DANIEL 6:11 - Bibəl ta Sar̄

¹¹ Dan ń Daniel oō kadə̄ ndangən̄ ndū najə̄ kə́ beé anī, tél aw̄ kújə yān tə́. Ni al̄ aw̄ kem kújə yān tə́ ba teē ko̰rō̰n gə̄ kə́ dām̄ kə́ Jerusalem tə́. Ni a tétə̄ kejən i loo ń noō tə́ n a ndɔ̄ń Nə́ɓā yān ō, a tɔ̄yń Nə́ɓā yān ō nja mətá ndɔ̄ kógə̄ḿ ní. Ni-rāā tītə̄ ń a rāań kété gə̄ ní.

Bible sar

¹¹ Dan ń Daniel oō kadə̄ ndangən̄ ndū najə̄ kə́ beé anī, tél aw̄ kújə yān tə́. Ni al̄ aw̄ kem kújə yān tə́ ba teē ko̰rō̰n gə̄ kə́ dām̄ kə́ *Jerusalem tə́. Ni a tétə̄ kejən i loo ń noō tə́ n a ndɔ̄ń Nə́ɓā yān ō, a tɔ̄yń Nə́ɓā yān ō nja mətá ndɔ̄ kógə̄ḿ ní. Ni-rāā tītə̄ ń a rāań kété gə̄ ní.

DANIEL 6:11 Referans Kwoze

DANIEL 6:6

Tā anī de gə̄ ní ədan̄ naā na: Daniel ń toō j-a j-əngeī yá̰á̰ kógə̄ḿ kə́ gōtə́ aĺ kə́ yā sekə́nneé alé. Ré j-əngeī ɓáa i kə ta kūl̄ ndū najə̄ yā Nə́ɓā yān tá.

PĀ GƏ̄ 10:9

Ra loo ɓɔ̄ɔ̄ rɔ̄ tə́ a umə̄ń loo. Ɓɔ̄ɔ̄ rɔ̄n majə tītə̄ ɓɔl kə́ to kem ku tə́ beē. Um̄ nge rɔ̄ tō ndoō yā kəhɔn. Gētən aw̄ seneé kem réng yān tə́ pá tá əhɔn ɓáý.

1 MBAN̄G GƏ̄ 8:48

ré tél reēn̄ gogə́ rɔ̄í tə́ dɔ nang yā madə̄ ba̰ā̰ gə̄ tə́ kə ngarā̰ kemdə́ mámák ō, kə rɔ̄də́ gēé malang ō, ba tūrə̄n̄ kumdə́ kə̄ rɔ̄í tə́, kum kə̄ dɔ nang yādə́ ń ādə̄ kaadə́ gə̄ tə́ ní, kumdə́ kə̄ ɓē ń ī-gə̄rā tə́ ní, sɔɔ̄ kújə́ ń m̄-rāā kadə̄ rīí ɓār̄ dɔ tə́ ní ba ndɔ̄ȳnī anī,

PĀ GƏ̄ 28:2

Ōō ndūḿ ń m̄-rāāīneé ɓɔ́ dan ń m-ə́gań kɔŕ kə̄ dɔí tə́, m-ɔ́yń jīḿ kə̄ dɔɔ́ kum kə̄ loo kə́ táĺ ngá̰ý yāí ń, ī-ndi kemeé tə́ ní.

PĀ GƏ̄ 119:164

m̄-ɓōkíī tɔ̄ȳ nja sīrí kem ndɔ̄ kə́ kógə̄ḿ beē tə́, tām̄ ndūí gə̄ ń ī-ra dɔ tə́ ní i yá̰a̰ kə́ gōtə́ gə̄.

JEREMI 51:50

Sḭḭ̄ ngé teē ta yo kaskar tə́ gə̄, ə̄sōī róbó āwī. Ī-lōōī dəba. Ī-gírī dɔ Kɔ́ɔ̄ɓē tə́ loo kə́ sa̰y nəkɔ́ ń ī-ndiī tū tə́ noō ō, ādə̄ əga kemsí dɔ Jerusalem tə́ ō.