DANIEL 6:24 - Bibəl ta Sar̄

²⁴ Loo ń noō tə́ rɔ̄ mban̄g nelə̄n ngá̰ý, adə̄ ni-əda kadə̄ ɔrə̄n̄ Daniel kɔ̄ɔ́ bəlo ɓɔl gə̄ tə́. Ɔrə̄n̄ Daniel bəloó banī a̰a̰n̄ do kógə̄ḿ rɔ̄n tə́ alé, tɔdɔ̄ ni-taā kem Nə́ɓā yā mámák.

Bible sar

²⁴ Loo ń noō tə́ rɔ̄ mban̄g nelə̄n ngá̰ý, adə̄ ni-əda kadə̄ ɔrə̄n̄ Daniel kɔ̄ɔ́ bəlo ɓɔl gə̄ tə́. Ɔrə̄n̄ Daniel bəloó banī a̰a̰n̄ do kógə̄ḿ rɔ̄n tə́ alé, tɔdɔ̄ ni-taā kem Nə́ɓā yā mámák.

DANIEL 6:24 Referans Kwoze

IJAI 38:13

Kété tá kadə̄ loo tīī ní, mā i yá̰á̰ kógə̄ḿ to̰ alé. Kɔ́ɔ̄ɓē tétə̄ kə̄ngāḿ gə̄ malang kɔ̄ɔ́ tītə̄ ɓɔl beé. Kɔ́ɔ̄ɓē, kadaá bátə́ ndɔ̄ɔ́ ní, ā ī-gān̄g gír najə̄ yāḿ.

ESTER 7:10

Adə̄ ənīn̄ kəlā míndə Haman tə́ ba do̰ō̰nən̄ dɔɔ́ tū kāgə̄ tɔ̄l̄ deē ń ni-rāā tām̄ yā Mardose tə́ ní. Loo ń no ō tə́ wōn̄g yā mban̄g tetə.

PĀ GƏ̄ 54:5

Tɔdɔ̄ tə̄rā gə̄ ənīmə̄n̄ rɔ̄ɔ̄ ō, de kə́ ngé dɔ́nɔ gə̄ sāān̄ tɔ̄lə̄m̄ ō. Nin̄ usədə́ dɔ Nə́ɓā tə́ alé.

ESTER 9:25

Banī dan ń najə̄ ní ugə̄ rɔ̄ mban̄g tə́ anī ni-əda adə̄ ndangən̄ na yá̰á̰ kə́ majaĺ ń Haman sāā rāā kə Jipə gēé ní a téĺ yā rāān nəkɔ́. I beé n ənīn̄neé kəlā míndə Haman tə́ ō, míndə ngánən gə̄ tə́ ō, ba tṵ́ṵ̄n̄neédə́ dɔɔ́ tū kāgə̄ tɔ̄l̄ deē gə̄ tə́ ní.

2 MBAN̄G 14:6

Banī ni tɔ̄l̄ ngáń ngé tɔ̄l̄ bɔbə̄n gə̄ alé, kə gō ń ndangən̄neé kem makətūbə̄ ndū najə̄ yā Moijə tə́ ní. Tɔdɔ̄ Kɔ́ɔ̄ɓē əda kem makətūbə̄ ndū najə̄ yā Moijə tə́ na a tɔ̄lə̄n̄ bɔbə̄ ngán gə̄ tām̄ yā yá̰á̰ kə́ majaĺ gə̄ ń ngán gə̄ rāān̄ tə́ ní aĺ ō, a tɔ̄lə̄n̄ ngán gə̄ tām̄ yā yá̰á̰ kə́ majaĺ gə̄ ń bɔbə̄də́ gə̄ rāān̄ ní tə́ aĺ ō. A tɔ̄lə̄n̄ deē i tām̄ yā yá̰á̰ kə́ majaĺ gə̄ ń kɔ́ɔ̄ rāā tə́ ní.

NDŪ NAJƏ̄ 24:16

A tɔ̄lə̄n̄ bɔbə̄ ngán gə̄ tām̄ majaĺ yā ngáńdə́ gə̄ tə́ aĺ ō, a tɔ̄lə̄n̄ ngán gə̄ tām̄ majaĺ yā bɔbə̄də́ gə̄ tə́ aĺ ō, banī a tɔ̄lə̄n̄ de gə̄ kógə̄ḿ kógə̄ḿ i tām̄ majaĺ yādə́ nin̄ kɔ́ gə̄ tə́.

Gōsə̄ najə̄ gə̄ 11:8

De kə́ súmūú teē ta sōl̄ tə́, banī nge kem ndul reē əsō tū tə́ gotən tə́.

DANIEL 3:22

Tītə̄ ń mban̄g ədań ní rāān̄ hor ní adə̄ təngā tɔȳ kə́ kété gə̄, adə̄ ngé ɓōkə́ Sadərak ō Mesak ō Abed Nego ō kum tə́ gə̄ ní, ta ndo̰ hor ní əgadə́ tɔ̄l̄də́.

Gōsə̄ najə̄ gə̄ 19:9

De kə́ kum yá̰á̰ tə́ kə́ nge kəda najə̄ kə́ rɔ̄kum aĺ ní, a əya̰nən̄ kanjə̄ kəndan aĺ ō, de kə́ nge kɔr̄ najə̄ kə́ sor̄ a tḭ̄ḭ̄ ta rɔ̄n ō.

JEREMI 34:17

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Sḭḭ̄ ōōī najə̄ yāḿ kadə̄ ə́ya̰īneé ngákó̰ó̰sí gə̄ ō, ngáń ngé ɓē gə̄ ō dɔɔ́ aĺ ní, mā m-ā m-ə́yá̰sí kadə̄ ə̄sōī ta kaskar tə́ ō, kadə̄ mo̰y ngāl̄bɔ̄gīí ō, ɓō ō əsōn̄ dɔsí tə́. M-ā m̄-rāā kadə̄ ī-téliī yá̰a̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. Najə̄ ń Kɔ́ɔ̄ɓē əda ní n noó.