DANIEL 6:4 - Bibəl ta Sar̄

⁴ Daniel ngeé ń toō tɔȳ de kə́ bo madə̄n kə́ jōó gə̄ ō, tɔȳ ngé kɔsə kum gotə mban̄g dɔ ɓē tə́ gə̄ malang ō, tɔdɔ̄ ndíĺ kə́ kə́ kemən tə́ i ndíĺ kə́ tayā. Adə̄ mban̄g gír̄ kəndān dɔ ɓē ko̰o̰ tə́ kə taá malang.

Bible sar

⁴ Daniel ngeé ń toō tɔȳ de kə́ bo madə̄n kə́ jōó gə̄ ō, tɔȳ ngé kɔsə kum gotə mban̄g dɔ ɓē tə́ gə̄ malang ō, tɔdɔ̄ ndíĺ kə́ kə́ kemən tə́ i ndíĺ kə́ tayā. Adə̄ mban̄g gír̄ kəndān dɔ ɓē ko̰o̰ tə́ kə taá malang.

DANIEL 6:4 Referans Kwoze

1 PIYER 3:16

Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.

PILIPƏ 2:15

Yā kadə̄ sḭḭ̄ i de kə́ kanjə̄ najə̄ dɔsí tə́ gə̄ ō, kə́ ūnjī njáý njáý gə̄ ō, ngáń Nə́ɓā kə́ yá̰á̰ kə́ majaĺ sḛ́ý gətóo dɔdə́ tə́ gə̄ kə́ ndin̄ dan de kə́ súmūú aĺ gə̄ tə́ ō, dan de kə́ nujə kɔ̄ɔ́ gə̄ kə́ dɔ nang ń toō tə́ ō. Majə kadə̄ sḭḭ̄ ī-ndə́lēī dandə́ tə́ tītə̄ tə́yō̰ gə̄ kə́ dɔ rā̰ tə́ beē,

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

Najə̄ kə́ Majə yā Jeju ń Luk ndang ní 20:20

Loo ń noō tə́ ní, nin̄-əlan̄ gír kum̄ loo, adə̄ əlan̄ de kə́ ngé kəndā ma̰ȳ loo gə̄ rɔ̄ Jeju tə́. Nin̄-sēmə̄n̄ kumdə́ séḿ séḿ, adə̄ rāān̄ yá̰a̰ tītə̄ kə́ nin̄ i de kə́ súmūú gə̄, yā kadə̄ ré Jeju əda najə̄ kə́ majaĺ ɓáa kə n-əhɔnən̄ dɔ tə́ yā kəlan jī ngé ko̰o̰ ɓē gə̄ tə́ kadə̄ rāānən̄ kə gō ndū ń nin̄-ənīn̄ ní.

TITƏ 2:8

Ādə̄ najə̄ kɔrīí i najə̄ kə́ to ngáā ō, kə́ dum̄ kadə̄ deē nējə̄ ō.

MATIYE 27:18

Tɔdɔ̄ ni ger̄ majə kadə̄ i nii n rāādə́ á nin̄-əlan̄ Jeju jīn tə́ ní.

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

KOHELET 4:4

Mā m-á̰a̰ kadə̄ kəla malang ō, kəndā kə́ de gə̄ əndān̄ rɔ̄də́ ta kəla yādə́ tə́ rāān̄ adə̄ majə ō, i kəndā naā nii. I yá̰á̰ kə́ kanjə̄ kumən tītə̄ ngɔ̄də̄ gō nél yā kəhɔn beē.

Gōsə̄ najə̄ gə̄ 29:27

De kə́ sew aĺ gə̄ ní de kə́ súmūú gə̄ gḛyn̄ najə̄ yādə́ aĺ bátə́ ō, ngé kem ndul gə̄ gḛyn̄ najə̄ yā de kə́ súmūú gə̄ aĺ bátə́ ō.

NGÉ SARYA 14:4

Bɔbə̄n nin̄ kə kó̰o̰neé gerə̄n̄ kadə̄ i Kɔ́ɔ̄ɓē n əndā ɓō dəyá̰ ní kem Samso̰ tə́ yā sāań ta Pilistin gə̄ ní alé. Dan ngeé ń noō tə́ Pilistin gə̄ ndin̄ dɔ Israel gə̄ tə́.

TA KƏLA 43:18

Dan ń a aw̄n̄ sedə́ kə̄ ɓē Jəjepé ní a, ɓōĺ asədə́ nák adə̄ ədan̄ naā na aw̄n̄ sedə́ na i tām̄ nar ń téĺ tə́lan̄ kem ngɔng yādə́ gə̄ tə́ ní, na aw̄n̄ sedə́ na i yā kudə dɔdə́ tə́ rāādə́ yá̰á̰ kə́ tōr̄, na a əhɔn̄də́ ɓəlo tə́ ō, na a taān̄ kərō yādə́ gə̄ kɔ̄ɔ́ ō.

2 KORḚNTƏ 11:12

Yá̰á̰ ń m̄-rāā toó m-ā m-ún ta ɓáý, yā kadə̄ ngé gə̄ ń a sāān̄ najə̄ kə́ yā kəga rɔ̄də́ gidə tə́ ba kɔrəń ta rɔ̄də́ ō, kədań na kəla rāādə́ na i tītə̄ yājí ō ní, əngen̄neé ta róbən alé.

JA̰A̰ 19:4

Pilatə teē ndágá ɓáý to̰, ba əda Jipə gə̄ na: Á̰a̰ī, m-ā m̄-teē yā reē seneé rɔ̄sí tə́ kadə̄ ī-gerī na m-ə́nge najə̄ kógə̄ḿ dɔn tə́ alé.

Najə̄ kə́ Majə yā Jeju ń Luk ndang ní 22:2

Ngol gə̄ kə́ dɔ ngé tun̄ yá̰a̰ gə̄ tə́ kə ngé ndóō de gə̄ ndū najə̄ gə̄ sāān̄ loo kəhɔ Jeju tɔ̄lə̄n, ba gerə̄n̄ loon alé, tām̄ nin̄-ɓōlə́n̄ Jipə gə̄.

MATIYE 26:4

Nin̄-oōn̄ naā kadə̄ kə n-rāān̄ ngam kógə̄ḿ kə n-əhɔn̄neé Jeju kə n-tɔ̄l̄nən̄.

DANIEL 3:8

Loo ń noō tə́ de kə́ Babilon gə̄ reē sekə́n̄ Jipə gə̄.

JEREMI 18:23

Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

1 SAMUEL 22:14

Ahimelek tél əda mban̄g na: Kɔ́ɔ̄ ɓē gə̄ dan ngé kəla yāí gə̄ tə́ malang ní, de kə́ sew tītə̄ Dabid i noó a? Ni i umií ō, pajā yāí kə́ nge ngɔ̄mī ō i ni n de gə̄ rɔȳnən̄ ɓēé looí ní ō.

1 SAMUEL 18:14

Yá̰a̰ malang ń teē kə de gēé yā kaw̄ rāā ní rāān̄ majə ō, Kɔ́ɔ̄ɓē i naā tə́ seneé ō.

Najə̄ kə́ Majə yā Jeju ń Luk ndang ní 20:26

Nin̄-əngen̄ loo kəhɔn dɔ najə̄ kə́ majaĺ tə́ sḛ́ý ta kum ngán Israel gə̄ tə́ alé, tá najə̄ ń ni-tél tūr̄ ədadə́ ní ɔr kumdə́ ngá̰ý, adə̄ tél ndin̄ tadə́ mbóo.

JEREMI 29:7

Ādī o̰o̰sí tɔdɔ̄ majə yā ɓē ń m-ə́wásí m-āw̄ sesí kemeé ní ō, ī-rāāī Kɔ́ɔ̄ɓē ɓɔ́ tām̄ yān tə́ ō, tɔdɔ̄ sḭḭ̄ ā ī-ndiī majə i kə ta kūl̄ majə yānneé.

DANIEL 6:22

Daniel tél ədan̄ na: Kɔ́ɔ̄ ɓē gə̄ adə̄ dɔí ngan̄g májə́ májə́!

TA KƏLA 41:38

Anī Parao̰ əda ngé rāā kəla yān gə̄ na ké na n-əngen̄ de kə́ aw̄ kə Ndíĺ Nə́ɓāá dɔn tə́ tītə̄ deē ń toō wa.

1 SAMUEL 12:4

Israel gə̄ tél ədanən̄ na: Əsa tətōjí aĺ ō, ī-rāā kumjí ndoō tə́ aĺ ō, ī-táā yá̰a̰ jī de gə̄ tə́ aĺ ō.

DANIEL 5:12

Ndíĺ kə́ kemən tə́ i ndíĺ kə́ tayā. Ni i de kə́ ger̄ kəndā ma̰ȳ yá̰a̰ ō, ger̄ kum yá̰a̰ ō, ger̄ kəda kum nī gə̄ ō, ger̄ kum səngó gə̄ ō, i de kə́ nge teē kə gíŕ yá̰á̰ kə́ to loo mundə̄ tə́ gə̄ ō. Beé ní ādə̄ ɓārə́n̄ Daniel ngeé ń toō ń mban̄g əndā rāān na i Beltasar ní ādə̄ reē. Ni a ɔjə kum yá̰á̰ ń ndangən̄ kadə̄ bɔr tə́ ní.