DANIEL 6:23 - Bibəl ta Sar̄

²³ Nə́ɓā yāḿ əla deē yān kə́ dɔ rā̰ tə́ adə̄ utə̄ ta ɓɔl gə̄ kɔ̄ɔ́, adə̄ ɓɔl gə̄ rāān̄ yá̰á̰ kógə̄ḿ kə́ majaĺ seḿ alé. Tɔdɔ̄ m̄-rāā yá̰á̰ gōtə́ aĺ kə Nə́ɓāá aĺ ō, kɔ́ɔ̄ ɓē gə̄, m̄-rāā yá̰á̰ kógə̄ḿ kə́ gōtə́ aĺ seí ḭ̄ aĺ ō!

Bible sar

²³ Nə́ɓā yāḿ əla deē yān kə́ dɔ rā̰ tə́ adə̄ utə̄ ta ɓɔl gə̄ kɔ̄ɔ́, adə̄ ɓɔl gə̄ rāān̄ yá̰á̰ kógə̄ḿ kə́ majaĺ seḿ alé. Tɔdɔ̄ m̄-rāā yá̰á̰ gōtə́ aĺ kə Nə́ɓāá aĺ ō, kɔ́ɔ̄ ɓē gə̄, m̄-rāā yá̰á̰ kógə̄ḿ kə́ gōtə́ aĺ seí ḭ̄ aĺ ō!

DANIEL 6:23 Referans Kwoze

1 YÁ̰A̰ GƏ̄ 5:20

Nə́ɓā rāā sedə́ loo rɔ̄ɔ̄ ní tə́. Ni-əla Hagəri gə̄ ō, de kə́ sedə́ gə̄ malang ō, kem jīdə́ tə́. Tɔdɔ̄ dan ń udən̄ rɔ̄ɔ̄ naā tə́ a rɔ̄ɔ̄n̄ naā ní, nin̄ əgan̄ kɔŕ kə̄ dɔ Nə́ɓā tə́ adə̄ Nə́ɓā oō ndūdə́ ba dḭḭ̄də́, tām̄ nin̄ ənīn̄ kemdə́ adə̄n̄ Nə́ɓā.

DANIEL 3:25

Mban̄g tél ədadə́ na: Ɓá tā ba m-á̰a̰ de gə̄ kə́ tútən̄ kəla rɔ̄də́ tə́ kɔ̄ɔ́ gə̄ i sɔ́ n ra a njə̄rān̄ kum hor tə́ ní. Do kógə̄ḿ gə̄gē gətóo rɔ̄də́ tə́. Tá nge kə́ ko̰ sɔ́ yādə́ ní to tītə̄ ngōn̄ nə́ɓā kógə̄ḿ kə́ dan nə́ɓā gə̄ tə́.

MARK 9:23

Jeju əda na: I najə̄ rí tə́ á ə́dam̄ na. Ré m-ásə rāā ní! De kə́ nge taā kem asə rāā yá̰a̰ malang.

DANIEL 6:18

Reēn̄ kə mbal̄ kógə̄ḿ əndān̄ ta bəlo ní tə́. Mban̄g əndā tambō̰o̰ yān nəkɔ́ ō, yā de kə́ bo yān gə̄ ō, dɔ tə́, yā kadə̄ yá̰á̰ kógə̄ḿ tūr̄ tām̄ yā Daniel tə́ alé.

IJAI 26:3

Ni əya̰ yá̰á̰ kógə̄ḿ adə̄ nujə kemən alé. Kɔ́ɔ̄ɓē, ḭ̄ ādə̄n lɔm, tām̄ ni ənī kemən adī.

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

PĀ GƏ̄ 37:40

Kɔ́ɔ̄ɓē rāā sedə́ ō, gān̄g dɔdə́ ō. Ni-gān̄g dɔdə́ jī ngé kem ndul gə̄ tə́ ō, ajədə́ ō, tɔdɔ̄ nin̄ rāānən̄ i loo ɓɔ̄ɔ̄ rɔ̄ yādə́ tə́.

2 YÁ̰A̰ GƏ̄ 20:20

Nin̄ ḭḭn̄ dɔɔ́ kə gír looí ɓatə əsōn̄ róbó ta kaw̄ kə̄ dəla loo kə́ Tekoa tə́. Dan ń a rāān̄ yā kɔr̄ dɔɔ́ anī Josapat ədadə́ na: De kə́ Jerusalem gə̄ ō, Juda gə̄ ō, ōōī najə̄ ń m-ā m-ɔ̄r̄ ní! Ī-taāī kem Kɔ́ɔ̄ɓē Nə́ɓā yāsí anī ā ə́ngeī tɔ́gə adə̄ ā ī-raī ngan̄g. Ī-taāī kem ngé koō ta yān gə̄ anī ā ī-tetiī rɔ̄ɔ̄.

HEBƏRO 11:33

I kə ta kūl̄ taā kem n nin̄-tetən̄ ɓē ko̰o̰ gə̄ rɔ̄ɔ̄ ō, rāān̄ adə̄ de gə̄ rāān̄ háĺ kə́ gōtə́ ō, əngen̄ yá̰a̰ gə̄ ń Nə́ɓā ənī míndən dɔ tə́ yā kadə̄də́ ní ō. Nin̄-utə̄n̄ ta ɓɔl gə̄ ō,

DANIEL 6:14

anī de gə̄ né tél ədan̄ na: Majə, kɔ́ɔ̄ ɓē gə̄, Daniel ń i de kə́ dan Juda gə̄ ń əhɔn̄də́ reēn̄ sedə́ tə́ ní ɓōĺ ndílí aĺ ō, ɓōĺ ndū najə̄ n ī-ndang ní aĺ ō, ni ndɔ̄ȳ Nə́ɓā yān nja mətá ndɔ̄ kógə̄ḿ.

1 MBAN̄G GƏ̄ 5:7

Ngé ko̰o̰ ɓē kə́ kutə gidə i jōó gə̄ ń mban̄g Salomo̰ gə̄rādə́ ní, nin̄ kógə̄ḿ kógə̄ḿ a əlan̄ kə yá̰a̰ kəsaá nja kógə̄ḿ kem nāā kógə̄ḿ yā kadə̄ mban̄g Salomo̰ ō, de gə̄ malang ń a əsan̄ yá̰a̰ ta ɓē yān tə́ ní ō. Nin̄ a əndān kumdə́ gír mban̄g tə́ majə kadə̄ nal̄ yá̰á̰ kógə̄ḿ alé.

Teē Ngán Israel gə̄ 18:9

Rɔ̄ Jetəro nelə̄n tām̄ yá̰á̰ kə́ majə gə̄ malang ń Kɔ́ɔ̄ɓē rāā kə ngán Israel gēé tə́ ní, tɔdɔ̄ ni-ɔr̄də́ gíŕ tɔ́gə yā de kə́ Ejiptə gə̄ tə́ kɔ̄ɔ́.

DANIEL 3:17

Ré nə́ɓā kógə̄ḿ kə́ asə kajəjí i noó anī, i Nə́ɓā yājí ń jə-rāā kəla j-adə̄n á ni asə kajəjí ō, asə kɔr̄jí kum hor kə́ o̰o̰ bəlim bəlim kə́ tənga ngá̰ý tə́ ō, asə taājí jīí tə́ kəya̰jí dɔɔ́ ō ní ngóy.

PĀ GƏ̄ 18:21

Kɔ́ɔ̄ɓē rāā yá̰á̰ kə́ beé seḿ sɔɔ̄ń i hálə́ḿ kə́ gōtə́ ō, jīḿ kə́ unjə̄ njáý ō.