DANIEL 6:22 - Bibəl ta Sar̄

²² Daniel tél ədan̄ na: Kɔ́ɔ̄ ɓē gə̄ adə̄ dɔí ngan̄g májə́ májə́!

Bible sar

²² Daniel tél ədan̄ na: Kɔ́ɔ̄ ɓē gə̄ adə̄ dɔí ngan̄g májə́ májə́!

DANIEL 6:22 Referans Kwoze

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

HEBƏRO 11:33

I kə ta kūl̄ taā kem n nin̄-tetən̄ ɓē ko̰o̰ gə̄ rɔ̄ɔ̄ ō, rāān̄ adə̄ de gə̄ rāān̄ háĺ kə́ gōtə́ ō, əngen̄ yá̰a̰ gə̄ ń Nə́ɓā ənī míndən dɔ tə́ yā kadə̄də́ ní ō. Nin̄-utə̄n̄ ta ɓɔl gə̄ ō,

KƏLA RĀĀ 12:11

Loo ń noō tə́ ndíĺ Piyer tél reē rɔ̄n tə́ adə̄ a̰a̰ yá̰á̰ ń rāā yá̰á̰ ní ger̄ tā, adə̄ əda na: Ń toō m̄-ger̄ kadə̄ rɔ̄kum Kɔ́ɔ̄ɓē əla de kə́ dɔ rā̰ tə́ yān adə̄ reē ɔrə̄m̄ kɔ̄ɔ́ jī Herod tə́ ō, ta yá̰a̰ gə̄ malang ń Jipə gə̄ númə̄n̄ rāā seḿ ní tə́ ō.

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

MISE 7:7

Banī mā m̄-tūr̄ rɔ̄ḿ kə̄ rɔ̄ Kɔ́ɔ̄ɓē tə́, m̄-ngóō Nə́ɓā ń a ajəm̄ ní. Ni Nə́ɓā yāḿ, a oōm̄.

DANIEL 3:28

Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

PĀ GƏ̄ 31:14

Najə̄ ń de kə́ ngá̰ý gə̄ tə́dan̄ dɔḿ tə́ ní m-ōō kə mbīḿ. Nin̄ ədan̄ na m-ə́la ɓōĺ kem de gə̄ ń ndi gīrə̄n̄ gidəḿ tə́ ní. Nin̄ sə̄lān̄ naā dɔḿ tə́, oōn̄ naā loo mundə̄ tə́ yā tɔ̄lə̄m̄.

1 SAMUEL 17:37

Dabid əda to̰ na: Kɔ́ɔ̄ɓē ń ɔrə̄m̄ kɔ̄ɔ́ ta hēl̄ jī ɓɔl tə́ ō, ta hēl̄ jī dā̰ úrsə tə́ ō ní, a ɔrə̄m̄ kɔ̄ɔ́ jī Pilistin ń toō tə́ ō. Saul əda Dabid na: Āw̄ ba ādə̄ Kɔ́ɔ̄ɓē i naā tə́ seí.

TƏ́DA 20:16

Jə-no kə̄ dɔ Kɔ́ɔ̄ɓē tə́ anī ni oō nōō yājí, adə̄ əla de kə́ dɔ rā̰ tə́ kógə̄ḿ adə̄ reē teē sejí kɔ̄ɔ́ kem ɓē kə́ Ejiptə tə́. Ngɔlaā ní jḭḭ i kem ɓē kə́ Kades ń i kadə dɔ nin̄ dɔ nang yāí tə́ ní.

KƏLA RĀĀ 27:23

Tām̄ ngɔlaā ní de kə́ dɔ rā̰ tə́ yā Nə́ɓā ń mā i deē yān ō, m̄-rāā kəla yān ō ní, reē rɔ̄ḿ tə́

DANIEL 6:23

Nə́ɓā yāḿ əla deē yān kə́ dɔ rā̰ tə́ adə̄ utə̄ ta ɓɔl gə̄ kɔ̄ɔ́, adə̄ ɓɔl gə̄ rāān̄ yá̰á̰ kógə̄ḿ kə́ majaĺ seḿ alé. Tɔdɔ̄ m̄-rāā yá̰á̰ gōtə́ aĺ kə Nə́ɓāá aĺ ō, kɔ́ɔ̄ ɓē gə̄, m̄-rāā yá̰á̰ kógə̄ḿ kə́ gōtə́ aĺ seí ḭ̄ aĺ ō!

IJAI 63:9

Tū tápə̄ yādə́ gə̄ tə́ malang ní, i nge kəla kógə̄ḿ, aláa i de kə́ dɔ rā̰ tə́ kógə̄ḿ n ajədə́ ní alé, banī i Kɔ́ɔ̄ɓē nəkɔ́. Ni-gān̄g dɔdə́ sɔɔ̄ń tár yān ō, ka̰a̰ kum tō ndoō yān ō. Ni ətōdə́ ō, ɔsə kíĺdə́ ō, dan najə̄ yādə́ kə́ jóo gə̄ tə́.

IJAI 3:10

Ngé gə̄ ń oōn̄ ta Nə́ɓā ní, ásiī kəda na nin̄ i ngé rɔ̄nel̄ gə̄. Yá̰á̰ ń nin̄ rāān̄ ní, a əngen̄ yá̰á̰ kə́ majə tām̄ yādə́ tə́ gírí.

PĀ GƏ̄ 118:28

Kɔ́ɔ̄ɓē, ḭ̄ i Nə́ɓā yāḿ, m̄-ndigə ɓōkíī tɔ̄ȳ, m̄-ndigə kəda kə kɔrɔ́ na ḭ̄ i de kə́ bo.

PĀ GƏ̄ 38:21

Ngé rāām̄ yá̰á̰ kə́ majaĺ kum gotə majə ń m̄-rāā ní sekə́mə̄n̄ najə̄ yá̰á̰ kə́ majə kə́ m-ā̰ȳ ngɔ̄də̄ gō tə́ tə́.

PĀ GƏ̄ 34:7

Nge rɔ̄ tō ndoō kógə̄ḿ ɓār̄ yá̰a̰ anī Kɔ́ɔ̄ɓē oō ō, ɔrə̄n kɔ̄ɔ́ dan wur kɔl yān gə̄ tə́ malang ō.

2 YÁ̰A̰ GƏ̄ 32:21

Anī Kɔ́ɔ̄ɓē əla de kə́ dɔ rā̰ tə́ yān kógə̄ḿ kem gérger yā mban̄g kə́ Asiri tə́ adə̄ tɔ̄l̄ go̰ rɔ̄ɔ̄ gə̄ malang kɔ̄ɔ́ ō, tɔ̄l̄ ngol ngé rɔ̄ɔ̄ gə̄ ō, de kə́ bo gə̄ ō. Mban̄g kə́ Asiri tél kə rɔ̄sɔl̄ gēé ta kaw̄ gogə́ ɓēé. Dan ń udə kem kújə yā nə́ɓā yān tə́ anī, ngán kemən nəkɔ́ gə̄ tɔ̄l̄nən̄ kə kaskaraá.

DANIEL 6:20

Mban̄g ḭḭ dɔɔ́ kə gír looí ɓatə ba aw̄ láẃ ta bəlo ɓɔl gə̄ tə́.

2 SAMUEL 22:7

Dan ń wur kɔl kə́ ngá̰ý əsō dɔḿ tə́ ní, m̄-ɓāŕ Kɔ́ɔ̄ɓē, m̄-ɓāŕ Nə́ɓā yāḿ. Anī ni-ndi kem kújə yān tə́ oō ndūḿ. Kɔŕ yāḿ əsō mbīn tə́.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

MATIYE 27:46

Ugə̄ kum mbang kə́ mətá kə́ loo sɔlí tə́ anī, Jeju əga kɔŕ ngá̰ý əda na: Eli, Eli, lama sabaktani. Kumən na i Nə́ɓā yāḿ, Nə́ɓā yāḿ, ə́ya̰m̄ kɔ̄ɔ́ i tām̄ rí tə́?

PĀ GƏ̄ 26:6

Kɔ́ɔ̄ɓē, m̄-tə́go jīḿ m-ɔ́jəń kadə̄ najə̄ gətóo dɔḿ tə́, yā kadə̄ m̄-njə̄rań kə gō gidə loo tun̄ yá̰a̰ yāí

1 SAMUEL 26:18

Gō tə́ anī əda na: Kɔ́ɔ̄ ɓē gə̄, ā ī-ndəlem̄ i tām̄ rí tə́? m̄-rāā i rí yāí? I rí kə́ majaĺ n m̄-rāā ní.

TA KƏLA 40:15

Tɔdɔ̄ na əhɔnən̄ na i kə gúú dɔ nang yā Hebəro gə̄ tə́ n na reēn̄ seneé ní, tá laā gə̄gē ní na n-rāā yá̰á̰ kə́ kadə̄ deē ənīnəń dəngáyá aĺ ō.

HEBƏRO 1:14

De kə́ dɔ rā̰ tə́ gə̄ malang i ndíl gə̄ kə́ ngé rāā kəla yā Nə́ɓā ō, Nə́ɓā əladə́ kadə̄ rāān̄ kə ngé gə̄ ń majə kadə̄ ajən̄də́ ní ō.

JEREMI 37:18

Ba Jeremi tél əda mban̄g Sedekias na: I rí kə́ majaĺ n m̄-rāā seí ḭ̄ḭ́ ō, kə ngé kəla yāí gēé ō, kə gír de gə̄ ń toō ō, á ə́lamī dəngáyá ní?

DANIEL 6:4

Daniel ngeé ń toō tɔȳ de kə́ bo madə̄n kə́ jōó gə̄ ō, tɔȳ ngé kɔsə kum gotə mban̄g dɔ ɓē tə́ gə̄ malang ō, tɔdɔ̄ ndíĺ kə́ kə́ kemən tə́ i ndíĺ kə́ tayā. Adə̄ mban̄g gír̄ kəndān dɔ ɓē ko̰o̰ tə́ kə taá malang.

1 MBAN̄G GƏ̄ 13:28

Gō tə́ anī ni-aw̄ ənge nīń ní to kum róbó ba kərō nin̄ kə ɓɔlɔɔ́ ran̄ dɔ tə́. Ɓɔl əsa nīń aĺ ō, rɔ̄ kərō aĺ ō.

DANIEL 6:7

Tā anī de kə́ bo kə́ jōó gə̄ ō, ngé kɔsə kum gotə mban̄g dɔ ɓē tə́ gə̄ ō, aw̄ ədan̄ mban̄g na: Mban̄g Darius, ādə̄ dɔí ngan̄g májə́ májə́!