DANIEL 4:9 - Bibəl ta Sar̄

⁹ Mbīn majə ngá̰ý ō, kanən̄ i ngá̰ý ō, yá̰a̰ kəsa yā de gə̄ malang i kemən tə́ ō, dā̰ kə́ bembeé gə̄ a ɓɔ̄ɔ̄n̄ rɔ̄də́ i gírən tə́ ō, yel̄ kə́ dɔɔ́ gə̄ a rāān̄ ɓēdə́ i ta jīn gə̄ tə́ ō. Dā̰ rɔ̄ malang a ənge yá̰a̰ kəsa yān i rɔ̄n tə́.

Bible sar

⁹ Mbīn majə ngá̰ý ō, kanən̄ i ngá̰ý ō, yá̰a̰ kəsa yā de gə̄ malang i kemən tə́ ō, dā̰ kə́ bembeé gə̄ a ɓɔ̄ɔ̄n̄ rɔ̄də́ i gírən tə́ ō, yel̄ kə́ dɔɔ́ gə̄ a rāān̄ ɓēdə́ i ta jīn gə̄ tə́ ō. Dā̰ rɔ̄ malang a ənge yá̰a̰ kəsa yān i rɔ̄n tə́.

DANIEL 4:9 Referans Kwoze

DANIEL 5:11

De kógə̄ḿ kə́ ndíĺ nə́ɓā kə́ táĺ gə̄ i kemən tə́ ndi kem ɓē ko̰o̰ yāí tə́ noō. Ɓāl̄ yā bɔbí tə́ teēn̄ dɔ tə́ kadə̄ ni i de kə́ a̰a̰ yá̰á̰ ngá̰ý ō, i de kə́ nge ger̄ kum yá̰a̰ gə̄ ō, i de kə́ aw̄ kə kum kedə̄ kə́ tītə̄ yā nə́ɓā gə̄ ō. Adə̄ mban̄g Nabukodonosor ń i bɔbí ní əndān dɔ mbōlí gə̄ tə́ ō, ngé bógə̄rō de gə̄ tə́ ō, de ger̄ tə́yō̰ gə̄ tə́ ō kɔdə̄ sāā gə̄ tə́ ō.

DANIEL 2:48

Gō tə́ anī mban̄g ɔsə Daniel kə̄ dɔɔ́ ō, adə̄n kadə̄ karī kə́ bo gə̄ ngá̰ý ō. Ni əndān dɔ gō nang kə́ Babilon tə́ ō, dɔ ngé kum kedə̄ gə̄ malang kə́ Babilon tə́ ō.

DANIEL 4:8

Kāgə̄ ní tɔgə ō ngan̄g ō, ngāl̄ bátə́ ɔdə no rā̰ ō. Deē ra i ta ngóy dɔ nang tə́ gə̄gē a a̰a̰ kāgə̄ ní.

DANIEL 4:5

Ta tɔ̄l̄ ta anī Daniel ń rīn kə́ ko̰ jōó na i Beltasar ní reē rɔ̄ḿ tə́ ō. Əndān̄ rīn kə́ ko̰ jōó ní i kə rī nə́ɓā yāḿ. Ndíĺ nə́ɓā kógə̄ḿ kə́ dan nə́ɓā kə́ táĺ gə̄ tə́ i kem Daniel tə́. M-ɔ́jə Daniel gotə nī yāḿ ní,

DANIEL 1:20

Yá̰a̰ malang kə́ a dəje i kum kedə̄ ō, kəndā ma̰ȳ yá̰a̰ ō ń mban̄g dəjedə́ najə̄ kə́ dɔ tə́ ní, mban̄g a̰ā̰ kadə̄ nin̄ tɔȳn̄ mbōlí gə̄ malang ō, ngé tə̄ɓā ndíĺ kə́ majaĺ gə̄ ō, kə́ kem ɓē ko̰o̰ yān tə́.

EJEKIEL 28:3

Ḭ̄ ɔ́jəń na kum kedə̄ yāí na mān̄ yā Danel. Ḭ̄ ī-gír̄ ə́da na ásə ger̄ yá̰á̰ kə́ to loo mundə̄ tə́ gə̄.

TA KƏLA 41:38

Anī Parao̰ əda ngé rāā kəla yān gə̄ na ké na n-əngen̄ de kə́ aw̄ kə Ndíĺ Nə́ɓāá dɔn tə́ tītə̄ deē ń toō wa.

DANIEL 4:18

mbīn i kə́ majə ō, kanə̄n i ngá̰ý ō, yá̰a̰ kəsa yā de gə̄ malang i kemən tə́ ō, dā̰ kə́ bembeé gə̄ a ndin̄ i gírən tə́ ō, yel̄ kə́ dɔɔ́ gə̄ a rāān̄ ɓēdə́ i kem mbīn kə́ əga ku gə̄ tə́ ō ní,

IJAI 54:14

Ā ə̄ndā tɔ́gí dɔ yá̰a̰ rāā kə́ gōtə́ tə́. Deē a rējī to̰ aĺ ō, ɓōĺ a rāāī to̰ aĺ ō. De kə́ yā rāāī kadə̄ ndílí a̰ȳ to̰ a gətóo ō, de kə́ yā kəla ɓōĺ kemií tə́ to̰ a gətóo ō.

IJAI 33:18

Yá̰á̰ ń kété a̰ȳ ndílí ní ā ī-gír̄ yá̰a̰ dɔ tə́ ō, ā ī-dəje rɔ̄í najə̄ ō, ā ə́da na: De gə̄ ń kété a əndān̄ ma̰ȳ lambóo a a̰a̰n̄ ké i gōtə́ wa ō, a tə́dan̄ lambóo gə̄ ō ní nin̄ i rá? Ngé gə̄ ń kété a əndān̄ kumdə́ gír ndogə̄ mbal̄ gə̄ kə́ yā rɔ̄ɔń dɔ ɓē tə́ ní nin̄ i rá?

1 SAMUEL 4:8

Yá̰á̰ kə́ to kum kaȳ aĺ əsō dɔjí tə́. I náā n a ɔr̄jí jī nə́ɓā kə́ nge tɔ́gə́ ń toō tə́ ní? I nə́ɓā ń tə̄ndā de kə́ Ejiptə gə̄ kem dəla loo tə́ kə ndéý kə́ tayā tayā gə̄ ní.

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

EJEKIEL 17:23

M-ā m-ə̄ndān dɔ mbal̄ kógə̄ḿ kə́ ngāl̄ dɔ nang kə́ Israel tə́. Kāgə̄ ní a tɔ̄ɔ̄ ta jīn gə̄ ō, a an̄ ō, a tél kāgə̄ sedər kə́ majə ngá̰ý ō. Gír yel̄ kə́ tayā tayā gə̄ a rāān̄ ɓēdə́ ta jīn gə̄ tə́ ō, a ɔrə̄n̄ koō ndílən tə́ ō.