DANIEL 5:12 - Bibəl ta Sar̄

¹² Ndíĺ kə́ kemən tə́ i ndíĺ kə́ tayā. Ni i de kə́ ger̄ kəndā ma̰ȳ yá̰a̰ ō, ger̄ kum yá̰a̰ ō, ger̄ kəda kum nī gə̄ ō, ger̄ kum səngó gə̄ ō, i de kə́ nge teē kə gíŕ yá̰á̰ kə́ to loo mundə̄ tə́ gə̄ ō. Beé ní ādə̄ ɓārə́n̄ Daniel ngeé ń toō ń mban̄g əndā rāān na i Beltasar ní ādə̄ reē. Ni a ɔjə kum yá̰á̰ ń ndangən̄ kadə̄ bɔr tə́ ní.

Bible sar

¹² Ndíĺ kə́ kemən tə́ i ndíĺ kə́ tayā. Ni i de kə́ ger̄ kəndā ma̰ȳ yá̰a̰ ō, ger̄ kum yá̰a̰ ō, ger̄ kəda kum nī gə̄ ō, ger̄ kum səngó gə̄ ō, i de kə́ nge teē kə gíŕ yá̰á̰ kə́ to loo mundə̄ tə́ gə̄ ō. Beé ní ādə̄ ɓārə́n̄ Daniel ngeé ń toō ń mban̄g əndā rāān na i Beltasar ní ādə̄ reē. Ni a ɔjə kum yá̰á̰ ń ndangən̄ kadə̄ bɔr tə́ ní.

DANIEL 5:12 Referans Kwoze

DANIEL 6:3

Ni tə́ndā de kə́ bo gə̄ mətá dɔdə́ tə́ ō, kadə̄ ngé kɔsə kum gotə mban̄g dɔ ɓē tə́ gə̄ ní ɔjən̄də́ kutə yá̰a̰ gə̄ yā kadə̄ yá̰á̰ ń i yá̰a̰ yā mban̄g ní deē a ɔgə̄ń mban̄g alé. De kə́ bo gə̄ kógə̄ḿ i Daniel.

DANIEL 5:14

Ədan̄ najə̄ yāí adə̄ m-ōō. Ədan̄ na ndíĺ nə́ɓā gə̄ na i kemií tə́ ō, teēn̄ dɔ tə́ kadə̄ ḭ̄ i de kə́ á̰á̰ yá̰á̰ ngá̰ý ō, de kə́ nge ger̄ kum yá̰a̰ gə̄ ō, āw̄ kə kum kedə̄ kə́ tayā ō.

DANIEL 1:7

Ngol ngé rāā kəla ndogó mbangāá gə̄ təndā rī kə́ kijə dɔdə́ tə́. Ni-əndā rī Daniel na i Beltasar ō, rī Hanania na i Sadərak ō, rī Misael na i Mesak ō, rī Ajaria na i Abed Nego ō,

DANIEL 5:16

Ba mā m-ōō kadə̄ ḭ̄ na ásə kəda kum səngó gə̄ ō, teē kə gíŕ yá̰á̰ kə́ to loo mundə̄ tə́ gēé ō. Adə̄ ré ī-tə́dá yá̰á̰ ń ndangən̄ toó ō, ɔ́jəm̄ kum ō anī, ā ō̰ō̰ kūbə̄ kə́ kərē ning ō, ā ō̰ō̰ məde lɔ́ŕ kɔ́ɔ́í tə́ ō, ā ī-tél nge ko̰o̰ ɓē kə́ dan ngé ko̰o̰ ɓē kə́ bo gə̄ tə́ kem ɓē ko̰o̰ yāḿ tə́ ō.

Gōsə̄ najə̄ gə̄ 12:26

De kə́ súmūú ɔjə madə̄n ta róbə́ kə́ majə, banī háĺ ngé kem ndul gə̄ tḭ̄ḭ̄ tadə́.

DANIEL 4:8

Kāgə̄ ní tɔgə ō ngan̄g ō, ngāl̄ bátə́ ɔdə no rā̰ ō. Deē ra i ta ngóy dɔ nang tə́ gə̄gē a a̰a̰ kāgə̄ ní.

PĀ GƏ̄ 16:3

Ɓesə̄ gə̄ kə́ dɔ nang tə́ laā, adə̄ i tɔ́gə gə̄ ń nelə̄m̄ sedə́ kété ngá̰ý ní,

Gōsə̄ najə̄ gə̄ 17:27

De kə́ ɔr̄ najə̄ adə̄ mān̄ dɔ loon alé i de kə́ ger̄ yá̰á̰ ngá̰ý ō, de kə́ əre rɔ̄n ndi jəke i de kə́ nge rāā yá̰a̰ kə gōó ō.

KOLOSƏ 1:29

I tām̄ ń toō tə́ n m̄-rāā kəla ō, m̄-rɔ̄ɔ̄ ō kə ta kūl̄ tɔ́gə yā Kərist ní. Tɔ́gə́ ní rāā kəla kə ngangāá kemḿ tə́.

DANIEL 4:19

kɔ́ɔ̄ ɓē gə̄, kāgə̄ ní i ḭ̄! Tɔdɔ̄ ī-tél de kə́ bo ō tɔ́gí to ō, ī-tɔgə bátə́ ɔ́də no rā̰ ō, ó̰o̰ ɓē bátə́ ta ngóy dɔ nang tə́ ō.

EJEKIEL 28:3

Ḭ̄ ɔ́jəń na kum kedə̄ yāí na mān̄ yā Danel. Ḭ̄ ī-gír̄ ə́da na ásə ger̄ yá̰á̰ kə́ to loo mundə̄ tə́ gə̄.

DANIEL 2:26

Mban̄g un najə̄ ɔr̄ kə Daniel ń a ɓāŕnən̄ na i Beltasar ní. Dəjen na ké nī ń rāān ní ké asə kədan gotə ō, asə k ɔjən kum ō wa.

DANIEL 1:17

Balsáá kə́ sɔ́ gə̄ ní Nə́ɓā adə̄də́ kəndā ma̰ȳ ō, ndóōdə́ loo ndang makətūbə̄ ō, adə̄də́ kum kedə̄ ō. Tá Daniel ger̄ kum yá̰á̰ kə́ ka̰ā̰ gə̄ ō, kum nī gə̄ ō ɓáý to̰.

DANIEL 6:4

Daniel ngeé ń toō tɔȳ de kə́ bo madə̄n kə́ jōó gə̄ ō, tɔȳ ngé kɔsə kum gotə mban̄g dɔ ɓē tə́ gə̄ malang ō, tɔdɔ̄ ndíĺ kə́ kə́ kemən tə́ i ndíĺ kə́ tayā. Adə̄ mban̄g gír̄ kəndān dɔ ɓē ko̰o̰ tə́ kə taá malang.