DANIEL 6:16 - Bibəl ta Sar̄

¹⁶ Banī de gə̄ ní reēn̄ láẃ rɔ̄ mban̄g tə́ ədanən̄ na: Kɔ́ɔ̄ ɓē gə̄, ī-ger̄ majə kadə̄ kə gō ndū najə̄ yā Medə gə̄ ō Persə gə̄ ō ní, yá̰a̰ malang kə́ kɔgə̄ rāā, aláa kə́ yā rāā ń man̄g əda ní deē a tūr̄ alé.

Bible sar

¹⁶ Banī de gə̄ ní reēn̄ láẃ rɔ̄ mban̄g tə́ ədanən̄ na: Kɔ́ɔ̄ ɓē gə̄, ī-ger̄ majə kadə̄ kə gō *ndū najə̄ yā Medə gə̄ ō Persə gə̄ ō ní, yá̰a̰ malang kə́ kɔgə̄ rāā, aláa kə́ yā rāā ń man̄g əda ní deē a tūr̄ alé.

DANIEL 6:16 Referans Kwoze

Makətūbə̄ yā Job 5:19

Ni a ɔrī kum yá̰á̰ kə́ to ndíl ka̰ȳ kə́ mehḛ́ gə̄ tə́, tá kə́ nge ko̰ sīrí tə́ anī, yá̰á̰ kə́ majaĺ a ɔdiī alé.

DANIEL 3:28

Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

IJAI 43:2

Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

2 SAMUEL 3:39

Urən̄ yibə̄ ngār dɔḿ tə́ adə̄ mā i ngār ɓá tā, ba ɓōólaā ní tɔ́gə́ḿ gətóo adə̄ de gə̄ ń noō, ngán Seruya gə̄ ń noō, dɔ́nɔ yādə́ tɔȳ yāḿ mā. Banī ādə̄ Kɔ́ɔ̄ɓē əgā nge kem ndul sɔɔ̄ń kem ndul yān.

DANIEL 3:17

Ré nə́ɓā kógə̄ḿ kə́ asə kajəjí i noó anī, i Nə́ɓā yājí ń jə-rāā kəla j-adə̄n á ni asə kajəjí ō, asə kɔr̄jí kum hor kə́ o̰o̰ bəlim bəlim kə́ tənga ngá̰ý tə́ ō, asə taājí jīí tə́ kəya̰jí dɔɔ́ ō ní ngóy.

DANIEL 6:20

Mban̄g ḭḭ dɔɔ́ kə gír looí ɓatə ba aw̄ láẃ ta bəlo ɓɔl gə̄ tə́.

KƏLA RĀĀ 25:11

Ré najə̄ əhɔm̄ ō, m̄-rāā yá̰á̰ kógə̄ḿ kə́ gōtə́ aĺ kə́ ndetə yo ō anī, m̄-mbātə́ koy alé. Banī ré yá̰á̰ kógə̄ḿ kə́ rɔ̄kum dan yá̰a̰ gə̄ ń de gə̄ ń toō sekə́mə̄n̄neé tə́ ní gətóo anī, de kə́ asə kəlam̄ jīdə́ tə́ gətóo. m̄-gḛy kaw̄ kə sarya ní rɔ̄ Sejar tə́.

Gōsə̄ najə̄ gə̄ 29:25

Ɓōĺ deē i yá̰á̰ kə́ a əyā gūmbə̄ no deē tə́, ba deē ń ənī kemən mámák adə̄ Kɔ́ɔ̄ɓē ní yá̰a̰ a rāān alé.

Makətūbə̄ ń Pol ndang adə̄ Rom gə̄ ní 13:3

Tɔdɔ̄ deē ń rāā yá̰á̰ kə́ majə ní a ɓōĺ nge ko̰o̰ ɓē alé, banī i deē ń rāā yá̰á̰ kə́ majaĺ ní n a ɓōlə́n. Ré ī-gḛy ɓōĺ nge ko̰o̰ ɓē aĺ ɓáa ī-rāā yá̰á̰ kə́ majə. Ī-rāā yá̰á̰ kə́ majanī ni a ndigiī.

DANIEL 6:7

Tā anī de kə́ bo kə́ jōó gə̄ ō, ngé kɔsə kum gotə mban̄g dɔ ɓē tə́ gə̄ ō, aw̄ ədan̄ mban̄g na: Mban̄g Darius, ādə̄ dɔí ngan̄g májə́ májə́!

DANIEL 3:15

Ngɔlaā ní ə̄ndāī dɔ rɔ̄sí danaá kɔ̄ɔ́, yā kadə̄ ré ōōī tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlān i ngá̰ý aĺ ō, kōō yá̰á̰ kə́ ɓār̄ gōsə̄ ō, anī ā ɔ́siī nosí nang tə́ yā rɔȳ yá̰á̰ kə́ to tītə̄ deē ń m̄-rāā ní a? Ré ī-mbātíī rɔȳn anī a ənīn̄sí kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́, ba i nə́ɓā kə́ rá n a asə taāsí jīḿ tə́ yā kəya̰sí dɔɔ́ ní?

JEREMI 38:5

Mban̄g Sedekias tél ədadə́ na: Ni i kem jīsí tə́, mban̄g asə mbātə́ najə̄ tasí tə́ alé.

JEREMI 26:14

Tām̄ yāḿ tə́ tā anī, mā n i kem jīsí tə́ toó. Yá̰á̰ ń á̰a̰ī ta kumsí tə́ kadə̄ i kə́ majə ō, i kə́ gōtə́ ō ní, ī-rāāī seḿ.

KƏLA RĀĀ 25:9

Banī Pestus sāā kadə̄ kem Jipə gə̄ nel̄də́, adə̄ ni-dəje Pol na ké ndigə kaw̄ Jerusalem kadə̄ aw̄ gāngə̄n̄ sarya yān ta kumən ni Pestus tə́ wa.

KƏLA RĀĀ 24:27

Rāā ɓāl̄ jōó anī Porsiyus Pestus reē kun gotə Peliksə tə́. Banī Peliksə gḛy kadə̄ nel̄ Jipə gə̄ seneé, adə̄ əya̰ Pol dəngáyá.

2 KORḚNTƏ 1:10

I ni n ɔr̄jí ta yo kə́ tītə̄ ń noō tə́ ō, a ɔr̄jí ɓáý ō ní. A̰á̰ā̰, j-əndā kemjí dɔn tə́ kadə̄ a ajəjí ta yo tə́ ɓáý.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

JEREMI 38:6

Nin̄ əhɔn̄ Jeremi, ba ənīnən̄ kem bəlo taā man̄ yā Malkiya kə́ ngōn̄ ngār tə́. Bəlo ní i ndágə loo ngɔ̄m̄ ta kújə yā mban̄g tə́. Əlan̄ Jeremi bəloó i kə kəlaá. Man̄ gətóo kemeé, ba i bɔr ngóy, adə̄ Jeremi dubə̄ tū tə́.

JEREMI 39:17

Ndɔ̄ ń noō tə́ ní, m-ā m̄-gān̄g dɔí adə̄ əlanī jī de gə̄ ń ī-ɓōĺdə́ ngá̰ý ní tə́ alé.