DANIEL 5:13 - Bibəl ta Sar̄

¹³ Adə̄ aw̄n̄ kə Danieleé rɔ̄ mban̄g tə́. Mban̄g un najə̄ ɔr̄, əda na: Daniel kə́ dan ɓəlo gə̄ kə́ Juda tə́ ń bɔbə́ḿ mban g ḭḭ sedə́ dɔ nang kə́ Juda tə́ reē sedə́ ní i īkɔ́ n toó a?

Bible sar

¹³ Adə̄ aw̄n̄ kə Danieleé rɔ̄ mban̄g tə́. Mban̄g un najə̄ ɔr̄, əda na: Daniel kə́ dan ɓəlo gə̄ kə́ *Juda tə́ ń bɔbə́ḿ mban g ḭḭ sedə́ dɔ nang kə́ Juda tə́ reē sedə́ ní i īkɔ́ n toó a?

DANIEL 5:13 Referans Kwoze

DANIEL 6:13

Tā anī nin̄ aw̄n̄ rɔ̄ mban̄g tə́ ba ədanən̄ na: Kɔ́ɔ̄ ɓē gə̄, ī-ndang ndū najə̄ kógə̄ḿ kə́ kadə̄ kem ndɔ̄ kutə mətá ní deē ń a ndɔ̄ȳ nə́ɓā kə́rēý, aláa a ndɔ̄ȳ de kə́ rang ba i ḭ̄ mban̄g aĺ ní kadə̄ ənīn̄ kɔ́ɔ̄ bəlo ɓɔl gə̄ tə́ aĺ a? Mban̄g tūr̄ əda na: Yá̰á̰ ń i kə́ ra dɔ tə́ kə gō ndū najə̄ yā Medə gə̄ ō Persə gə̄ ō ń i ndū najə̄ kə́ deē a ɔr̄ kɔ̄ɔ́ alé ní n noó rɔ̄kum.

DANIEL 5:11

De kógə̄ḿ kə́ ndíĺ nə́ɓā kə́ táĺ gə̄ i kemən tə́ ndi kem ɓē ko̰o̰ yāí tə́ noō. Ɓāl̄ yā bɔbí tə́ teēn̄ dɔ tə́ kadə̄ ni i de kə́ a̰a̰ yá̰á̰ ngá̰ý ō, i de kə́ nge ger̄ kum yá̰a̰ gə̄ ō, i de kə́ aw̄ kə kum kedə̄ kə́ tītə̄ yā nə́ɓā gə̄ ō. Adə̄ mban̄g Nabukodonosor ń i bɔbí ní əndān dɔ mbōlí gə̄ tə́ ō, ngé bógə̄rō de gə̄ tə́ ō, de ger̄ tə́yō̰ gə̄ tə́ ō kɔdə̄ sāā gə̄ tə́ ō.

DANIEL 2:25

Ariok aw̄ kə Danieleé láẃ rɔ̄ mban̄g tə́ ba əda mban̄g na: Kɔ́ɔ̄ ɓē gə̄, m-ə́nge de kə́ asə kɔjiī kum nī yāí dan Juda gə̄ ń əhɔn̄də́ reēn̄ sedə́ tə́ ní.

JA̰A̰ 7:3

Ngákó̰o̰n gə̄ ədanən̄ na: Ī-ndɔ́tə̄ laā kɔ̄ɔ́, āw̄ dɔ nang kə́ Jude tə́, adə̄ ngé ndóō yá̰a̰ yāí gə̄ a̰ā̰n̄ kəla gə̄ ń ī-rāā ní ō.

ESDRAS 10:16

Banī gotə Israel kə́ rang gə̄ ń ḭḭn̄ ɓəloó ní tītə̄ ń Esdras ō, gotə ngé kán̄ naā gə̄ ō ədan̄neé ní. Esdras nge tun̄ yá̰a̰ gə̄rā de gə̄ kə́ dɔ gír kojə gə̄ tə́ kə rīdə́ gēé kógə̄ḿ kógə̄ḿ, kə dɔ gír kaa gēé. De gə̄ ní əngen̄ naā loo sarya tə́ kə ndɔ̄ kə́ ta kəga dɔ yā nāā kə́ nge ko̰ kutuú yā kəndā najə̄ ní naā tə́.

ESDRAS 6:16

Ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, gotə de kə́ rang gə̄ ń télən̄ ɓəloó ní ō, tunə̄n̄ yá̰a̰ ɔrə̄n̄neé kam̄ kújə yā Nə́ɓā ngeé ń toō i kə rɔ̄nelēé.

ESDRAS 4:1

Dan ń madə̄ ba̰ā̰ Juda gə̄ ō Benjamḛ gə̄ ō oōn̄ kadə̄ ngé gə̄ ń ɔyn̄də́ aw̄n̄ sedə́ ɓəloó tá tél reēn̄ gogə́ ɓēé ní, na ra na a rāān̄ kújə yā Kɔ́ɔ̄ɓē yā Israel noó anī,

JA̰A̰ 7:1

Gō yá̰a̰ gə̄ ń toō tə́ anī, Jeju njə̄rā gō nang kə́ Galile tə́. Ni ndigə njə̄rā gō nang kə́ Jude tə́ alé, tām̄ Jipə gə̄ sāān̄ tɔ̄lə̄n.

DANIEL 8:27

Kum mbang ń noō tə́ ɓáa mā Daniel tɔ́gə́ḿ ur̄ wak kɔ̄ɔ́ ō, gō tə́ anī m̄-rāā mo̰y ndɔ̄ ngá̰ý ō. Dan ń m-ḭ́ḭ dɔ mo̰y tə́ ɓáa m̄-rāā kəla yā mban̄g. Yá̰á̰ ń m-á̰a̰ā̰ ní rāām̄ kə ɓōló ngá̰ý ō, de kə́ ger̄ kum gətóo ō.

DANIEL 8:1

Kem ɓāl̄ ko̰o̰ ɓē kə́ nge ko̰ mətá yā mban̄g Baltajar ní, mā Daniel m-á̰a̰ yá̰á̰ kə́ rang gō nge ń m-á̰a̰ā̰ kété tə́ ní.

DANIEL 5:18

Kété ní Nə́ɓā kə́ dɔɔ́ sa̰y ngá̰ý rāā adə̄ bɔbí Nabukodonosor ndi mban̄g kə́ bo ō, adə̄n kɔsə gɔn ō, hál de kə́ bo ō.

DANIEL 5:2

Kasə ní rāān adə̄ əda kadə̄ reēn̄ kə ngáń gájə́ yá̰a̰ rāā kəla gə̄ kə́ rāān̄ kə lɔ́rɔ́ ō, kə gində̄ arjā̰a̰á̰ ō ń bɔbə̄n Nabukodonosor ɔy kem kújə yā Kɔ́ɔ̄ɓē tə́ Jerusalem reēń ní. Ni sāā i yā ka̰ȳń kasə kə de kə́ bo yān gēé ō, kə də̄yá̰ gidə ndogə̄ yān gēé ō, kə dəyá̰ kə́ ngé rāā kəla yān gēé ō.

DANIEL 2:48

Gō tə́ anī mban̄g ɔsə Daniel kə̄ dɔɔ́ ō, adə̄n kadə̄ karī kə́ bo gə̄ ngá̰ý ō. Ni əndān dɔ gō nang kə́ Babilon tə́ ō, dɔ ngé kum kedə̄ gə̄ malang kə́ Babilon tə́ ō.

DANIEL 1:21

Adə̄ Daniel rāā kəla yā mban̄g bátə́ ugə̄ń ɓāl̄ ko̰o̰ ɓē yā Sirus tə́.

ESDRAS 10:7

Gō tə́ anī ənīn̄ mbēr̄ Jerusalem ō, dɔ nang kə́ Juda tə́ ō, kadə̄ de gə̄ malang ń aw̄n̄ ɓəloó ní kánə̄n̄ naā Jerusalem.

DANIEL 1:1

Kem ɓāl̄ ko̰o̰ ɓē kə́ nge ko̰ mətá yā Joakim mban̄g kə́ Juda tə́ ní, Nabukodonosor mban̄g kə́ Babilon reē gīr̄ ɓē kə́ Jerusalem kə rɔ̄ɔ́.

DANIEL 1:2

Kɔ́ɔ̄ɓē əla Joakim mban̄g kə́ Juda kem jīn tə́ ō, əya̰n adə̄ ɔy núsə́ ngáń gájə́ yá̰a̰ rāā kəla gə̄ kə́ kem kújə yā Nə́ɓā tə́ ō. Ɔy aw̄ń dɔ nang kə́ Sinear tə́, aw̄ tə́ndā kem kújə yā nə́ɓā yān gə̄ tə́.

DANIEL 5:14

Ədan̄ najə̄ yāí adə̄ m-ōō. Ədan̄ na ndíĺ nə́ɓā gə̄ na i kemií tə́ ō, teēn̄ dɔ tə́ kadə̄ ḭ̄ i de kə́ á̰á̰ yá̰á̰ ngá̰ý ō, de kə́ nge ger̄ kum yá̰a̰ gə̄ ō, āw̄ kə kum kedə̄ kə́ tayā ō.

DANIEL 1:6

Ngáń kə́ Juda tə́ gə̄ i dan balsáa gə̄ ní tə́. Adə̄ i Daniel ō Hanania ō Misael ō Ajaria ō.