DANIEL 5:11 - Bibəl ta Sar̄

¹¹ De kógə̄ḿ kə́ ndíĺ nə́ɓā kə́ táĺ gə̄ i kemən tə́ ndi kem ɓē ko̰o̰ yāí tə́ noō. Ɓāl̄ yā bɔbí tə́ teēn̄ dɔ tə́ kadə̄ ni i de kə́ a̰a̰ yá̰á̰ ngá̰ý ō, i de kə́ nge ger̄ kum yá̰a̰ gə̄ ō, i de kə́ aw̄ kə kum kedə̄ kə́ tītə̄ yā nə́ɓā gə̄ ō. Adə̄ mban̄g Nabukodonosor ń i bɔbí ní əndān dɔ mbōlí gə̄ tə́ ō, ngé bógə̄rō de gə̄ tə́ ō, de ger̄ tə́yō̰ gə̄ tə́ ō kɔdə̄ sāā gə̄ tə́ ō.

Bible sar

¹¹ De kógə̄ḿ kə́ ndíĺ nə́ɓā kə́ *táĺ gə̄ i kemən tə́ ndi kem ɓē ko̰o̰ yāí tə́ noō. Ɓāl̄ yā bɔbí tə́ teēn̄ dɔ tə́ kadə̄ ni i de kə́ a̰a̰ yá̰á̰ ngá̰ý ō, i de kə́ nge ger̄ kum yá̰a̰ gə̄ ō, i de kə́ aw̄ kə kum kedə̄ kə́ tītə̄ yā nə́ɓā gə̄ ō. Adə̄ mban̄g Nabukodonosor ń i bɔbí ní əndān dɔ mbōlí gə̄ tə́ ō, ngé bógə̄rō de gə̄ tə́ ō, de ger̄ tə́yō̰ gə̄ tə́ ō kɔdə̄ sāā gə̄ tə́ ō.

DANIEL 5:11 Referans Kwoze

DANIEL 4:18

mbīn i kə́ majə ō, kanə̄n i ngá̰ý ō, yá̰a̰ kəsa yā de gə̄ malang i kemən tə́ ō, dā̰ kə́ bembeé gə̄ a ndin̄ i gírən tə́ ō, yel̄ kə́ dɔɔ́ gə̄ a rāān̄ ɓēdə́ i kem mbīn kə́ əga ku gə̄ tə́ ō ní,

DANIEL 5:14

Ədan̄ najə̄ yāí adə̄ m-ōō. Ədan̄ na ndíĺ nə́ɓā gə̄ na i kemií tə́ ō, teēn̄ dɔ tə́ kadə̄ ḭ̄ i de kə́ á̰á̰ yá̰á̰ ngá̰ý ō, de kə́ nge ger̄ kum yá̰a̰ gə̄ ō, āw̄ kə kum kedə̄ kə́ tayā ō.

JEJU TEĒ KUM JA̰A̰ 3:9

Á̰a̰ā̰, de gə̄ kə́ kem kújə ndi Sətan tə́ ní, m-ādī sedə́. Nin̄ i ngé gə̄ ń ədan̄ na nin̄ na i Jipə gə̄, banī nin̄ i Jipə gə̄ aĺ ní. Tɔdɔ̄ nin̄ i ngé sor̄ gə̄. Á̰a̰ā̰, m-ā m̄-rāā kadə̄ a reēn̄ yā kɔsə nodə́ nang tə́ njaí tə́ ō, a gerə̄n̄ kadə̄ mā m̄-táriī ō.

KƏLA RĀĀ 12:22

Anī kósə de gə̄ əgan̄ kɔŕ ədan̄ na: I nə́ɓā kógə̄ḿ n a ɔr̄ najə̄ ba i deē ndul alé!

DANIEL 2:11

Yá̰á̰ ń mban̄g na dəje ní na i yá̰á̰ kə́ ngan̄g ngá̰ý, adə̄ de kə́ asə kɔjən na gətóo, ré na i nə́ɓā gə̄ ń loo ndidə́ i kə de ndul gēé aĺ ní ta na asən̄.

2 SAMUEL 14:17

Mā nge kəla yāí kə́ dəyá̰ m̄-gír̄ kemḿ tə́ m-ə́da na yá̰á̰ ń ā ə́dá ní a rāā kadə̄ ndíl de gə̄ a tél yā reē rɔ̄də́ tə́ gogə́. Tɔdɔ̄ mban̄g i tītə̄ de kə́ dɔ rā̰ tə́ yā Nə́ɓā beé. Yá̰á̰ kə́ majanī a̰a̰ ger̄ ō, yá̰á̰ kə́ majanī a̰a̰ ger̄ ō. Beé ní ādə̄ Kɔ́ɔ̄ɓē yāí i seí naā té.

KƏLA RĀĀ 16:16

Ndɔ̄ kógə̄ḿ tə́ j-a j-aw̄ kə̄ loo ndɔ̄ȳ tə́ anī, nge kəla kə́ dəyá̰ kógə̄ḿ tə́nī tají: Ndíĺ kə́ majaĺ kógə̄ḿ i kemən tə́. Ndi ɓáa ɔsə seneé ta kɔjə yá̰á̰ kə́ a rāā yā rāā yá̰a̰ gə̄. Adə̄ kɔ́ɔ̄n gə̄ əngen̄ yá̰á̰ ngá̰ý gírən tə́ loo kɔjə yá̰á̰ kə́ a rāā yā rāā yá̰a̰ gə̄ tə́.

KƏLA RĀĀ 14:11

Dan ń kósə de gə̄ a̰a̰n̄ yá̰á̰ ń Pol rāā ní anī, əgan̄ kɔ́ŕ ədanə̄ń kə ta Likaoni na nə́ɓā gə̄ na télən̄ de gə̄ ba na reēn̄ rɔ̄də́ tə́.

TA KƏLA 41:38

Anī Parao̰ əda ngé rāā kəla yān gə̄ na ké na n-əngen̄ de kə́ aw̄ kə Ndíĺ Nə́ɓāá dɔn tə́ tītə̄ deē ń toō wa.

EJEKIEL 28:3

Ḭ̄ ɔ́jəń na kum kedə̄ yāí na mān̄ yā Danel. Ḭ̄ ī-gír̄ ə́da na ásə ger̄ yá̰á̰ kə́ to loo mundə̄ tə́ gə̄.

DANIEL 1:4

Kadə̄ i balsáa gə̄ kə́ loodə́ kə́rēý kə́ nujə gətóo gə̄ ō, kə́ majən̄ deē gə̄ ō, kə́ ɔjən̄də́ kum kedə̄ gə̄ malang adə̄ gerə̄n̄ gə̄ ō, kə́ gerə̄n̄ yá̰á̰ ngá̰ý gə̄ ō, kə́ əndān̄ ma̰ȳ yá̰á̰ ngá̰ý gə̄ ō, kə́ tɔ́gə́də́ to gə̄ ō, kə reē sedə́ kadə̄ ran̄ ndogó mbangāá ō, kadə̄ ndóōn̄də́ loo ndang makətūbə̄ yā de kə́ Babilon gə̄ ō, ta yādə́ ō.

DANIEL 2:22

I ni n i nge teē kə gíŕ yá̰a̰ kə́ lú ngá̰ý gēé dɔɔ́ ō, yá̰á̰ kə́ to loo mundə̄ tə́ gə̄ ndágá ō ní. Ni ger̄ yá̰á̰ kə́ kum til tə́ ō, loo kə́ unjə̄ kow ndi i rɔ̄n tə́ ō.

DANIEL 5:7

Mban̄g un ndūn kə̄ dɔɔ́ ngá̰ý ədań kə tɔ́gɔ́ kadə̄ reēn̄ kə ngé kum kedə̄ gə̄ kə́ Babilon rɔ̄n tə́, adə̄ i ngé bógə̄rō de gə̄ ō, ngé ger̄ tə́yō̰ gə̄ ō, kɔdə̄ sāā gə̄ ō. Ni un najə̄ ɔr̄ sedə́, ədadə́ na: Deē ń a tə́dá yá̰á̰ ń ndangən̄ toó ō, a ɔjəm̄ kumən ō anī a o̰ō̰ kūbə̄ kə́ majə ngá̰ý ō, a o̰ō̰ məde lɔ́r kɔ́ɔn tə́ ō, a tél nge ko̰o̰ ɓē kə́ dan ngé ko̰o̰ ɓē kə́ bo gə̄ tə́ kem ɓē ko̰o̰ yāḿ tə́ ō.

EJEKIEL 28:4

Ḭ̄ ə́ngé yá̰a̰ kə ta kūl̄ ger̄ rāā yá̰a̰ ō, kə ta kūl̄ kur̄ dɔí ō. Ī-kán̄ lɔ́r ō, gində̄ arjā̰a̰ ō kə̄ dɔ naā tə́ tām̄ yāí tə́.

DANIEL 4:5

Ta tɔ̄l̄ ta anī Daniel ń rīn kə́ ko̰ jōó na i Beltasar ní reē rɔ̄ḿ tə́ ō. Əndān̄ rīn kə́ ko̰ jōó ní i kə rī nə́ɓā yāḿ. Ndíĺ nə́ɓā kógə̄ḿ kə́ dan nə́ɓā kə́ táĺ gə̄ tə́ i kem Daniel tə́. M-ɔ́jə Daniel gotə nī yāḿ ní,

DANIEL 4:6

m-ə́dan na: Beltasar, ngār yā mbōlí gə̄, m̄-ger̄ kadə̄ ndíl nə́ɓā kə́ táĺ gə̄ i kemií tə́, adə̄ yá̰á̰ kə́ to loo mundə̄ tə́ kə́ kadə̄ dum̄ dɔí gətóo. Ní, ɔ́jəm̄ kum yá̰á̰ ń m-á̰a̰ā̰ kem nī tə́ ní.