DANIEL 4:34 - Bibəl ta Sar̄

³⁴ Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

Bible sar

³⁴ Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

DANIEL 4:34 Referans Kwoze

JEJU TEĒ KUM JA̰A̰ 4:10

kum kɔɔ̄ kə́ kutə jōó gidə i sɔ́ gə̄ əsōn̄ kə̄ nang tə́ no nge ń ndi dɔ kōr̄ kāgə̄ mbang tə́ ní, nin̄-rɔȳn̄ nge ń ndi kə kumneé kə dɔ ɓāl̄ gə̄ ɓāl̄ gə̄ ní ō, nin̄-ɓōkə́n̄ jākā mbang yādə́ gə̄ nang tə́ no kōr̄ kāgə̄ mbang tə́ ō ba ədan̄ na:

DANIEL 12:7

De kə́ nge kūbə̄ lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

PĀ GƏ̄ 145:13

Ko̰o̰ ɓē yāí i ko̰o̰ ɓē kə́ to ngándáńg ō, ā ī-ndi dɔ de gə̄ tə́ i kə dɔ ɓāl̄ gə̄ malang ō. Nə́ɓā i nge kəda najə̄ kə́ rɔ̄kum. Ni i de ké nge ra dɔ ndūn tə́ tū yá̰a̰ rāān gə̄ tə́ malang.

DANIEL 6:26

Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!

DANIEL 4:32

De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

Najə̄ kə́ Majə yā Jeju ń Luk ndang ní 1:33

Ni a o̰o̰ ɓē dɔ gír kojə yā Jakob tə́ ngándáńg ō, gír ko̰o̰ ɓē yān dan a gān̄g aĺ ō.

DANIEL 5:21

tə̄ɓānən̄ kɔ̄ɔ́ dan de gə̄ tə́ ō, kemən tél to tītə̄ kem dā̰ gə̄ ō, ndi i dan kərō kə́ bembeé gə̄ tə́ ō, a əsa i mu tītə̄ yā man̄g gə̄ ō, tal kə́ dɔ rā̰ tə́ əhɔ dā̰ rɔ̄n tə́ ō, bátə́ ugə̄ ndɔ̄ ń ni gerə̄ń kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ko̰o̰ ɓē yā de gə̄ tə́ ō, ni i nge kadə̄ deē ń kemən ndigə ní ko̰o̰ ɓē ō ní.

DANIEL 4:26

Tām̄ ɓāl̄ kógə̄ḿ gō tə́ ní, mban̄g a njə̄rā dɔ kújə mbang kə́ Babilon tə́ anī,

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

MISE 4:7

Ngé gə̄ ń əngen̄ do ní, m-ā m̄-rāādə́ kadə̄ a télən̄ i gír de gə̄ kə́ a ndin̄ kə kumdə́. A̰á̰ā̰, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-rāādə́ kadə̄ a télən̄ i nápar de gə̄ kə́ tɔ́gə́də́ i ngá̰ý. Loo ń noō tə́ mā Kɔ́ɔ̄ɓē m-ā m̄-tél i mban̄g yādə́, dɔ mbal̄ bo kə́ Siyo̰ tə́, i kum mbang ngeé ń noō tə́ ō, i kə́ njɔ́ḿ gə̄ tə́ ō.

DANIEL 4:3

Adə̄ m-ə́da kadə̄ reēn̄ kə ngé kum kedə̄ gə̄ malang kə́ Babilon rɔ̄ḿ tə́ kadə̄ ɔjəmə̄n̄ kum nī ní.

NŌŌ RƆ̄ 3:38

Yá̰á̰ kə tōr̄ gə̄ ō, yá̰á̰ kə́ majə gə̄ ō ní, teēn̄ i ta Nə́ɓā kə́ dɔɔ́ sa̰y ngá̰ý tə́ ní a?

IJAI 24:15

Ɔ́siī gɔn Kɔ́ɔ̄ɓē, gō nang kə́ gír ɓē tə́, ə̄nīī pā rīn dɔ dor̄ loo gə̄ kə́ kum bā bo tə́ tə́ ō, ə̄nīī pā rī Kɔ́ɔ̄ɓē, Nə́ɓā yā Israel!

PĀ GƏ̄ 146:10

Kɔ́ɔ̄ɓē a o̰o̰ ɓē ngándáńg. Ḭ̄ Siyo̰, ni i Nə́ɓā yāí kə dɔ ɓāl̄ gə̄! Aleluya!

PĀ GƏ̄ 123:1

Pā kə́ yā kaw̄ń loo kə́ táĺ tə́. Kɔ́ɔ̄ɓē, ḭ̄ ń kōr̄ kāgə̄ mbang yāí ndi dɔ rā̰ tə́ ní, m-ə̄nī kumḿ kə̄ dɔɔ́ m-á̰a̰ń loo kə̄ rɔ̄í tə́.

PĀ GƏ̄ 121:1

Pā kə́ yā kaw̄ń kə̄ loo kə́ táĺ tə́. M-ún kumḿ kə̄ dɔɔ́! m̄-gó̰ō̰ loo kə̄ dɔ mbal̄ gə̄ tə́! M-á̰a̰ā̰ ké deē a ḭḭ i rá n a reē yā dḭḭ̄m̄ ní wa?

PĀ GƏ̄ 107:31

Ādə̄ ɔsən̄ gɔn Kɔ́ɔ̄ɓē tām̄ kem majə yān tə́ ō, najə̄ yá̰á̰ kə́ yáā gə̄ ń ni-rāā tām̄ yā deē ndul gə̄ tə́ ní ō.

PĀ GƏ̄ 102:24

Ni-ɔr̄ tɔ́gə́ḿ dɔ ngɔ̄də̄ tə́, ni-gān̄g ta ndɔ̄ḿ dɔɔ́.

PĀ GƏ̄ 92:1

Pā. I pā kə́ ndɔ̄ sabat tə́.

PĀ GƏ̄ 10:16

Kɔ́ɔ̄ɓē i mban̄g ngándáńg, nápar de kə́ rang gə̄ a gətóon̄ kɔ̄ɔ́ kem ɓē yān tə́.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

1 TIMOTE 1:17

Mban̄g kə́ nge ndi kə dɔ ɓāl̄ gə̄ ɓāl̄ gə̄ ń i Nə́ɓā kə́ a oy aĺ ō, kum deē a̰a̰n aĺ ō, ni i kal kógə̄ḿ beē ō ní, ādə̄ de gə̄ rɔȳnən̄ ō, ɔsən̄ gɔnən ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō!

JA̰A̰ 5:26

Tɔdɔ̄ tītə̄ ń Bɔbə̄ Ngōn̄ i kɔ́ɔ̄ ndi kə kumuú ní, tītə̄ ń toō ni-adə̄ Ngōn̄ kadə̄ ni i kɔ́ɔ̄ ndi kə kumuú ō.

Najə̄ kə́ Majə yā Jeju ń Luk ndang ní 18:13

Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

PĀ GƏ̄ 107:22

Ādə̄ ndējə̄n̄ Nə́ɓā yá̰a̰ tun̄ gə̄ kə́ yā ɓōkə́nneé tɔ̄ȳ ō, ənīn̄ gotə kəla rāān gə̄ kə kɔŕ rɔ̄nelēé ō.

PĀ GƏ̄ 107:15

Ādə̄ nin̄ ɔsən̄ gɔn Kɔ́ɔ̄ɓē tām̄ kem majə yān tə́ ō, najə̄ yá̰á̰ kə́ yáā gə̄ ń ni-rāā tām̄ yā deē ndul gə̄ tə́ ní ō.

PĀ GƏ̄ 107:8

Ādə̄ nin̄ ɔsən̄ gɔn Kɔ́ɔ̄ɓē tām̄ kem majə yān tə́ ō, najə̄ yá̰á̰ kə́ yáā gə̄ ń ni-rāā tām̄ yā deē ndul gə̄ tə́ ní ō.

PĀ GƏ̄ 50:14

Ādə̄ yá̰a̰ tun̄ yāí kə́ ndējə̄ i ɓōkə́ Nə́ɓā tɔ̄ȳ ō, ī-rāā yá̰a̰ gə̄ ń ə̄nī ndūí yā rāā kadə̄ Nə́ɓā kə́ dɔɔ́ sa̰y ngá̰ý ní ō.

PĀ GƏ̄ 9:2

Kɔ́ɔ̄ɓē, m̄-ndigə ɓōkíī tɔ̄ȳ kə ngarā̰ kemḿ gēé malang ō, m̄-ndigə kənī gotə yá̰a̰ malang kə́ majə ngá̰ý gə̄ ń ī-rāā ní ō.

PĀ GƏ̄ 7:17

Yá̰á̰ kə́ majaĺ ń sāā rāā ní tetə ənda i dɔn nəkɔ́. Yá̰á̰ ń ni sāā rāā kə dɔ́nɔ́ ní tél əsō i kār̄ dɔn nəkɔ́ tə́.

Makətūbə̄ yā Job 1:21

ba əda na: m̄-teē kem kó̰ó̰ḿ tə́ i rɔ̄ḿ karī ō, m-ā m̄-tél yā kaw̄ gíŕ nángāá i rɔ̄ḿ karī ō. Kɔ́ɔ̄ɓē adə̄ ō, Kɔ́ɔ̄ɓē taā kɔ̄ɔ́ ō. Ādə̄ de gə̄ tɔ̄ȳn̄ rī Kɔ́ɔ̄ɓē.

JEJU TEĒ KUM JA̰A̰ 10:6

ba túbə̄ kə nge ń ndi kə kumneé kə dɔ ɓāl̄ gə̄ ɓāl̄ gə̄ ō, rāā dɔ rā̰ kə yá̰a̰ kə́ tū tə́ gə̄ ō, dɔ nang kə yá̰a̰ kə́ tū tə́ gə̄ ō, bā bo kə yá̰á̰ kə́ tū tə́ gə̄ ō ní, əda na: Kum mbang kə́ rang kə́ yā kəya̰ kadə̄ mān̄ to̰ gətóo.

JEJU TEĒ KUM JA̰A̰ 4:9

Kə dɔ kɔsə ń yá̰á̰ kə́ kə kumuú kə́ sɔ́ gə̄ ní a ɔsənə̄ń gɔn nge ń ndi dɔ kōr̄ kāgə̄ mbang tə́, adə̄ i nge ń ndi kə kumneé kə dɔ ɓāl̄ gə̄ ɓāl̄ gə̄ ní ō, kə dɔ rɔȳ ń nin̄ a rɔȳnən̄ ō, a ndadə̄ adə̄nən̄ ō ní,

DANIEL 4:2

Ndɔ̄ kə́rēý tə́ m̄-to dɔ tə̄rá yāḿ tə́ ndɔ̄ɔ́ anī nī kógə̄ḿ rāām̄, adə̄ m̄-gír̄ najə̄ ngá̰ý, tɔdɔ̄ yá̰á̰ ń m-á̰a̰ā̰ ní to ɓōĺ ngá̰ý.

DANIEL 5:18

Kété ní Nə́ɓā kə́ dɔɔ́ sa̰y ngá̰ý rāā adə̄ bɔbí Nabukodonosor ndi mban̄g kə́ bo ō, adə̄n kɔsə gɔn ō, hál de kə́ bo ō.

DANIEL 7:27

Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

JONAS 1:14

Nin̄-ndɔ̄ȳn̄ Kɔ́ɔ̄ɓē ədan̄ na: Ɓɔ́ Kɔ́ɔ̄ɓē, ī-lōō rāājí kadə̄ j-oy najə̄ yā deē ń toō tə́! Tá de kə́ najə̄ gətóo dɔn tə́ ní, ī-lōō kəndā najə̄ yon dɔjí tə́ ō. Tɔdɔ̄ i ḭ̄ Kɔ́ɔ̄ɓē n ī-rāā yá̰á̰ ń kemií ndigə ní.

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

2 SAMUEL 22:31

Róbə yā Nə́ɓā i róbə́ kə́ majə ɔtə̄ ta. Najə̄ yā Kɔ́ɔ̄ɓē rāā yá̰á̰ kə́ ɔjə kadə̄ i najə̄ kə́ rɔ̄kum. Kɔ́ɔ̄ɓē i der yā de gə̄ malang ń a nam̄nən̄ ní.

1 YÁ̰A̰ GƏ̄ 29:10

Dabid tɔ̄ȳ Kɔ́ɔ̄ɓē ta kum ngé kán̄ naā gə̄ tə́ malang əda na: Kɔ́ɔ̄ɓē, Nə́ɓā yā kaaḿ Israel, ādə̄ de gə̄ ɓōkə́nī tɔ̄ȳ kə kum mbang gə̄ malang.

1 YÁ̰A̰ GƏ̄ 29:13

Nə́ɓā yājí, i tām̄ najə̄ ń noō tə́ n j-ɔsəń gɔnií ō, jə-tɔ̄yń rīí kə́ majə ngá̰ý ō ní.

PĀ GƏ̄ 66:7

Ni-o̰o̰ ɓē kə tɔ́gəneé ngándáńg ō, əndā kumən gō gíŕ nápar de gə̄ tə́ ō. Ādə̄ ngé mbātə́ najə̄ gə̄ ɔsən̄ rɔ̄də́ kə̄ dɔɔ́ alé!

PĀ GƏ̄ 111:7

Yá̰a̰ gə̄ ń ni rāādə́ kə jīneé ní, i yá̰á̰ kə́ rɔ̄kum gə̄ ō kə́ gōtə́ gə̄ ō. Yá̰a̰ malang ń ra kə de gēé ta rāā ní i yá̰á̰ kə́ rɔ̄kum gə̄.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

IJAI 13:11

Kɔ́ɔ̄ɓē əda na: M-ā m-ə́nda de kə́ dɔ nang tə́ gə̄ najə̄ kem ndul yādə́ tə́ ō, m-ā m-ə́ndá ngé kem ndul gə̄ najə̄ tɔ̄l̄ ń nin̄ tɔ̄lə̄n̄ de gə̄ tə́ ní ō. M-ā m̄-rāā kadə̄ kídə̄ loo yā ngé kɔjə rɔ̄ gə̄ gətóo kɔ̄ɔ́. Ngé gə̄ ń ko̰o̰ ɓē i jīdə́ nin̄ kɔ́ gə̄ tə́ ngóý ní, m-ā m̄-rāā kadə̄ kɔjə rɔ̄ yādə́ tél kə̄ nang tə́.

DANIEL 9:14

I tām̄ najə̄ ń noō tə́ n ī-reē kə yá̰á̰ kə́ to kum kaȳ aĺ gə̄ ń toō dɔjí tə́ ba ə́ya̰ aĺ ní. Tɔdɔ̄ Kɔ́ɔ̄ɓē Nə́ɓā yājí i de kə́ sew tū yá̰a̰ rāān gə̄ tə́ malang, banī j-oō tan alé.