DANIEL 7:1 - Bibəl ta Sar̄

¹ Nī kógə̄ḿ rāā Daniel ɓāl̄ ko̰o̰ ɓē kə́ ta kəga dɔ yā Baltajar mban̄g kə́ Babilon tə́. Daniel a̰a̰ yá̰a̰ gə̄ i ngá̰ý dan ń ni to dɔ tə̄rá ɓīīn tə́ ní. Gō tə́ anī ni ndang yá̰á̰ ń ni-a̰a̰ kem nī tə́ ní. Nī ní n toó,

Bible sar

¹ Nī kógə̄ḿ rāā Daniel ɓāl̄ ko̰o̰ ɓē kə́ ta kəga dɔ yā Baltajar mban̄g kə́ *Babilon tə́. Daniel a̰a̰ yá̰a̰ gə̄ i ngá̰ý dan ń ni to dɔ tə̄rá ɓīīn tə́ ní. Gō tə́ anī ni ndang yá̰á̰ ń ni-a̰a̰ kem nī tə́ ní. Nī ní n toó,

DANIEL 7:1 Referans Kwoze

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i ngé koō ta gə̄ ní alé i tītə̄ ń noō ō.

DANIEL 5:1

Mban̄g Baltajar rāā yá̰a̰ kəsa kə́ ngá̰ý tām̄ yā de kə́ bo yān gə̄ tə́. De gə̄ ní i deē dūbú. Ni a̰ȳ kasə nduú sedə́.

DANIEL 4:5

Ta tɔ̄l̄ ta anī Daniel ń rīn kə́ ko̰ jōó na i Beltasar ní reē rɔ̄ḿ tə́ ō. Əndān̄ rīn kə́ ko̰ jōó ní i kə rī nə́ɓā yāḿ. Ndíĺ nə́ɓā kógə̄ḿ kə́ dan nə́ɓā kə́ táĺ gə̄ tə́ i kem Daniel tə́. M-ɔ́jə Daniel gotə nī yāḿ ní,

DANIEL 1:17

Balsáá kə́ sɔ́ gə̄ ní Nə́ɓā adə̄də́ kəndā ma̰ȳ ō, ndóōdə́ loo ndang makətūbə̄ ō, adə̄də́ kum kedə̄ ō. Tá Daniel ger̄ kum yá̰á̰ kə́ ka̰ā̰ gə̄ ō, kum nī gə̄ ō ɓáý to̰.

JEREMI 23:28

Ādə̄ nge koō ta ń nī rāān ní, ənī gotə nī yān ní, ba ādə̄ deē ń m-ə̄ndā najə̄ yāḿ tan tə́ ní, ənī mbēr̄ dɔ ngarā̰ kum najə̄ ní tə́ kə ndū boó. Kádə́ yá̰á̰ ō, kumən ō ton̄ tītə̄ naā a? Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 1:19

I beé ní, yá̰a̰ gə̄ ń á̰á̰də́ kɔ̄ɔ́ ō, yá̰a̰ gə̄ ń ā á̰á̰də́ toō ō, yá̰a̰ gə̄ ń a utə̄n̄ gōdə́ ɓáý ō ní, ī-ndangdə́ makətūbūú.

HABAKUK 2:2

Anī Kɔ́ɔ̄ɓē tūr̄ ədam̄ na: Yá̰á̰ ń m-ɔ́jiī adə̄ ī-ger̄ ní, ī-ndang. Ī-ndang dɔ bar ndang yá̰a̰ gə̄ tə́ adə̄ kumən unjə̄, tām̄ kadə̄ tə́dan tōr̄ rɔ̄ deē alé.

DANIEL 7:15

Ɓōĺ rāām̄ mā Daniel ngá̰ý ō, yá̰a̰ gə̄ ń m-á̰a̰ā̰ ní tōr̄ rɔ̄ḿ ngá̰ý ō.

DANIEL 7:13

m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.

DANIEL 2:1

Nī kógə̄ḿ rāā mban̄g Nabukodonosor kem ɓāl̄ ko̰o̰ ɓē yān kə́ nge ko̰ jōó tə́. Nī ní rāā adə̄ ɓōĺ rāān ō, ɓīī ra n to̰ aĺ ō.

TƏ́DA 12:6

Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.

TA KƏLA 46:2

Nə́ɓā ndɔ̄bə̄n ndɔ̄ɔ́, ɔr̄ najə̄ seneé, ɓārə́n na Jakob, Jakob! Anī Jakob ndigən na: Mā n toó.

JEJU TEĒ KUM JA̰A̰ 10:4

Dan ń ndán̄g man̄ kə́ sīrí gə̄ ɔrə̄n̄ najə̄ oy á m̄-rāā yā ndang najə̄ gə̄ ní anī, m-ōō ndū deē kógə̄ḿ ɔr̄ najə̄ dɔ rā̰ tə́ əda na: Najə̄ ń ndán̄g man̄ kə́ sīrí gə̄ ɔrə̄n̄ ní, kə m-ɔ́r mbō̰ ta tə́, ba kə m̄-lōō ndang.

2 KORḚNTƏ 12:1

I beé ní, i gáŕ kadə̄ m-ɔ́r ta rɔ̄ḿ, ká nge ń noō i yá̰á̰ kə́ majaĺ gə̄gē ní. Ba ń toō ɓáa m-ā m-ɔ̄r̄ i najə̄ yā yá̰a̰ gə̄ ń Kɔ́ɔ̄ɓē ɔjəm̄ adə̄ m-á̰a̰ā̰ ō, yá̰a̰ gə̄ ń ni-tḛḛ̄ kumḿ dɔ tə́ ō ní.

Makətūbə̄ ń Pol ndang adə̄ Rom gə̄ ní 15:4

Najə̄ gə̄ ń ndangən̄ kété malang ní i yā kɔjəńjí yá̰a̰, i gáŕ kadə̄ najə̄ gə̄ ní rāān̄jí adə̄ jə-tə́gāī tají ō, j-əhɔī rɔ̄jí tɔgə ō, j-əndāī kemjí dɔ Nə́ɓā tə́ ō.

DANIEL 8:1

Kem ɓāl̄ ko̰o̰ ɓē kə́ nge ko̰ mətá yā mban̄g Baltajar ní, mā Daniel m-á̰a̰ yá̰á̰ kə́ rang gō nge ń m-á̰a̰ā̰ kété tə́ ní.

DANIEL 7:7

Yá̰a̰ gə̄ ń teēn̄ ta kumḿ tə́ ndɔ̄ɔ́ ní m̄-na̰y kə̄ loo ka̰a̰də́ tə́: Dā̰ kə́ nge ko̰ sɔ́ ń m-á̰a̰ā̰ ní i dā̰ kə́ to ɓōĺ ngá̰ý ō, i dā̰ kə́ a rāā deē kə ɓōló ngá̰ý ō, ngan̄g to ɓōĺ ngá̰ý ō, rāān̄də́ i kə gidí ō, ni əsań yá̰a̰ ō, gángəń yá̰a̰ naā tə́ ō, gotə yá̰á̰ ń na̰y ní ɓáa ni tə́ɓā kə njaneé ō. Dā̰ kə́ mətá gə̄ ń teēn̄ kété non tə́ ní to tītə̄də́ aĺ ō, gajən i kutə kógə̄ḿ ō.

DANIEL 5:30

Ndɔ̄ɔ́ ndɔ̄ nəkɔ́ noō tə́ tɔ̄lə̄n̄ Baltajar mban̄g kə́ Babilon.

DANIEL 5:22

Ḭ̄ ngōnən Baltajar ī-ger̄ yá̰a̰ gə̄ ń noō malang, banī ī-sɔl̄ dɔí alé.

EJEKIEL 1:1

Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ nge tun̄ yá̰a̰, m̄-ra i dan Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.

JEREMI 36:4

Jeremi ɓāŕ Baruk, ngōn̄ Neriya, kadə̄ ndang najə̄ gə̄ malang ń Kɔ́ɔ̄ɓē ɔr̄ seneé ní kem ndāŕ ndang najə̄ kógə̄ḿ kə́ ɓír̄ gidə naā tə́ ní tə́.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

IJAI 30:8

Kɔ́ɔ̄ɓē əda Ijai na: Ngɔlaā ní, ī-ndang yá̰a̰ gə̄ ń toō dɔ bar mbal̄ tə́, ta kum de kə́ Jerusalem gə̄ tə́. Ndɔ̄ń tə́ anī, nge ń noō a tél i yá̰á̰ kə́ kum tə́ kə́ a to ngándáńg.

IJAI 8:1

Kɔ́ɔ̄ɓē ədam̄ na: Ún bar ndang yá̰á̰ kə́ bo, ba ī-ndang ādə̄ kumən to kadə̄ deē tə́da, ī-ndang na: Kaw̄ láẃ nār̄ yá̰a̰, kɔy yá̰a̰ kənge dɔ gúú tə́.

Makətūbə̄ yā Job 4:13

Dan ń nī kə́ ndɔ̄ɔ́ gə̄ a dáȳn̄ kə gír̄ yā deé kə̄ loo gə̄ tə́, dan ń deē ɓīī ɓīī kə́ gōn əsō ní,

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

JEREMI 36:32

Tā anī, Jeremi un ndāŕ ndang najə̄ kə́ ɓír̄ gidə naā tə́ kə́ rang adə̄ Baruk nge ndang makətūbə̄ kə́ ngōn̄ Neriya. Ni ndang najə̄ gə̄ malang ń Jeremi tə́dan á Joakim, mban̄g kə́ Juda tə́ róō kɔ̄ɔ́ ní kemeé. Ndangən̄ najə̄ kə́ rang kə́ tītə̄ ngé gə̄ ń noō gə̄ ngá̰ý kemeé ɓáý to̰ ō.

EJEKIEL 40:2

Dan ń m-ā m-á̰a̰ń yá̰á̰ kógə̄ḿ ní, Nə́ɓā un aw̄ seḿ dɔ nang kə́ Israel tə́. Ni əya̰m̄ dɔ mbal̄ kógə̄ḿ kə́ ngāl̄ ngá̰ý kum kə̄ dɔɔ́ tə́. Ɓūtə̄ kújə gə̄ kə́ tītə̄ kújə gə̄ kə́ kem ɓē bo kógə̄ḿ tə́ i kadə mbal̄ ní tə́, dām̄ mbɔ́r ɓē kə́ geleé tə́.

DANIEL 2:26

Mban̄g un najə̄ ɔr̄ kə Daniel ń a ɓāŕnən̄ na i Beltasar ní. Dəjen na ké nī ń rāān ní ké asə kədan gotə ō, asə k ɔjən kum ō wa.

DANIEL 4:13

A tūrə̄n̄ dan wurən kɔ̄ɔ́ kadə̄ tél to tītə̄ yā deē alé, ba a adə̄nən̄ dan wur dā̰. Ādə̄ gír gisən ní ra tītə̄ ń noō bátə́ ɓāl̄ sīrí!