DANIEL 4:7 - Bibəl ta Sar̄

⁷ Dan ń m̄-to dɔ tə̄rá yāḿ tə́ ní, yá̰á̰ ń m-á̰a̰ā̰ ní n toó: Kāgə̄ kógə̄ḿ kə́ bo ngá̰ý ra dɔ nang tə́ danaá bang.

Bible sar

⁷ Dan ń m̄-to dɔ tə̄rá yāḿ tə́ ní, yá̰á̰ ń m-á̰a̰ā̰ ní n toó: Kāgə̄ kógə̄ḿ kə́ bo ngá̰ý ra dɔ nang tə́ danaá bang.

DANIEL 4:7 Referans Kwoze

IJAI 44:25

Ngɔlaā ní m-ɔ̄r̄ tɔ́gə najə̄ kɔr̄ kɔdə̄ sāā gə̄ kɔ̄ɔ́. m̄-rāā adə̄ ngé kəda yá̰á̰ kə́ a rāā yā reē ɓáý gə̄ a̰ȳn̄ kɔ̄r̄ kɔ̄ɔ́. M-ūtə̄ ta ngé kum kedə̄ gə̄ kɔ̄ɔ́ ō, m-ɔ́jə kə̄ ndágá kadə̄ yá̰á̰ ń nin̄ gerə̄n̄ ní i yá̰á̰ kə́ to mbóo ō.

DANIEL 2:7

Ngé mbōlí gə̄ tél ədan̄ mban̄g nja kə́ nge ko̰ jōó na: Mban̄g ɔjəjí gotə nī ń rāāī ní anī j-a j-ɔjiī kum.

DANIEL 2:27

Daniel tūr̄ əda na: Yá̰á̰ kə́ to loo mundə̄ tə́ ń mban̄g sāā ger̄ ní, nge kum kedə̄, aláa nge bógə̄rō de gə̄ aláa nge mbōlí, aláa kɔdə sāā, kə́ asə kɔjə mban̄g kadə̄ ger̄ ní gətóo.

DANIEL 2:10

Kɔdə̄ sāā gə̄ tūr̄ ədan̄ na yá̰á̰ ń mban̄g na dəje noó deē kógə̄ḿ kə́ dɔ nang tə́ kə́ asə rāā na gətóo. Tɔdɔ̄ nəkɔ́ ń jóo toó ní mban̄g, ká i mban̄g kə́ boń ngá̰ý aké ngangəń ngá̰ý gə̄gē, kə́ dəje mbōlí kógə̄ḿ aláa nge bógə̄rō rāā de gə̄ kógə̄ḿ aláa kɔdə̄ sāā kógə̄ḿ yá̰á̰ kə́ beé ní gətóó ɓáý.

TA KƏLA 41:8

Teē dəloí anī kem Parao̰ ndi kə gōó alé, adə̄ ɓāŕ mbōlí gə̄ ō, ngé ger̄ yá̰á̰ ngá̰ý kə́ Ejiptə tə́ gə̄ ō, malang ɔjədə́ gotə nī ní tā, ba deē kógə̄ḿ kə́ asə kɔjən kum gətóo.

TA KƏLA 41:24

na dɔ kōō kə́ sii gə̄ ní na túrə̄n̄ dɔ kōō kə́ ngón̄g kə́ sīrí gə̄ ní kɔ̄ɔ́. Əda na n-ənī mbōlí gə̄ gotə nī ní tā, ba deē kógə̄ḿ kə́ asə kɔjən kum na gətóo.

DANIEL 1:4

Kadə̄ i balsáa gə̄ kə́ loodə́ kə́rēý kə́ nujə gətóo gə̄ ō, kə́ majən̄ deē gə̄ ō, kə́ ɔjən̄də́ kum kedə̄ gə̄ malang adə̄ gerə̄n̄ gə̄ ō, kə́ gerə̄n̄ yá̰á̰ ngá̰ý gə̄ ō, kə́ əndān̄ ma̰ȳ yá̰á̰ ngá̰ý gə̄ ō, kə́ tɔ́gə́də́ to gə̄ ō, kə reē sedə́ kadə̄ ran̄ ndogó mbangāá ō, kadə̄ ndóōn̄də́ loo ndang makətūbə̄ yā de kə́ Babilon gə̄ ō, ta yādə́ ō.

DANIEL 3:8

Loo ń noō tə́ de kə́ Babilon gə̄ reē sekə́n̄ Jipə gə̄.

DANIEL 4:18

mbīn i kə́ majə ō, kanə̄n i ngá̰ý ō, yá̰a̰ kəsa yā de gə̄ malang i kemən tə́ ō, dā̰ kə́ bembeé gə̄ a ndin̄ i gírən tə́ ō, yel̄ kə́ dɔɔ́ gə̄ a rāān̄ ɓēdə́ i kem mbīn kə́ əga ku gə̄ tə́ ō ní,

DANIEL 5:7

Mban̄g un ndūn kə̄ dɔɔ́ ngá̰ý ədań kə tɔ́gɔ́ kadə̄ reēn̄ kə ngé kum kedə̄ gə̄ kə́ Babilon rɔ̄n tə́, adə̄ i ngé bógə̄rō de gə̄ ō, ngé ger̄ tə́yō̰ gə̄ ō, kɔdə̄ sāā gə̄ ō. Ni un najə̄ ɔr̄ sedə́, ədadə́ na: Deē ń a tə́dá yá̰á̰ ń ndangən̄ toó ō, a ɔjəm̄ kumən ō anī a o̰ō̰ kūbə̄ kə́ majə ngá̰ý ō, a o̰ō̰ məde lɔ́r kɔ́ɔn tə́ ō, a tél nge ko̰o̰ ɓē kə́ dan ngé ko̰o̰ ɓē kə́ bo gə̄ tə́ kem ɓē ko̰o̰ yāḿ tə́ ō.

DANIEL 5:8

Ngé kum kedə̄ gə̄ malang ń a rāān̄ kəla yā mban̄g ní reēn̄, banī nin̄ asən̄ tə́dá yá̰á̰ ń ndangən̄ ní aĺ ō, asən̄ kɔjə mban̄g kum aĺ ō.

PĀ GƏ̄ 37:35

M-á̰a̰ nge kem ndul loo kəndā tɔ́gən dɔ de gə̄ tə́ ō, loo jā̰ā̰ bɔ̄gə̄n tə́ tītə̄ kāgə̄ kə́ sitə majə tə́ ō.

EJEKIEL 31:3

Ī-to i tītə̄ kāgə̄ sedər kə́ Liban ń ta jīn kə́ tɔ̄ɔ̄ gə̄ majən̄ ngá̰ý ō, ndílən utə̄ dɔ yá̰a̰ malang ō ní. Ni ngāl̄ ngá̰ý kum kə̄ dɔɔ́ adə̄ dɔn ɔdə kil̄ man̄ gə̄.