DANIEL 5:23 - Bibəl ta Sar̄

²³ Ḭ̄ ī-tɔ́sə̄ gātə̄ Nə́ɓā kə́ dɔ rā̰ tə́, tām̄ ādə̄ reēn̄ kə ngáń gájə́ yá̰a̰ rāā kəla gə̄ kə́ kem kújə yān tə́ adə̄ ā̰yń kasə nduú, ḭ̄ ō, de kə́ bo yāí gə̄ ō, də̄yá̰ gidə ndogə̄ yāí gə̄ ō, dəyá̰ kə́ ngé rāā kəla yāí gə̄ ō. Tá ɓáý to̰ ní ḭ̄ ī-tɔ̄ȳ nə́ɓā gə̄ kə́ rāān̄də́ kə gində̄ arjā̰a̰ ō, kə lɔ́r ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō. Adə̄ i nə́ɓā gə̄ kə́ a̰a̰n̄ loo aĺ ō, oōn̄ loo aĺ ō, gerə̄n̄ yá̰a̰ aĺ ō. Ba Nə́ɓā ń koōí ō, yá̰a̰ gə̄ ń a reēn̄ dɔí tə́ ndɔ̄n tə́ ō, i kem jīn tə́ ní, ḭ̄ ī-rɔȳn alé!

Bible sar

²³ Ḭ̄ ī-tɔ́sə̄ gātə̄ Nə́ɓā kə́ dɔ rā̰ tə́, tām̄ ādə̄ reēn̄ kə ngáń gájə́ yá̰a̰ rāā kəla gə̄ kə́ kem kújə yān tə́ adə̄ ā̰yń kasə *nduú, ḭ̄ ō, de kə́ bo yāí gə̄ ō, də̄yá̰ gidə ndogə̄ yāí gə̄ ō, dəyá̰ kə́ ngé rāā kəla yāí gə̄ ō. Tá ɓáý to̰ ní ḭ̄ ī-tɔ̄ȳ nə́ɓā gə̄ kə́ rāān̄də́ kə gində̄ arjā̰a̰ ō, kə lɔ́r ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō. Adə̄ i nə́ɓā gə̄ kə́ a̰a̰n̄ loo aĺ ō, oōn̄ loo aĺ ō, gerə̄n̄ yá̰a̰ aĺ ō. Ba Nə́ɓā ń koōí ō, yá̰a̰ gə̄ ń a reēn̄ dɔí tə́ ndɔ̄n tə́ ō, i kem jīn tə́ ní, ḭ̄ ī-rɔȳn alé!

DANIEL 5:23 Referans Kwoze

Makətūbə̄ yā Job 12:10

Yá̰a̰ gə̄ malang ń ndin̄ kə kumdə́ ní, ndi kə kumuú yādə́ i kem jī Kɔ́ɔ̄ɓē tə́. Koō i kem jīn tə́ ō.

JEREMI 10:23

Kɔ́ɔ̄ɓē, m̄-ger̄ kadə̄ deē ndul i kɔ́ɔ̄ róbə yān aĺ ō, m̄-ger̄ kadə̄ nge njə̄rā mbā asə njə̄rā dɔ róbə́ tə́ kə gōó alé.

IJAI 37:23

Deē ń ī-tájən ní i náā? ī-tájə̄ i náā? I náā n ī-nāā kɔr̄ najə̄ kə́ majaĺ seneé ní? Deē ń á̰a̰n ba ī-kídən ní i náā? I mā, Nə́ɓā kə́ táĺ yā Israel.

IJAI 2:12

Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.

JEREMI 50:29

Ɔ́siī dɔ ngé kur gərā gə̄ naā tə́, ngé kɔr gō gərā gə̄ malang. Ə̄ndāī gérger ī-gīrīiń gidən. Ādī deē kógə̄ḿ teē ta yo tə́ alé! Ə̄gāniī kə̄rā háĺ yá̰a̰ rāān gə̄, ī-rāāniī yá̰á̰ ń ni-rāā ní. Tɔdɔ̄ ni ngonjə̄ dɔ Kɔ́ɔ̄ɓē tə́, dɔ kə́ táĺ yā Israel tə́.

Gōsə̄ najə̄ gə̄ 20:24

I Kɔ́ɔ̄ɓē n i nge ngɔ̄m̄ ndi kə kumuú yā de gə̄ ní. Loo kadə̄ deē ger̄ lo ń a aw̄ kə̄ tū tə́ ní i ba̰ý?

Makətūbə̄ yā Job 31:4

Hálə́ḿ mā ní, ni a̰ā̰ aĺ a? Ni tə́da kutə njaḿ ń m̄-njə̄rań ní malang aĺ a?

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

IJAI 37:19

Nin̄ ɓōkə́n̄ nə́ɓā yādə́ gə̄ kum hor tə́. Tām̄ nin̄ i nə́ɓā gə̄ alé, banī nin̄ i kāgə̄ kə́ tɔ́sə̄ gə̄, aláa nin̄ i mbal̄ gə̄ kə́ i de gə̄ n rāān̄də́ kə jīdə́.

PĀ GƏ̄ 139:3

Ré mā i ndágá aláa kújú anī, ḭ̄ ī-ger̄ kɔ̄ɔ́ ō, ī-ger̄ yá̰a̰ rāāḿ gə̄ malang ō.

2 MBAN̄G 14:10

Ba Joas əda gō tə́ na: I tām̄ tetə̄ ń ī-tetə Edom gə̄ rɔ̄ɔ̄ ní n ā ɔ́jə rɔ̄í noō. Ní, ɔ́r ta rɔ̄í ba ī-ndi ɓēé looí! Ī-sāā kəla gír rɔ̄ɔ̄ kə́ ta tɔ̄l̄ ta a majaĺ tām̄ yāí tə́ i najə̄ rí tə́? Tɔdɔ̄ a tetiīn̄ rɔ̄ɔ̄ naā tə́ kə ngé rɔ̄ɔ̄ kə́ Juda tə́ gə̄ malang loo rɔ̄ɔ̄ ní tə́.

1 TIMOTE 3:6

Kadə̄ ni i de kə́ taā kem ngɔr ɓáý alé, na sōgə́ kɔjə rɔ̄ kə́ kemən tə́ rāā adə̄ Nə́ɓā gān̄g sarya dɔn tə́ tītə̄ ń gāngəń dɔ diabəl tə́ ní.

1 KORḚNTƏ 8:4

Najə̄ ń ī-dəjeī ní n toó, ī-dəjeī na ké ásiī kəsa dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní wa. Jə-gerī kadə̄ ɓesə̄ i yá̰á̰ kə́ ɔsə kum gotə yá̰á̰ kə́ to rɔ̄kum dɔ nang tə́ laā aĺ ō, jə-gerī kadə̄ Nə́ɓā i kógə̄ḿ beē ngóy ō.

KƏLA RĀĀ 17:25

Kəla yān i kəla kə́ deē a rāā kə jīneé aĺ ō, ni-gḛy i yá̰á̰ kə́rēý á kadə̄ deē adə̄n aĺ ō, tɔdɔ̄ i ni n i nge rāā kadə̄ de gə̄ malang ndin̄ kə kumdə́ ō, nge kəla koō kemdə́ tə́ ō, nge kadə̄də́ gotə yá̰á̰ kə́ rang gə̄ malang ō ní.

HABAKUK 2:4

Ī-ndang najə̄ ń toō: Deē ń gír̄ kə́ kemən tə́ i kə́ majaĺ ní, tɔ́gən gətóo. Banī deē ń ra dɔ ndūn tə́ kə Nə́ɓāá ní, i nge rāā yá̰á̰ kə́ gōtə́. I tītə̄ ń noō n ni ndiń kə kumneé ní

EJEKIEL 31:10

Ngɔlaā ní mā Kɔ́ɔ̄ɓē Nə́ɓā m-ə́da na: Kāgə̄ sedər tɔgə, dɔn ɔdə kil̄ man̄ gə̄ ō, kɔjə rɔ̄ udə kemən tə́ ō.

EJEKIEL 28:17

Majə ń ī-majə deē ní rāāī adə̄ ɔ́jə rɔ̄í. Teēń ī-teē deē ní rāāī adə̄ dɔí ndi gōtə́ aĺ kɔ̄ɔ́. I tām̄ najə̄ ń noō tə́ n m-ə̄nī nang tə́ m-ādə̄ mban̄g kə́ rang gə̄ a̰a̰īn̄ ní.

EJEKIEL 28:5

Ḭ̄ ī-rāā adə̄ yá̰a̰ kənge yāí ḭḭ dɔ madə̄ tə́ kə ta kūl̄ ger̄ kə́ ī-ger̄ rāā gātə̄ ngá̰ý, ba yá̰a̰ kənge ní rāā adə̄ kɔjə rɔ̄ i ngá̰ý kemií tə́.

EJEKIEL 28:2

Ḭ̄ ngōn̄ deē, ə́da ngār kə́ Tir najə̄ ń toō ń mā Kɔ́ɔ̄ɓē Nə́ɓā m-ə́dá ní: Ḭ̄ ɔ̄r̄ najə̄ kə kɔjə rɔ̄ kə́ ngá̰ý kemií tə́ ə́da na ḭ̄ na i nə́ɓā kógə̄ḿ. m̄-ndi dɔ kōr̄ kāgə̄ mbang tə́ i tītə̄ nə́ɓā kógə̄ḿ dan bā bo tə́. Ḭ̄ ɔ́jəń na ásiī naā kə nə́ɓā kógə̄ḿ. Tá ḭ̄ i deē karī, ḭ̄ i nə́ɓā kógə̄ḿ alé.

IJAI 42:5

Nə́ɓā, Kɔ́ɔ̄ɓē, rāā dɔ rā̰ ō, tútən kem naā tə́ ō. Ni teē kem dɔ nang kə kāgə̄ kə́ tū tə́ gə̄ malang. Gír de gə̄ ń ndin̄ tū tə́ ní, ni-rāā adə̄ ndin̄ kə kumdə́, ngé gə̄ ń ndin̄ kə kumdə́ tū tə́ ní, ni-adə̄də́ koō. Najə̄ ń ni-əda nge kəla yān ní n toó:

IJAI 33:10

Kɔ́ɔ̄ɓē əda na: Ngɔlaā ní, m ā m̄-rāā yá̰a̰, ngɔlaā ní, m ā m-ḭ́ḭ dɔɔ́, m ā m-ɔ́jə bo yāḿ kadə̄ a̰a̰n̄.

PĀ GƏ̄ 146:4

Koōdə́ a teē kɔ̄ɔ́, a télən̄ bumbə́rú gogə́. Ndɔ̄ ń noō tə́ ní, yá̰a̰ gə̄ ń nin̄ nómə̄n̄ rāā ní a tɔ̄ɔ̄ kɔ̄ɔ́ malang.

PĀ GƏ̄ 115:16

Dɔ rā̰ i yā Kɔ́ɔ̄ɓē, banī ni-tél kə dɔ nangaá adə̄ deē ndul gə̄.

PĀ GƏ̄ 104:29

Ī-tūr̄ gidií kɔ̄ɔ́ tadə́ tə́ anī ɓōĺ rāādə́ ngá̰ý. Ɔ̄r̄ koō yāí kə́ kemdə́ tə́ kɔ̄ɔ́ anī oyn̄ mak ō, télən̄ bumbə́ru gogə́ ō.

NGÉ SARYA 16:23

Ndɔ̄ kə́rēý tə́ anī mban̄g gə̄ yā Pilistin gə̄ kánə̄n̄ naā yā tun̄ yá̰a̰ kadə̄ nə́ɓā yādə́ ń rīn na i Dagon ní ō, yā rāań rɔ̄nel̄ ō. Nin̄ ədan̄ na i nə́ɓā yādə́ n na əla madə̄ ba̰ā̰də́ Samso̰ kem jīdə́ tə́ ní.

TA KƏLA 14:19

Ni-tɔ́r̄ tan dɔ Abəram tə́, əda na: Ādə̄ Nə́ɓā kə́ dɔɔ́ sa̰y ngá̰ý ń i nge kəndā dɔ rā̰ ō, dɔ nang ō, ní rāā majə kə Abəram.

TA KƏLA 2:7

Kɔ́ɔ̄ɓē Nə́ɓā ɔy nán̄g əɓāń deē. Ni-əla koō ndi kə kumuú kónən tə́ adə̄ tél de kə́ kə kumuú.

JEJU TEĒ KUM JA̰A̰ 9:20

Ba gotə de gə̄ ń yá̰á̰ kə́ tōr̄ tɔ̄l̄də́ aĺ ní, tūrə̄n̄ gidədə́ kɔ̄ɔ́ ta ɓesə̄ gə̄ ń nin̄ kɔ́ gə̄ túdə̄n̄ kə jīdə́ ní tə́ alé. Nin̄-lōōn̄ gír rɔȳ ndíĺ kə́ majaĺ gə̄ tə́ aĺ ō, gír rāā ɓesə̄ lɔ́r gə̄ tə́ aĺ ō, ɓesə̄ gində̄ arjā̰a̰ gə̄ tə́ aĺ ō, ɓesə̄ gində̄ nə̄ngá kasə gə̄ tə́ aĺ ō, ɓesə̄ mbal̄ gə̄ tə́ aĺ ō, ɓesə̄ kāgə̄ gə̄ tə́ aĺ ō. Ɓesə̄ gə̄ ní asən̄ ka̰a̰ loo aĺ ō, koō loo aĺ ō, njə̄rā aĺ ō.

IJAI 13:11

Kɔ́ɔ̄ɓē əda na: M-ā m-ə́nda de kə́ dɔ nang tə́ gə̄ najə̄ kem ndul yādə́ tə́ ō, m-ā m-ə́ndá ngé kem ndul gə̄ najə̄ tɔ̄l̄ ń nin̄ tɔ̄lə̄n̄ de gə̄ tə́ ní ō. M-ā m̄-rāā kadə̄ kídə̄ loo yā ngé kɔjə rɔ̄ gə̄ gətóo kɔ̄ɔ́. Ngé gə̄ ń ko̰o̰ ɓē i jīdə́ nin̄ kɔ́ gə̄ tə́ ngóý ní, m-ā m̄-rāā kadə̄ kɔjə rɔ̄ yādə́ tél kə̄ nang tə́.

IJAI 14:13

Kété ní ī-gír̄ ə́da na: M-ā m-āw̄ bátə́ yā kugə̄ dɔ rā̰ tə́, m-ā m-ə̄ndā kōr̄ kāgə̄ mbang yāḿ dɔɔ́ dɔ tə́yō̰ gə̄ yā Nə́ɓā tə́. M-ā m̄-ndi dɔ mbal̄ ń nə́ɓā gə̄ a kánə̄n̄ naā dɔ tə́ ní tə́, ta ngóy ɓē tə́ dām̄ mbɔ́r ɓē kə́ geleé tə́.

JEREMI 48:26

Ādīin̄ kasə ādə̄ rāān, tām̄ ni ɔjə kə̄ ndágá kadə̄ na n-bo n-tɔȳ Kɔ́ɔ̄ɓē. Á̰a̰ī i ni n to a ndūbə̄rū kum tōmbə̄ tə́ toō. Ta i dɔn tə́ kadə̄ ni-tél kur̄ kəgō tā.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

1 SAMUEL 17:36

Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

JEREMI 50:28

Kōō yá̰á̰ kógə̄ḿ ɓār̄, i ngé ka̰ȳ naā gə̄ ō, ngé teē ta yo tə́ Babilon gə̄ ō n reē ədan̄ najə̄ dal ba̰ā̰ yā Kɔ́ɔ̄ɓē Nə́ɓā yājí kem ɓē kə́ Siyo̰ tə́ ní, i dal ba̰ā̰ kə́ dɔ rā̰ tə́.

DANIEL 8:11

Ni bo bátə́ ugə̄ rɔ̄ ngār yā de kə́ dɔ rā̰ tə́ gə̄ tə́. Adə̄ yá̰a̰ tun̄ kə́ dɔ ndɔ̄ gə̄ ní ni ɔgə̄ kadə̄ tun̄ adə̄nən̄ kɔ̄ɔ́ ō, ni-rāā loo ń əndā kújə́ kə́ táĺ yān tū tə́ ní loo kə́ karī tə́ ō.

DANIEL 11:12

Mban̄g kə́ dām̄ mbɔ́r ɓē kə́ geleé tə́ a ɔjə rɔ̄n ngá̰ý kə tetə rɔ̄ɔ̄ ngeé ń noō. Ni a tɔ̄l̄ ngé rɔ̄ɔ̄ gə̄ dūbú ngá̰ý ɓá tā ba tetə rɔ̄ɔ̄ yān ń noō i kə́ márwāy gə̄ tə́ alé.