DANIEL 6:10 - Bibəl ta Sar̄

¹⁰ Loo ń noō tə́ mban̄g Darius ndang ndū najə̄ ní ō, yá̰á̰ ń ɔgə̄n̄ de gə̄ rāā ní ō.

Bible sar

¹⁰ Loo ń noō tə́ mban̄g Darius ndang *ndū najə̄ ní ō, yá̰á̰ ń ɔgə̄n̄ de gə̄ rāā ní ō.

DANIEL 6:10 Referans Kwoze

PĀ GƏ̄ 55:17

Mā m̄-nōō kə̄ dɔ Nə́ɓā tə́ kadə̄ rāā seḿ, adə̄ Kɔ́ɔ̄ɓē a ajəm̄.

KƏLA RĀĀ 5:29

Banī Piyer nin̄ kə ngámbang kəla gə̄ tél ədan̄ na: Koō ta Nə́ɓā i só tə́ tɔȳ koō ta deē ndul gə̄.

PĀ GƏ̄ 95:6

Údiī! J-aw̄ j-əlaī dɔjí nang tə́ no Kɔ́ɔ̄ɓē tə́. J-aw̄ j-ɔsiī nojí nang tə́ non tə́. Jə-tétī kejəjí nang tə́ no nge kəndājí tə́.

HEBƏRO 13:15

I beé ní, jə-ndējī Nə́ɓā tɔȳ yājí tītə̄ yá̰a̰ tun̄ beé kə ndɔ̄ gə̄ ndɔ̄ gə̄, kə ta kūl̄ Jeju. Kumən na ādə̄ jə-tɔ̄yī rīn kə tam tají kə ndɔ̄ gə̄ ndɔ̄ gə̄.

PILIPƏ 4:6

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

PĀ GƏ̄ 34:1

Pā yā Dabid. Ni-rāā kɔ̄r̄ ta kum Abimelek tə́. Dan ń Abimelek tə̄ɓān kɔ̄ɔ́ anī ni-ɔr̄ najə̄ gə̄ ń toō:

PĀ GƏ̄ 5:7

Ḭ̄ i nge rāā kadə̄ ngé kɔr̄ najə̄ kə́ sor̄ gə̄ oyn̄. De kə́ nge gól̄ de gə̄ ō, ɓōkə́ mósə de gə̄ nang tə́ ō ní nel̄ Kɔ́ɔ̄ɓē seneé aĺ bátə́.

KƏLA RĀĀ 9:40

Piyer əda adə̄ de gə̄ teēn̄ ndágá malang, ba ɔsə kejən nang tə́ ndɔ̄ȳ. Gō tə́ anī ni-tūr̄ rɔ̄n kə̄ rɔ̄ nīń tə́ ba əda na: Tabita ḭ́ḭ dɔɔ́! Anī Tabita teē kumən, ba dan ń a̰a̰ Piyer anī ḭḭ ndi dɔɔ́.

JONAS 2:4

Ḭ̄ ə̄nīm̄ kem bəlo kə́ ɗúú ngá̰ý tə́ dan ɓūl̄ bā bo tə́ ō, man̄ gīr̄ gidəḿ ō. Ɓəngál man̄ yāí gə̄ malang ō, man̄ yāí malang ō, reēn̄ dɔḿ tə́.

1 MBAN̄G GƏ̄ 8:54

Salomo̰ tetə i kejən nang tə́ ta loo tun̄ yá̰á̰ tə́ ō, ɔy jīn i kə̄ dɔɔ́ ō n a ndɔ̄yń Kɔ́ɔ̄ɓē ō, a rāān̄neé ɓɔ́ ō ní. Dan ń ni ndɔ̄ȳ Kɔ́ɔ̄ɓē oy anī, ɔsə nang ḭḭ dɔɔ́

1 MBAN̄G GƏ̄ 8:44

Ré gír deē yāí gə̄ aw̄n̄ yā rɔ̄ɔ̄ madə̄ ba̰ā̰də́ gə̄ dām̄ loo ń ə́ládə́ tū tə́ ní tə́, ba tūrə̄n̄ kumdə́ kə̄ ɓē ń ī-gə̄rā ní tə́, sɔɔ̄ kújə́ ń m̄-rāā kadə̄ rīí ɓār̄ dɔ tə́ ní, ba ndɔ̄yīn̄ anī,

EPEJƏ 3:14

I tām̄ najə̄ ń toō tə́ n m-ɔ́sə kejəḿ nang tə́ kə̄ no Nə́ɓā ń

KƏLA RĀĀ 10:9

Teē kə ndɔ̄ kə́ noō dan ń nin̄ i róbó ɓáý á əndān̄ dɔ ɓē kə́ Jope ngɔr ní anī, Piyer al̄ dɔ kújə́ dúŕ duruú dɔɔ́ dan kadə ndaá yā ndɔ̄ȳ Nə́ɓā.

DANIEL 6:13

Tā anī nin̄ aw̄n̄ rɔ̄ mban̄g tə́ ba ədanən̄ na: Kɔ́ɔ̄ ɓē gə̄, ī-ndang ndū najə̄ kógə̄ḿ kə́ kadə̄ kem ndɔ̄ kutə mətá ní deē ń a ndɔ̄ȳ nə́ɓā kə́rēý, aláa a ndɔ̄ȳ de kə́ rang ba i ḭ̄ mban̄g aĺ ní kadə̄ ənīn̄ kɔ́ɔ̄ bəlo ɓɔl gə̄ tə́ aĺ a? Mban̄g tūr̄ əda na: Yá̰á̰ ń i kə́ ra dɔ tə́ kə gō ndū najə̄ yā Medə gə̄ ō Persə gə̄ ō ń i ndū najə̄ kə́ deē a ɔr̄ kɔ̄ɔ́ alé ní n noó rɔ̄kum.

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

1 MBAN̄G GƏ̄ 8:38

ré kem ngán Israel gə̄ ń i gír deē yāí gə̄ ní rāādə́ sarya dɔ yá̰á̰ ń rāā yá̰á̰ tə́ ní, ba rāāīn̄ ɓɔ́ ō, tūrə̄n̄ kumdə́ sɔɔ̄ kújə́ ń toō ō, ɔyn̄ jīdə́ kə̄ dɔɔ́ ndɔ̄ȳīn̄neé ō anī,

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

KOLOSƏ 3:17

Ba yá̰a̰ malang ń ā ə́daī ō, kəla malang ń ā ī-rāāī ō ní, ə́daī ō, ī-rāāī ō, kə rī Kɔ́ɔ̄ɓē Jeju. Ī-ndadī Bɔbə̄jí Nə́ɓā kə ta kūl̄neé.

PILIPƏ 1:20

Tɔdɔ̄ yá̰á̰ ń m̄-ngóō ō, m-ə̄ndā kemḿ dɔ tə́ kə ngangāá ngá̰ý ō ní, i kadə̄ ndɔ̄ń tə́ anī yá̰á̰ kógə̄ḿ adə̄m̄ rɔ̄sɔl̄ alé. Ba nəkɔ́ ń jóó bátə́ ngɔlaā toó ní, m̄-sōl̄ yá̰á̰ kógə̄ḿ alé. I tītə̄ ń noō n kə ta kūl̄ ndiḿ kə kumḿ, aláa kə ta kūl̄ koyḿ, m-ā m-ɔ́jəń kə̄ ndágá kadə̄ Kərist i de kə́ bo ní.

KƏLA RĀĀ 20:36

Dan ń Pol ɔr̄ najə̄ gə̄ ń noō sedə́ oy anī, ni-ɔsə kejən nang tə́ sedə́ malang ba ndɔ̄ȳ Nə́ɓā.

NEHEMI 6:11

m̄-téĺ m-ə́dan na: De kə́ dəngam kə́ tītə̄ḿ mā ń toō a a̰ȳ a? Tá de kə́ tītə̄ḿ mā ń toō ré udə kem kújə yā Kɔ́ɔ̄ɓē tə́ anī a ndi kə kumneé a? M-aā m-údə kemeé alé.

2 YÁ̰A̰ GƏ̄ 6:38

ré tél reēn̄ gogə́ rɔ̄í tə́ dɔ nang yā madə̄ ba̰ā̰də́ gə̄ tə́ kə ngarā̰ kemdə́ mámák ō, kə rɔ̄də́ malang ō, ba tūrə̄n̄ kumdə́ sɔɔ̄ dɔ nang ń ādə̄ kaadə́ gə̄ ní ō, ɓē ń toō ń ī-gə̄rā ní ō, kújə́ ń toō ń m̄-rāā kadə̄ rīí ɓār̄ dɔ tə́ ní ō, ba ndɔ̄ȳnī anī,

JEJU TEĒ KUM JA̰A̰ 2:13

Loo ń ī-ndi tū tə́ ní, m̄-ger̄, i loo ń kōr̄ kāgə̄ mbang yā Sətan i tū tə́ ní. Banī ḭ̄ ə́hɔ gō rīḿ mā adə̄ ngan̄g. Ī-nējə̄ ndūí alé, ə́da na ī-taā kemḿ mā aĺ alé. Ndɔ̄ ń tɔ̄l̄nəń A̰tipas ń i de kə́ kum tə́ yāḿ kə́ nge ra dɔ ndūn tə́ ní. Ba ndɔ̄ ń tɔ̄l̄nən̄neé tə́ ɓēé loosí, loo ń Sətan ndi tū tə́ ní gə̄gē, ḭ̄ ī-nējə̄ najə̄ ə́da na ī-taā kemḿ aĺ alé.

PILIPƏ 1:14

Ngákó̰ó̰jí gə̄ ń nin̄ i de gə̄ yā Kɔ́ɔ̄ɓē ní, dan ń a̰a̰n̄ kadə̄ mā i dəngáyá ní, ngá̰ý gə̄ dandə́ tə́ ənīn̄ kemdə́ mámák ɔjən̄neé najə̄ kanjə̄ ɓōĺ.

KƏLA RĀĀ 21:5

Ba dan ń ndɔ̄jí təgā á j-əsō róbó yā kaw̄ anī, nin̄ malang kə nə̄yá̰də́ gə̄ kə ngáńdə́ gə̄ əndān̄jí róbó bátə́ ugə̄n̄ sejí gidə ɓē tə́. J-ɔsə kejəjí nang tə́ ta bā bo tə́ ba jə-ndɔ̄ȳ Nə́ɓā kə̄ loo ń noō tə́.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.

KƏLA RĀĀ 5:20

Āw̄ ī-raī kem kújə yā Kɔ́ɔ̄ɓē tə́ ba ɔjiī ngán Israel gə̄ najə̄ malang kə́ dɔ ndi kə kumuú ń toō tə́.

KƏLA RĀĀ 4:29

Ba ngɔlaā ní Kɔ́ɔ̄ɓē, á̰a̰ ka̰ȳ ń a̰ȳn̄ ndíĺjí ní, ba ī-rāā ādə̄ ngé kəla yāí gə̄ ənīn̄ kemdə́ ədan̄neé najə̄ yāí kanjə̄ ɓōĺ.

KƏLA RĀĀ 3:1

Ndɔ̄ kógə̄ḿ tə́ Piyer nin̄ kə Ja̰a̰ a aw̄n̄ kə̄ ndɔ̄yɔ̄ɔ́ kə mbang kə́ mətá kə́ loo sɔlí kem kújə yā Kɔ́ɔ̄ɓē tə́.

KƏLA RĀĀ 2:15

De gə̄ ń toō i kasə n rāādə́ tītə̄ ń ī-gírīneé ní alé. Tɔdɔ̄ i mbang kə́ ndōhó kə́ dəloí ɓáý.

Najə̄ kə́ Majə yā Jeju ń Luk ndang ní 22:41

Gō tə́ anī, ndɔ́tə̄ rɔ̄də́ tə́ kɔ̄ɔ́ kə̄ sa̰y sḛ́ý, adə̄ dɔ dáńdə́ asə kadə̄ deē ənī kɔkərɔ anī əsō tū tə́, ba tétə̄ kejən nang tə́ a ndɔ̄ȳ əda na:

Najə̄ kə́ Majə yā Jeju ń Luk ndang ní 14:26

Deē ń reē gōḿ tə́ kanjə̄ kəndām̄ mā kó tár yān tə́ kété no bɔbə̄n tə́ ō, kó̰o̰n tə́ ō, nə̄yá̰n tə́ ō, ngánən gə̄ tə́ ō, ngákó̰o̰n kə́ dəngam gə̄ tə́ ō kə́ dəyá̰ gə̄ tə́ ō, aláa kanjə̄ kəndām̄ mā kó tár yān tə́ kété no ngarān̄g kum rɔ̄n nəkɔ́ tə́ ō ní, ni-asə tél nge ndóō yá̰a̰ yāḿ alé.

PĀ GƏ̄ 86:3

Kɔ́ɔ̄ɓē, á̰a̰ kum tō ndoō yāḿ, i ḭ̄ n m-ā m̄-ɓāríī kə dɔ ndɔ̄ gə̄ ní.

ESDRAS 9:5

Dan ń mbang ndējə̄ yá̰á̰ kə́ loo tíbí asə anī m-lōō gír rāā rɔ̄ḿ ndoō tə́, ba m-ḭ́ḭ kə kūbə̄ kə́ rə̄yā̰ gēé rɔ̄ḿ tə́ m̄-tétə̄ kejəḿ, nang tə́ ō, m-ɔ́y jīḿ kə̄ dɔɔ́ kum kə̄ rɔ̄ Kɔ́ɔ̄ɓē Nə́ɓā yāḿ tə́ ō,

2 YÁ̰A̰ GƏ̄ 6:13

Kété ní Salomo̰ adə̄ rāān̄ yá̰á̰ kə́ yā kadə̄ deē ra dɔ tə́ kə gində̄ nə̄ngá kasaá əndān̄ ndágə looó danaá bang. Yá̰á̰ ní ngālən i kíl deē mí ō, laan i kíl deē mí ō, ngālən kə́ kə̄ dɔɔ́ i kíl deē mətá ō. Salomo̰ al̄ dɔ tə́ ba tétə̄ kejən nang tə́ ta kum ngán Israel gə̄ malang ń kánə̄n̄ naā tə́ ní. Ni ɔy jīn kə̄ dɔɔ́ ndɔ̄yń Nə́ɓā,

1 MBAN̄G GƏ̄ 8:30

Mā ō, gír deē yāí gə̄ ń i ngán Israel gə̄ ní ō, jə-tūr̄ kumjí sɔɔ̄ loo ń toō ba jə-rāāī ɓɔ́ ní, Kɔ́ɔ̄ɓē ōō ndūjí. Ḭ̄ ń ī-ndi dɔ rā̰ tə́ ní ōō ndūjí loo ń ī-ndi tū tə́ ní. Ōō ndūjí ō, ī-mā̰ȳ rɔ̄í dɔjí tə́ ō.

DANIEL 9:4

m̄-ndɔ̄ȳ Kɔ́ɔ̄ɓē Nə́ɓā yāḿ ō, m-ə́dan gír majaĺ gə̄ ń toō ō, m-ə́da na: Kɔ́ɔ̄ɓē, ḭ̄ ń i Nə́ɓā kə́ bo ō, ī-to ɓōĺ ō, ā ī-ngɔ̄m̄ madə̄ naā yāí ō, ī-ra dɔ ndūí tə́ ō kə ngé gə̄ ń tárə̄n̄nī ō ngɔ̄mə̄n̄ gō míndí gə̄ ō ní,

MARK 3:3

Ba Jeju əda de kə́ jīn tutə ní kə ḭḭ kə ra dɔɔ́ ta kum de gə̄ tə́ malang.