DANIEL 6:26 - Bibəl ta Sar̄

²⁶ Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!

Bible sar

²⁶ Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!

DANIEL 6:26 Referans Kwoze

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

Najə̄ kə́ Majə yā Jeju ń Luk ndang ní 1:33

Ni a o̰o̰ ɓē dɔ gír kojə yā Jakob tə́ ngándáńg ō, gír ko̰o̰ ɓē yān dan a gān̄g aĺ ō.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

DANIEL 4:3

Adə̄ m-ə́da kadə̄ reēn̄ kə ngé kum kedə̄ gə̄ malang kə́ Babilon rɔ̄ḿ tə́ kadə̄ ɔjəmə̄n̄ kum nī ní.

DANIEL 3:29

I beé ní m̄-gḛy kadə̄ de gə̄ rāān̄ yá̰á̰ ń toō: Deē ń a ɔr̄ najə̄ yā Nə́ɓā yā Sadərak ō Mesak ō Abed Nego ō majaĺ ní, ká ni i de kə́ dan gír de kə́ rá gə̄ tə́, aláa ni i de kə́ dan nápar de kə́ rá gə̄ tə́, aláa ta yān kə́ rá gə̄gē anī, a gángə̄n̄ deē ní naā tə́ bét bét ō, kújə yān a tél loo ɓōkə́ yá̰á̰ kə́ yḛr gə̄ ō. Tɔdɔ̄ nə́ɓā kə́ rāān kə́ asə kajə deē beé ní gətóo.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

PĀ GƏ̄ 29:10

Kɔ́ɔ̄ɓē ndi dɔ man̄ kə́ taā loo tə́, ni-ndi mban̄g ngándáńg.

PĀ GƏ̄ 2:11

Ī-rāāī kəla ādī Kɔ́ɔ̄ɓē kə ɓōló ō, ī-rāāī walya kə rɔ̄ ndebeé ō.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

Makətūbə̄ ń Pol ndang adə̄ Rom gə̄ ní 9:26

Ba loo ń ədan̄də́ tū tə́ na sḭḭ̄ i gír deē yāḿ gə̄ aĺ ní, i loo nəkɔ́ ń noō tə́ n a ɓārə́n̄də́ tū tə́ na i gír deē yā Nə́ɓā kə́ ndi kə kumneé gə̄ ní.

MALASI 3:6

Mā Kɔ́ɔ̄ɓē m̄-tūr̄ alé. Ba sḭḭ̄, ngándáńg ní sḭḭ̄ i ngán Jakob gə̄!

DANIEL 7:27

Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

JEJU TEĒ KUM JA̰A̰ 5:14

Anī yá̰á̰ kə́ kə kumuú kə́ sɔ́ gə̄ ní ədan̄ na: Adə̄ i tītə̄ ń noō. Loo ń noō tə́ kum kɔɔ̄ gə̄ ní əsōn̄ kə̄ nang tə́ rɔȳnəń.

JEJU TEĒ KUM JA̰A̰ 4:10

kum kɔɔ̄ kə́ kutə jōó gidə i sɔ́ gə̄ əsōn̄ kə̄ nang tə́ no nge ń ndi dɔ kōr̄ kāgə̄ mbang tə́ ní, nin̄-rɔȳn̄ nge ń ndi kə kumneé kə dɔ ɓāl̄ gə̄ ɓāl̄ gə̄ ní ō, nin̄-ɓōkə́n̄ jākā mbang yādə́ gə̄ nang tə́ no kōr̄ kāgə̄ mbang tə́ ō ba ədan̄ na:

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

HEBƏRO 12:29

Tɔdɔ̄ Nə́ɓā yājí i hor kə́ a o̰o̰ yá̰a̰.

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. Adə̄ i tītə̄ ń noō!

DANIEL 6:20

Mban̄g ḭḭ dɔɔ́ kə gír looí ɓatə ba aw̄ láẃ ta bəlo ɓɔl gə̄ tə́.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

PĀ GƏ̄ 146:10

Kɔ́ɔ̄ɓē a o̰o̰ ɓē ngándáńg. Ḭ̄ Siyo̰, ni i Nə́ɓā yāí kə dɔ ɓāl̄ gə̄! Aleluya!

PĀ GƏ̄ 119:120

m̄-ra ta kumií tə́ anī m̄-ndebə kə̄ rɔ̄ḿ gə̄ tə́ malang, tɔdɔ̄ m̄-ɓōĺ ndílí ō, Ndūí gə̄ ń ī-ra dɔ tə́ yā rāā ní adə̄mə̄n̄ ɓōĺ ō.

1 SAMUEL 17:36

Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

NDŪ NAJƏ̄ 5:26

I de kə́ rá n oō ndū Nə́ɓā kə́ ndi kə kumneé loo kɔr̄ najə̄ tə́ kum hor tə́ tītə̄ yājí ba kɔ́ɔ̄ oy aĺ ní?

1 TESALONIK 1:9

Tɔdɔ̄ de gə̄ malang a ənīn̄ i gotə loo kəhɔ ń ə́hɔījí kə̄ rɔ̄sí tə́ dan ń j-aw̄ń loosí ní ō, loo kəya̰ ń ə́ya̰ī ɓesə̄ gə̄ kɔ̄ɔ́, ba ī-tūrī rɔ̄sí kə̄ rɔ̄ Nə́ɓā kə́ rɔ̄kum kə́ ndi kə kumneé tə́ yā rāań kəla yān,

KƏLA RĀĀ 17:25

Kəla yān i kəla kə́ deē a rāā kə jīneé aĺ ō, ni-gḛy i yá̰á̰ kə́rēý á kadə̄ deē adə̄n aĺ ō, tɔdɔ̄ i ni n i nge rāā kadə̄ de gə̄ malang ndin̄ kə kumdə́ ō, nge kəla koō kemdə́ tə́ ō, nge kadə̄də́ gotə yá̰á̰ kə́ rang gə̄ malang ō ní.

Najə̄ kə́ Majə yā Jeju ń Luk ndang ní 12:5

Ādə̄ m-ɔ́jə́sí deē ń majə kadə̄ ī-ɓōĺniī ní: Ī-ɓōlíī deē ń tɔ̄lī oy anī i kə tɔ́gə kənīī kum hor Gehen tə́ ní. A̰á̰ā̰ m-ə́dásí, i ni n majə kadə̄ ī-ɓōĺniī ní!

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

ESDRAS 1:3

Ní i náā kə́ dansí tə́ n i de kə́ gírən teē dan deē yān gə̄ tə́ ní, anī ādə̄ Nə́ɓā yān i seneé, ba ādə̄ aw̄ Jerusalem kə́ Juda tə́ aw̄ rāā kújə yā Kɔ́ɔ̄ɓē Nə́ɓā yā Israel, adə̄ i Nə́ɓā ń ndi Jerusalem ní.

ESDRAS 7:21

Mā mban̄g Artajerses m-ə́da ngé ngɔ̄m̄ nar gə̄ malang kə́ gidə bā Opəratə kə́ dām̄ kə́ no ɓē tə́ kadə̄ rāān̄ yá̰a̰ malang ń Esdras nge tun̄ yá̰á̰ kə́ nge ndóō de gə̄ ndū najə̄ yā Nə́ɓā kə́ dɔ rā̰ tə́ a dəjedə́ ní kə gōó.

PĀ GƏ̄ 42:2

Tītə̄ ń kəndā man̄ rāań wāl̄ adə̄ sāań man̄ pa pak ní, Nə́ɓā yāḿ, m̄-sāāī pa pak ō.