DANIEL 6:3 - Bibəl ta Sar̄

³ Ni tə́ndā de kə́ bo gə̄ mətá dɔdə́ tə́ ō, kadə̄ ngé kɔsə kum gotə mban̄g dɔ ɓē tə́ gə̄ ní ɔjən̄də́ kutə yá̰a̰ gə̄ yā kadə̄ yá̰á̰ ń i yá̰a̰ yā mban̄g ní deē a ɔgə̄ń mban̄g alé. De kə́ bo gə̄ kógə̄ḿ i Daniel.

Bible sar

³ Ni tə́ndā de kə́ bo gə̄ mətá dɔdə́ tə́ ō, kadə̄ ngé kɔsə kum gotə mban̄g dɔ ɓē tə́ gə̄ ní ɔjən̄də́ kutə yá̰a̰ gə̄ yā kadə̄ yá̰á̰ ń i yá̰a̰ yā mban̄g ní deē a ɔgə̄ń mban̄g alé. De kə́ bo gə̄ kógə̄ḿ i Daniel.

DANIEL 6:3 Referans Kwoze

DANIEL 5:14

Ədan̄ najə̄ yāí adə̄ m-ōō. Ədan̄ na ndíĺ nə́ɓā gə̄ na i kemií tə́ ō, teēn̄ dɔ tə́ kadə̄ ḭ̄ i de kə́ á̰á̰ yá̰á̰ ngá̰ý ō, de kə́ nge ger̄ kum yá̰a̰ gə̄ ō, āw̄ kə kum kedə̄ kə́ tayā ō.

Gōsə̄ najə̄ gə̄ 22:29

De kə́ jīn ger̄ kəla yān majə ní á̰a̰n a? Ni asə kaw̄ ra no mban̄g gə̄ tə́. De kə́ deē ger̄də́ aĺ gə̄ ní ni a ndi dandə́ tə́ alé.

DANIEL 5:12

Ndíĺ kə́ kemən tə́ i ndíĺ kə́ tayā. Ni i de kə́ ger̄ kəndā ma̰ȳ yá̰a̰ ō, ger̄ kum yá̰a̰ ō, ger̄ kəda kum nī gə̄ ō, ger̄ kum səngó gə̄ ō, i de kə́ nge teē kə gíŕ yá̰á̰ kə́ to loo mundə̄ tə́ gə̄ ō. Beé ní ādə̄ ɓārə́n̄ Daniel ngeé ń toō ń mban̄g əndā rāān na i Beltasar ní ādə̄ reē. Ni a ɔjə kum yá̰á̰ ń ndangən̄ kadə̄ bɔr tə́ ní.

ESTER 10:3

Tɔdɔ̄ kem ɓē ko̰o̰ yā mban̄g Jerses tə́ ní de kə́ utə̄ gō mban̄g Jerses i Mardose ń ni i Jipə deē ní. Mardose i de kə́ bo kə́ dan Jipə gə̄ tə́ ō, nel̄ ngákó̰o̰n kə́ Jipə gə̄ malang seneé ō. Ni sāā yá̰á̰ kə́ majə tām̄ yā gír deē yān gə̄ tə́ ō, ɔr̄ najə̄ lápə́ya tām̄ yādə́ tə́ ō.

DANIEL 9:23

Dan ń ə́lá gír rāā Nə́ɓā ɓɔ́ ní Nə́ɓā əda najə̄ kógə̄ḿ adə̄ m̄-reē i kədaī najə̄ ní tə́. Tɔdɔ̄ ḭ̄ i kó tár yā Nə́ɓā. I beé ní majə kadə̄ ī-ger̄ kum najə̄ ní ō, kum yá̰á̰ ń á̰a̰ā̰ ní ō.

Gōsə̄ najə̄ gə̄ 17:27

De kə́ ɔr̄ najə̄ adə̄ mān̄ dɔ loon alé i de kə́ ger̄ yá̰á̰ ngá̰ý ō, de kə́ əre rɔ̄n ndi jəke i de kə́ nge rāā yá̰a̰ kə gōó ō.

KOHELET 2:13

Yá̰á̰ ń m-á̰a̰ā̰ ní n toó: Kum kedə̄ rāā majə kə deē tɔȳ mbóo, tītə̄ ń loo kə́ unjə̄ kow rāań majə kə deé tɔȳ til ni.

NEHEMI 7:2

M-ə́da kadə̄ əndān̄ ngōkó̰ó̰ḿ Hanani dɔ ɓē kə́ Jerusalem tə́ ō, kadə̄ əndān̄ Hanania ń i de kə́ ra dɔ ndūn tə́ ō, ɓōĺ ndíĺ Nə́ɓā tɔȳ madə̄n gə̄ ō ní ngol áskar gə̄ kə́ dɔ loo kə́ ngan̄g kə́ kem ɓēé tə́ ō.

DANIEL 5:7

Mban̄g un ndūn kə̄ dɔɔ́ ngá̰ý ədań kə tɔ́gɔ́ kadə̄ reēn̄ kə ngé kum kedə̄ gə̄ kə́ Babilon rɔ̄n tə́, adə̄ i ngé bógə̄rō de gə̄ ō, ngé ger̄ tə́yō̰ gə̄ ō, kɔdə̄ sāā gə̄ ō. Ni un najə̄ ɔr̄ sedə́, ədadə́ na: Deē ń a tə́dá yá̰á̰ ń ndangən̄ toó ō, a ɔjəm̄ kumən ō anī a o̰ō̰ kūbə̄ kə́ majə ngá̰ý ō, a o̰ō̰ məde lɔ́r kɔ́ɔn tə́ ō, a tél nge ko̰o̰ ɓē kə́ dan ngé ko̰o̰ ɓē kə́ bo gə̄ tə́ kem ɓē ko̰o̰ yāḿ tə́ ō.

ESDRAS 4:22

Ī-lōōī rāā najə̄ ń noō kə njasí, na sōgə́ majaĺ ní bo adə̄ nujə mban̄g gə̄ kum kə̄ kété.