄, nin̄ a əndan̄ kadədə́ ō, a a̰a̰n̄ Ngōn̄ Deē loo reē tə́ dɔ kil̄ man̄ gə̄ tə́ dɔ rā̰ tə́, kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

MARK 13:26

Loo ń noō tə́ tā a, a a̰ā̰n̄ Ngōn̄ Deē loo reē tə́ dan kil̄ man̄ tə́ kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

JA̰A̰ 3:13

Deē kógə̄ḿ kə́ ḭḭ dɔ nang tə́ aw̄ dɔ rā̰ tə́ gətóo, ba i ngé ń ḭḭ dɔ rā̰ tə́ reē dɔ nang tə́ á i Ngōn̄ Deē ní tá ngóy.

JEJU TEĒ KUM JA̰A̰ 1:13

ba deē kógə̄ḿ kə́ to tītə̄ ngōn̄ deē ra dan ɗəra hor gə̄ ní tə́. Kɔ́ɔ̄ o̰ō̰ kūbə̄ ngāl̄ kə́ ɔdə gidə njan nang tə́ ō, do̰ō̰ kadən kə kəlā lɔ́rɔ́ ō.

MATIYE 13:41

Ngōn̄ Deē a əla deē yān kə́ dɔ rā̰ tə́ gə̄ kadə̄ a ɔrə̄n̄ yá̰a̰ malang ń a rāā de gə̄ adə̄ a tə́sōn̄ kum majaĺ tə́ ní ō, a ɔrə̄n̄ ngé rāā majaĺ gə̄ kɔ̄ɔ́ kem Ɓē ko̰o̰ yān tə́ ō, yā

JEJU TEĒ KUM JA̰A̰ 1:18

deē ń ndi kə kumneé ní ō. Kété ní m-óy, banī ngɔlaā m̄-ndi kə kumḿ kə dɔ ɓāl̄ gə̄ ɓāl̄ gə̄. Tá kélé gə̄ yā yo ō, yā loo kə́ ɓádá ō, i jīḿ tə́.

KƏLA RĀĀ 7:56

Ni-əda na: Á̰a̰ī, m-á̰a̰ dɔ rā̰ teē tan ō, Ngōn̄ Deē ra kə njan kə́ dɔɔ́ dɔ jī ko̰ Nə́ɓā tə́ ō.

HEBƏRO 9:24

Tɔdɔ̄ i loo kə́ táĺ kə́ jī deē rāā, adə̄ i ndíl loo kə́ táĺ kə́ rɔ̄kum n Kərist udə kemeé ní alé. Banī i dɔ rā̰ nəkɔ́ n ni udə kemeé ní. Ngɔlaā ni-ra ta kum Nə́ɓā tə́ tām̄ yājí tə́ i loo ń noō tə́.

DANIEL 7:22

Banī de kə́ tɔgə ɓə́ga ní reē gān̄g sarya kə́ gōtə́ tām̄ yā gír de kə́ táĺ gə̄ yā Nə́ɓā kə́ dɔɔ́ sa̰y ngá̰ý tə́. Dan ń kum mbang asə anī ngé kə́ táĺ gə̄ o̰o̰n̄ ɓē.

Najə̄ kə́ Majə yā Jeju ń Luk ndang ní 21:36

Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

HEBƏRO 2:14

Ba dan ń ngán gə̄ aw̄n̄ kə dā̰ rɔ̄də́ ō, kə mósə́də́ ō ní, Jeju nəkɔ́ tél to tītə̄də́ ō, adə̄ ni-aw̄ kə dā̰ rɔ̄ tītə̄ yādə́ ō. Ni-rāā tītə̄ noō i yā nujəń diabəl kə ta kūl̄ koyn. Diabəl i nge ń tɔ́gə yā yo i gír jīn tə́ ní.

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

DANIEL 7:9

m̄-na̰y kə̄ loo ka̰a̰ yá̰á̰ tə́ ɓáý: Tə́ndān̄ kōr̄ kāgə̄ mbang gə̄, anī deē kógə̄ḿ kə́ tɔgə ɓə́ga reē ndi. Kūbə̄ kə́ rɔ̄n tə́ na tītə̄ búy kūbə̄ beé nənga dɔn to tītə̄ bḭḭ̄ batə̄ kə́ ndaa kə́ tə́go beé ō. Kōr̄ kāgə̄ mbang yān i kə́ rāā kə ndo̰ horoó ō, njan kə́ gōr̄ gə̄ i kə́ rāā kə hor kə́ unjūú ō.

EJEKIEL 1:26

Yá̰á̰ kógə̄ḿ kə́ to tītə̄ mbal̄ sapir ba to tītə̄ kōr̄ kāgə̄ mbang beé i dɔɔ́ dɔ tə́ ō, yá̰á̰ kógə̄ḿ kə́ to tītə̄ deē i dɔ kōr̄ kāgə̄ mbang ní tə́ ō.

PĀ GƏ̄ 47:5

Ni gə̄rā dɔ nang adə̄jí yá̰a̰ yājí tə́. I yá̰a̰ kənda nganjə yājí jḭḭ̄ de kə́ gír yā Jakob tə́ gə̄ ń ni táŕjí ngá̰ý ní.

JA̰A̰ 12:34

Anī kósə de gə̄ tél ədanən̄ na: Jḭḭ j-oō tū ndū najə̄ tə́ na Kərist a ndi ngándáńg. Ba i ba̰ý á ə́da na i gáŕ kadə̄ a əlan̄ Ngōn̄ Deē dɔɔ́ ní? Ngōn̄ Deē nəkɔ́ i náā?

JA̰A̰ 5:27

Ba ni-adə̄n tɔ́gə kadə̄ gāngə̄ń sarya tām̄ ni i Ngōn̄ Deē.

JEREMI 49:19

Tītə̄ ń ɓɔl teēń kem ku kāgə̄ gə̄ kə́ dɔ gɔ́sə bā Jurdḛ tə́, ba aw̄ kumən sɔɔ̄ gong gə̄ kə́ yá̰a̰ kul̄ gə̄ i ngá̰ý kemeé tə́ ní, i tītə̄ ń noō n m-ā m̄-tə̄ɓāńdə́ kɔ̄ɔ́ gidə kógə̄ḿ tītə̄ kum kə́ kənda sapə beé, kadə̄ aw̄n̄ sa̰y kɔ̄ɔ́ rɔ̄n tə́ ní. M-ā m-ə́lá ngé rɔ̄ɔ̄ kə́ balsáa gə̄ kadə̄ aw̄n̄ láẃ rɔ̄n tə́. Tɔdɔ̄ i náā n to tītə̄ḿ mā ní? I náā n asə ɓārə́m̄ loo sarya tə́ ní? I nge kul̄ yá̰á̰ kə́ rá n a asə dum̄ taḿ mā ní?

MATIYE 8:20

Jeju ədan na: Njā̰ gə̄ aw̄n̄ kə bəlodə́ gə̄ ō, yel̄ kə́ dɔɔ́ gə̄ aw̄n̄ kə ɓēdə́ gə̄ ō, banī Ngōn̄ deē aw̄ kə loo kə́ yā kəlań dɔn ta tə́ alé.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

Najə̄ kə́ Majə yā Jeju ń Luk ndang ní 24:27

Loo ń noō tə́ anī, ni-əla gír dɔ najə̄ yā Moijə tə́ bátə́ gāngəń dɔ najə̄ yā ngé koō ta gə̄ malang tə́, a ɔrə̄ńdə́ kum yá̰a̰ malang kə́ ɔjə dɔn ń ndangən̄ kem makətūbə̄ tə́ ní.

1 TESALONIK 4:17

Gō tə́ anī, jḭḭ̄ ń jə-ndiī kə kumjí á jə-na̰yiī dɔ nang tə́ laā ɓáý ní, a aw̄n̄ sejí naā tə́ sedə́ malang dɔ kil̄ man̄ tə́, yā kadə̄ j-ɔjiī no Kɔ́ɔ̄ɓē ɓōdə̄ rā̰ tə́, adə̄ j-a jə-ndiī kə Kɔ́ɔ̄ɓēé ngándáńg.

PĀ GƏ̄ 110:2

Ādə̄ Kɔ́ɔ̄ɓē ń ndi Siyo̰ ní rāā adə̄ ko̰o̰ ɓē yāí əla gír Jerusalem bátə́ ta kaw̄ sa̰y! Ó̰o̰ ɓē dan madə̄ ba̰ā̰í gə̄ tə́!

DANIEL 7:2

kə gō ń nəkɔ́ ɔjəń gotə ní, əda na: Nī rāām̄ ndɔ̄ɔ́ adə̄ m-á̰a̰ kadə̄ nél ḭḭ dām̄ kə́ gír ɓē tə́ ō no ɓē tə́ ō dām̄ mbɔ́r ɓē kə́ ko̰ó̰ tə́ ō kə́ geleé tə́ ō, ba əla kə tɔ́gɔ́ dɔ bā bo tə́ adə̄ man̄ ḭḭ ngá̰ý.

DANIEL 7:12

Gotə dā̰ kə́ rang gə̄ ní ɔgə̄n̄də́ tɔ́gə́ ń a o̰o̰n̄neé ɓē ní kɔ̄ɔ́. Banī ənīn̄ ndɔ̄də́ ta madə̄ tə́ kadə̄ ndin̄ kə kumdə́ bátə́ ugə̄ ndɔ̄ ń ɔjən̄neé tə́ ní ō, kum mbang ń ɔjən̄neé tə́ ní ō.

DANIEL 8:15

Dan ń mā Daniel m̄-rā m-ā m-á̰á̰ yá̰á̰ ní ō, m-ā m̄-sāā kum kadə̄ m̄-ger̄ ō anī, yá̰á̰ kógə̄ḿ kə́ to tītə̄ deē reē ra noḿ tə́.

PĀ GƏ̄ 2:8

Ré ī-dəjem̄ nápar de gə̄ malang anī m-ā m-ādī sedə́ kadə̄ nin̄ i yá̰a̰ yāí gə̄ ō, dɔ nang yāí a laa bátə́ yā kugə̄ ta ngóy dɔ nang tə́ ō.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.