DANIEL 6:18 - Bibəl ta Sar̄

¹⁸ Reēn̄ kə mbal̄ kógə̄ḿ əndān̄ ta bəlo ní tə́. Mban̄g əndā tambō̰o̰ yān nəkɔ́ ō, yā de kə́ bo yān gə̄ ō, dɔ tə́, yā kadə̄ yá̰á̰ kógə̄ḿ tūr̄ tām̄ yā Daniel tə́ alé.

Bible sar

¹⁸ Reēn̄ kə mbal̄ kógə̄ḿ əndān̄ ta bəlo ní tə́. Mban̄g əndā *tambō̰o̰ yān nəkɔ́ ō, yā de kə́ bo yān gə̄ ō, dɔ tə́, yā kadə̄ yá̰á̰ kógə̄ḿ tūr̄ tām̄ yā Daniel tə́ alé.

DANIEL 6:18 Referans Kwoze

DANIEL 2:1

Nī kógə̄ḿ rāā mban̄g Nabukodonosor kem ɓāl̄ ko̰o̰ ɓē yān kə́ nge ko̰ jōó tə́. Nī ní rāā adə̄ ɓōĺ rāān ō, ɓīī ra n to̰ aĺ ō.

ESTER 6:1

Ndɔ̄ɔ́ ndɔ̄ ngeé ń noō tə́ ní ɓīī ɔdə reē kum mban̄g tə́ alé. Adə̄ ni-əda kadə̄ reēn̄ kə makətūbə̄ yá̰a̰ gə̄ ń rāān̄ yá̰a̰ ɓāl̄ ko̰o̰ ɓē yān tə́ ní. Tə́dan̄ makətūbə̄ ní ta kumən tə́.

PĀ GƏ̄ 77:4

Əga kemḿ dɔ Nə́ɓā tə́ anī m̄-to̰ō̰. Dan ń m̄-gír̄ yá̰a̰ anī, tɔ́gə́ḿ ur̄ wak kɔ̄ɔ́.

JEJU TEĒ KUM JA̰A̰ 18:22

Deē a oō kōō ngé kugə kənde gə̄ ō, gōsə̄ gə̄ ō, ngé kɔ̄ŕ nal gə̄ ō, ngé kɔ̄ŕ bərúnjə gə̄ ō, looí to̰ alé. Deē a ənge kɔdə̄ yá̰á̰ kə́rēý ɓēé looí to̰ aĺ ō, a oō kōō mbal̄ riī yá̰a̰ looí to̰ aĺ ō.

KOHELET 2:8

m̄-kán̄ gində̄ arjā̰a̰ ō lɔ́r ō ń i yá̰a̰ kənge yā mban̄g gə̄ ō, yā ɓē gə̄ ō ń əlan̄ dɔdə́ gír tɔ́gə yāḿ tə́ ní kə̄ dɔ naā tə́ tām̄ yāḿ tə́. Yá̰á̰ ń nel̄ ta ngán Adam gə̄ ngá̰ý á i dəyá̰ gə̄ ní m-ɔ́ýdə́ ngá̰ý tām̄ yāḿ tə́ ō.

PĀ GƏ̄ 137:2

Jə-naā kənde yājí gə̄ dɔɔ́ ta jī kāgə̄ gə̄ ń ran̄ ta man̄ tə́ ní.

Makətūbə̄ yā Job 21:12

Nin̄ dānə̄n̄ gō pā yādə́ gə̄ i kə kɔdɔɔ́ ō, kə kəndeé ō, kɔ̄rə́n̄ nal rāān̄neé rɔ̄nel̄ ō.

1 MBAN̄G GƏ̄ 21:27

Dan ń Akab oō najə̄ gə̄ ń noō anī, ni rə̄yā̰ kūbə̄ kə́ rɔ̄n tə́ ba əla kūbə̄ sákə̄ rɔ̄n tə́ adə̄ ɔdə ndārə́n ō, ndi ɓō tām̄ yā Nə́ɓā tə́ ō, a to i kə kūbə̄ sákə̄ ní ō, a njə̄rā i jəke jəke ō.

2 SAMUEL 19:24

Gō tə́ anī mban̄g əda Simei na a oy alé, ba túbə adə̄n.

DANIEL 6:19

Gō tə́ anī mban̄g tél aw̄ gogə́ kem kújə yān tə́. Ndɔ̄ɔ́ ndɔ̄ ń noō tə́ ní, ni-mbātə́ kəsa yá̰á̰ bátə́ loo tīī dɔ n tə́ ō, adə̄ reēn̄ kə də̄yá̰ gidə ndogə̄ yān gēé rɔ̄n tə́ aĺ ō, ɓīī reē kumən tə́ aĺ ō.

DANIEL 10:3

m-ə́sa yá̰á̰ kə́ majə ngá̰ý aĺ ō, m-ə́sa dā̰ aĺ ō, m-a̰y kasə nduú aĺ ō, m̄-ndum yibə̄ aĺ ō, bátə́ kadə̄ dəmásə́ kə́ mətá gə̄ təgān̄neé.

NŌŌ RƆ̄ 3:53

ngɔ̄də̄n̄ gōḿ mer mer tītə̄ loo ndo̰ yel̄ beé. Əlamə̄n̄ kem bəlo yo tə́ kə kumḿ ba mbəren̄ mbal̄ utə̄n̄neé taḿ.