DANIEL 4:33 - Bibəl ta Sar̄

³³ Kə̄ ta jī tə́ noō kemḿ tél ger̄ najə̄ gogə́ ō, yā kɔsən gɔn ko̰o̰ ɓē yāḿ ní hálə́ḿ kə́ loo de kə́ bo tə́ tél reē gogə́ ō, m̄-tél m̄-majə deē gogə́ ō. Ngé kadə̄m̄ kɔjə gə̄ ō, de kə́ bo yāḿ gə̄ ō, nāgə́n̄ láẃ reē sāān̄ njaḿ. Tél əndāmə̄n̄ nge ko̰o̰ ɓē tə́ gogə́ ō, rɔȳmə̄n̄ tɔȳ kə́ kété ō.

Bible sar

³³ Kə̄ ta jī tə́ noō kemḿ tél ger̄ najə̄ gogə́ ō, yā kɔsən gɔn ko̰o̰ ɓē yāḿ ní hálə́ḿ kə́ loo de kə́ bo tə́ tél reē gogə́ ō, m̄-tél m̄-majə deē gogə́ ō. Ngé kadə̄m̄ kɔjə gə̄ ō, de kə́ bo yāḿ gə̄ ō, nāgə́n̄ láẃ reē sāān̄ njaḿ. Tél əndāmə̄n̄ nge ko̰o̰ ɓē tə́ gogə́ ō, rɔȳmə̄n̄ tɔȳ kə́ kété ō.

DANIEL 4:33 Referans Kwoze

DANIEL 4:32

De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

DANIEL 4:25

Yá̰a̰ gə̄ ń noō rāān̄ mban̄g Nabukodonosor malang.

DANIEL 5:21

tə̄ɓānən̄ kɔ̄ɔ́ dan de gə̄ tə́ ō, kemən tél to tītə̄ kem dā̰ gə̄ ō, ndi i dan kərō kə́ bembeé gə̄ tə́ ō, a əsa i mu tītə̄ yā man̄g gə̄ ō, tal kə́ dɔ rā̰ tə́ əhɔ dā̰ rɔ̄n tə́ ō, bátə́ ugə̄ ndɔ̄ ń ni gerə̄ń kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ko̰o̰ ɓē yā de gə̄ tə́ ō, ni i nge kadə̄ deē ń kemən ndigə ní ko̰o̰ ɓē ō ní.

DANIEL 5:5

Kə̄ ta jī tə́ noō jī deē teē hɔy, ngɔr kə̄ kadə kāgə̄ hor tə́ ba ndang yá̰a̰ kadə bɔr kújə yā mban̄g ń rāān̄ ho̰ rō̰ kə́ ndaa tū tə́ ní tə́. Dan ń mban̄g a̰a̰ jī deē ń a ndang yá̰á̰ ní anī

IJAI 30:14

Ndogə̄ mbal̄ ní a əsō tétə̄ ká káḿ kadə̄ gajən gə̄ a dūún̄ tītə̄ bay kə́ laa yā kɔdə̄ jóo beé. Deē a əndā kemən dɔ tə́ to̰ alé, deē a ənge gájən kə́ tə́sō sḛ́ý yā kunəń hor aĺ ō, yā kɔdəń man̄ kə́ tə́gā aĺ ō.

1 TESALONIK 5:2

tɔdɔ̄ sḭḭ̄ kɔ́ gə̄ ī-gerī majə kadə̄ ndɔ̄ ń Kɔ́ɔ̄ɓē a reēń tə́ ní, a to i tītə̄ nge ɓogə kə́ a reē dan ndɔ̄ɔ́ beē.