DANIEL 5:2 - Bibəl ta Sar̄

² Kasə ní rāān adə̄ əda kadə̄ reēn̄ kə ngáń gájə́ yá̰a̰ rāā kəla gə̄ kə́ rāān̄ kə lɔ́rɔ́ ō, kə gində̄ arjā̰a̰á̰ ō ń bɔbə̄n Nabukodonosor ɔy kem kújə yā Kɔ́ɔ̄ɓē tə́ Jerusalem reēń ní. Ni sāā i yā ka̰ȳń kasə kə de kə́ bo yān gēé ō, kə də̄yá̰ gidə ndogə̄ yān gēé ō, kə dəyá̰ kə́ ngé rāā kəla yān gēé ō.

Bible sar

² Kasə ní rāān adə̄ əda kadə̄ reēn̄ kə ngáń gájə́ yá̰a̰ rāā kəla gə̄ kə́ rāān̄ kə lɔ́rɔ́ ō, kə gində̄ arjā̰a̰á̰ ō ń bɔbə̄n Nabukodonosor ɔy kem kújə yā Kɔ́ɔ̄ɓē tə́ *Jerusalem reēń ní. Ni sāā i yā ka̰ȳń kasə kə de kə́ bo yān gēé ō, kə də̄yá̰ gidə ndogə̄ yān gēé ō, kə dəyá̰ kə́ ngé rāā kəla yān gēé ō.

DANIEL 5:2 Referans Kwoze

DANIEL 1:2

Kɔ́ɔ̄ɓē əla Joakim mban̄g kə́ Juda kem jīn tə́ ō, əya̰n adə̄ ɔy núsə́ ngáń gájə́ yá̰a̰ rāā kəla gə̄ kə́ kem kújə yā Nə́ɓā tə́ ō. Ɔy aw̄ń dɔ nang kə́ Sinear tə́, aw̄ tə́ndā kem kújə yā nə́ɓā yān gə̄ tə́.

2 MBAN̄G 24:13

Tītə̄ ń Kɔ́ɔ̄ɓē ədań kété ní, Nabukodonosor ɔy yá̰a̰ kənge kə́ kem kújə yā Kɔ́ɔ̄ɓē tə́ ō, kə́ kem kújə yā mban̄g tə́ ō, malang aw̄ń. Ni tɔ̄ɔ̄ ngáń gájə́ yá̰a̰ rāā kəla gə̄ ń mban̄g Salomo̰ adə̄ rāān̄ kə lɔ́rɔ́ tām̄ yā kújə yā Kɔ́ɔ̄ɓē tə́ ní kɔ̄ɔ́ malang.

DANIEL 5:23

Ḭ̄ ī-tɔ́sə̄ gātə̄ Nə́ɓā kə́ dɔ rā̰ tə́, tām̄ ādə̄ reēn̄ kə ngáń gájə́ yá̰a̰ rāā kəla gə̄ kə́ kem kújə yān tə́ adə̄ ā̰yń kasə nduú, ḭ̄ ō, de kə́ bo yāí gə̄ ō, də̄yá̰ gidə ndogə̄ yāí gə̄ ō, dəyá̰ kə́ ngé rāā kəla yāí gə̄ ō. Tá ɓáý to̰ ní ḭ̄ ī-tɔ̄ȳ nə́ɓā gə̄ kə́ rāān̄də́ kə gində̄ arjā̰a̰ ō, kə lɔ́r ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō. Adə̄ i nə́ɓā gə̄ kə́ a̰a̰n̄ loo aĺ ō, oōn̄ loo aĺ ō, gerə̄n̄ yá̰a̰ aĺ ō. Ba Nə́ɓā ń koōí ō, yá̰a̰ gə̄ ń a reēn̄ dɔí tə́ ndɔ̄n tə́ ō, i kem jīn tə́ ní, ḭ̄ ī-rɔȳn alé!

2 MBAN̄G 25:15

Ngol ngé ngɔ̄m̄ mban̄g gə̄ ɔy ganán gə̄ ō, bay gə̄ kə́ yā tə́teń yá̰a̰ gə̄ ō, kə́ rāān̄ kə lɔ́r ō, kə gində̄ arjā̰a̰ ō aw̄ń.

DANIEL 5:18

Kété ní Nə́ɓā kə́ dɔɔ́ sa̰y ngá̰ý rāā adə̄ bɔbí Nabukodonosor ndi mban̄g kə́ bo ō, adə̄n kɔsə gɔn ō, hál de kə́ bo ō.

DANIEL 5:13

Adə̄ aw̄n̄ kə Danieleé rɔ̄ mban̄g tə́. Mban̄g un najə̄ ɔr̄, əda na: Daniel kə́ dan ɓəlo gə̄ kə́ Juda tə́ ń bɔbə́ḿ mban g ḭḭ sedə́ dɔ nang kə́ Juda tə́ reē sedə́ ní i īkɔ́ n toó a?

DANIEL 5:11

De kógə̄ḿ kə́ ndíĺ nə́ɓā kə́ táĺ gə̄ i kemən tə́ ndi kem ɓē ko̰o̰ yāí tə́ noō. Ɓāl̄ yā bɔbí tə́ teēn̄ dɔ tə́ kadə̄ ni i de kə́ a̰a̰ yá̰á̰ ngá̰ý ō, i de kə́ nge ger̄ kum yá̰a̰ gə̄ ō, i de kə́ aw̄ kə kum kedə̄ kə́ tītə̄ yā nə́ɓā gə̄ ō. Adə̄ mban̄g Nabukodonosor ń i bɔbí ní əndān dɔ mbōlí gə̄ tə́ ō, ngé bógə̄rō de gə̄ tə́ ō, de ger̄ tə́yō̰ gə̄ tə́ ō kɔdə̄ sāā gə̄ tə́ ō.

DANIEL 5:4

Nin̄ a̰ȳn̄ kasə nduú ō, tɔ̄ȳn̄ nə́ɓā gə̄ kə́ rāān̄də́ kə lɔ́r ō, kə gində̄ arjā̰a̰ ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō.

JEREMI 52:19

Ngol ngé ngɔ̄m̄ dɔ mban̄g ní ɔy bay gə̄ ō, ganán gə̄ ō, səmbē gə̄ kə́ yā tə́teń yá̰a̰ ō, jóó nánjə̄ gə̄ ō, ɗəra hor gə̄ ō, kópə gə̄ ō, ngán bay kə́ dūú gə̄ ō, yá̰a̰ malang kə́ rāā kə lɔ́rɔ́ ō, kə gində̄ arjā̰a̰á̰ ō aw̄ń.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

2 YÁ̰A̰ GƏ̄ 36:18

Yá̰a̰ malang kə́ bo gə̄gē kə́ dūú gə̄gē, kə́ kem kújə yā Nə́ɓā tə́ gə̄gē, yá̰a̰ ɓɔ̄ɔ̄ gə̄ kə́ kem kújə yā Kɔ́ɔ̄ɓē tə́ gə̄gē, yá̰a̰ ɓɔ̄ɔ̄ gə̄ yā mban̄g gə̄gē, yā de kə́ bo yān gə̄ gə̄gē ní mban̄g kə́ Babilon ɔy aw̄ń Babilon malang.

2 YÁ̰A̰ GƏ̄ 36:10

Dan ń ɓāl̄ kə́ kijə ugə̄ anī mban̄g Nabukodonosor əla de gə̄ adə̄ reēn̄ kə Joakin ō, yá̰a̰ gə̄ kə́ kem kújə yā Kɔ́ɔ̄ɓē tə́ kə́ gātə̄də́ i ngá̰ý gə̄ ō, Babilon. Ba əndā Sedekias kə́ ngōkó̰o̰ Joakim mban̄g dɔ ɓē kə́ Jerusalem tə́ ō, Juda tə́ ō.

2 YÁ̰A̰ GƏ̄ 15:16

Loo kə́ to rɔȳ ń əndān̄ Maaka kaa mban̄g Asa tū tə́ a mēr̄ kadə̄ a ɓārə́n̄ kaan na i dəyá̰ kə́ bo ní, Asa ɔrə̄n tū tə́ kɔ̄ɔ́. Tɔdɔ̄ Maaka udə ɓesə̄ kógə̄ḿ kə́ majaĺ ngá̰ý yā rɔȳń Asera. Asa tə́gā ɓesə̄ kə́ majaĺ ngá̰ý ní kɔ̄ɔ́. Ni tə́tə̄n rárák ba əla hor dɔ tə́ kum wól loo kə́ Sedəro̰ tə́.

2 YÁ̰A̰ GƏ̄ 11:20

Gō tə́ anī Roboam taā Maaka kə́ ngōn̄ Absalom. Maaka ojə ngán kə́ dəngam gə̄ sɔ́ adə̄n. Rī ngán gə̄ ní i Abia ō, Atai ō, Jija ō, Selomit ō.

2 SAMUEL 9:7

Dabid ədan na: Ī-lōō ɓōĺ. M-ā m̄-rāā majə seí sɔɔ̄ń bɔbí Jonatan. Dɔ nang yā kaaí Saul ní m-ā m̄-télən̄ yā kadī gogə́ malang ō, īkɔ́ ā ə́sá yá̰a̰ ta tábəl yāḿ tə́ kə dɔ ndɔ̄ gə̄ ō.

ESDRAS 5:14

Gájə́ yá̰a̰ rāā kəla gə̄ kə́ kem kújə yā Kɔ́ɔ̄ɓē tə́ Jerusalem ń rāān̄ kə lɔ́r ō, kə arjā̰a̰ ō, á mban̄g Nabukodonosor ɔy aw̄ tə́ndā kem kújə ɓesə̄ tə́ Babilon ní, mban̄g Sirus na ɔy kem kújə ɓesə̄ kə́ Babilon tə́ ba na adə̄ deē ń rī n na i Sesəbasar ní. Sesəbasar ngé ń toō na i Sirus n na əndān dɔ ɓē tə́ kadə̄ o̰o̰ ní.

JEREMI 50:35

Ī-tə́gāī Kalde gə̄ kə kaskaraá, ādī kaskar ɔdə Babilon gə̄ ō, de kə́ bo gə̄ ō, ngé kum kedə̄ gə̄ ō kə́ Babilon tə́.

DANIEL 5:3

Adə̄ reēn̄ kə ngáń gájə́ yá̰a̰ rāā kəla gə̄ kə́ rāān̄ kə lɔ́rɔ́ ń ɔyn̄ kem kújə yā Kɔ́ɔ̄ɓē tə́ adə̄ i kem kújə yā Nə́ɓā tə́ Jerusalem ní, adə̄ mban̄g a̰ȳń yá̰a̰ kə mbā yān gēé.

DANIEL 5:30

Ndɔ̄ɔ́ ndɔ̄ nəkɔ́ noō tə́ tɔ̄lə̄n̄ Baltajar mban̄g kə́ Babilon.