DANIEL 4:31 - Bibəl ta Sar̄

³¹ Nabukodonosor əda na: Dan ń gír ɓāl̄ sīrí gə̄ gān̄g ní, mā Nabukodonosor m-ə̄nī kumḿ kə̄ dɔ rā̰ tə́ anī, kemḿ ger̄ najə̄ gogə́. m̄-rāā Nə́ɓā kə́ dɔɔ́ sa̰y ngá̰ý kə́ra. m̄-tɔ̄ȳ nge ndi kə kumneé ngándáńg ō, m-ɔ́sə gɔnən ō. Tām̄ tɔ́gə ko̰o̰ ɓē yān i tɔ́gə́ kə́ a to ngándáńg ō, ko̰o̰ ɓē yān a to ngándáńg ō,

Bible sar

³¹ Nabukodonosor əda na: Dan ń gír ɓāl̄ sīrí gə̄ gān̄g ní, mā Nabukodonosor m-ə̄nī kumḿ kə̄ dɔ rā̰ tə́ anī, kemḿ ger̄ najə̄ gogə́. m̄-rāā Nə́ɓā kə́ dɔɔ́ sa̰y ngá̰ý kə́ra. m̄-tɔ̄ȳ nge ndi kə kumneé ngándáńg ō, m-ɔ́sə gɔnən ō. Tām̄ tɔ́gə ko̰o̰ ɓē yān i tɔ́gə́ kə́ a to ngándáńg ō, ko̰o̰ ɓē yān a to ngándáńg ō,

DANIEL 4:31 Referans Kwoze

JEJU TEĒ KUM JA̰A̰ 16:7

Anī m-oō ndū deē kógə̄ḿ ɔr̄ najə̄ dām̄ loo ń loo tun̄ yá̰a̰ i tū tə́ ní, əda na: A̰á̰ā̰ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, najə̄ ń ī-gāngəń sarya ní i najə̄ kə́ rɔ̄kum ō, sarya gāngīí i gōtə́ ō.

Najə̄ kə́ Majə yā Jeju ń Luk ndang ní 12:20

Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

JA̰A̰ 12:28

Bɔbə́ḿ, ɔ́sə gɔn rīí! Anī ndū Nə́ɓā ɓār̄ dɔ rā̰ tə́, əda na: M-ɔ́sə gɔn rīḿ kɔ̄ɔ́ ɓá, ba m-ā m-ɔ́sə gɔnən ɓáý to̰.

DANIEL 5:28

Peres ní kumən na gāngə̄n̄ naā tə́, adə̄ gāngə̄n̄ ko̰o̰ ɓē yāí naā tə́ yā kadə̄ Medə gə̄ núsən kógə̄ḿ ō, yā kadə̄ Persə gə̄ núsən kə́rēý ō.

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

DANIEL 4:24

Tām̄ najə̄ ń noō tə́ ní, kɔ́ɔ̄ ɓē gə̄, majə kadə̄ ī-ndigə kɔjə yāḿ! Ə̄gā kə̄rā yá̰á̰ kə́ majaĺ gə̄ ń ī-rāā ní kə ta kūl̄ rāā yá̰á̰ kə́ gōtə́ gə̄ ō, ə̄ga kə̄rā najə̄ ń əhɔī ní kə ta kūl̄ ka̰a̰ kum tō ndoō yā ngé ndoō gēé ō. Ré ī-rāā tītə̄ ń noō ɓáa majə a kum mbang ndi majə yāí a to kum kə̄ kété.

Makətūbə̄ yā Job 20:23

Dan ń ndi a kán̄ yá̰a̰ kə̄ kemən tə́ kadə̄ rosə kemən anī, Nə́ɓā a bə̄gā wōn̄g yān dɔn tə́. Wōn̄g ní a edə kə́ man̄ tə́ dɔn tə́ kum gotə yá̰a̰ kəsa.

1 SAMUEL 15:23

Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

1 SAMUEL 13:14

Ba ń toō ní ā ó̰o̰ ɓē kadə̄ dan aw̄ sa̰y to̰ alé. Kɔ́ɔ̄ɓē gə̄rā deē ń kemən nəkɔ́ ndigə ní kɔ̄ɔ́ ɓá ō, ɔjə dɔn kadə̄ i ni n i ngār yā deē yān gə̄ ní ɓá ō. Tɔdɔ̄ ī-rāā yá̰á̰ ń ədaī kadə̄ ī-rāā ní alé.

Gōsə̄ najə̄ gə̄ 29:23

Kɔjə rɔ̄ yā deē a əla rɔ̄sɔl̄ dɔn tə́, banī deē ń kɔjə rɔ̄ gətóo kemən tə́ ní a rɔȳnən̄.

IJAI 14:27

Dan ń Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ ní, i náā n asə kəhɔn dɔ tə́ ní? Dan ń ni un jīn kə́ ɓir̄ əla kə̄ dɔɔ́ ní, i náā n asə tūr̄ jīn ní kum kə̄ loo kə́ rang tə́ ní?

DANIEL 4:26

Tām̄ ɓāl̄ kógə̄ḿ gō tə́ ní, mban̄g a njə̄rā dɔ kújə mbang kə́ Babilon tə́ anī,

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

DANIEL 4:32

De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

DANIEL 5:20

Ba dan ń ɔjə rɔ̄n ō, gán̄g rɔ̄n ō anī, mbərenən̄ kɔ̄ɔ́ dɔ kōr̄ kāgə̄ mban̄g yān tə́ ō, ɔsən̄ gɔnən to̰ aĺ ō.

TA KƏLA 14:18

Mban̄g kə́ Salem ń rīn na i Melkisedek ní adə̄ reēn̄ kə mápa ō, kasə nduú ō. Ni i nge tun̄ yá̰a̰ yā Nə́ɓā kə́ dɔɔ́.

PĀ GƏ̄ 145:13

Ko̰o̰ ɓē yāí i ko̰o̰ ɓē kə́ to ngándáńg ō, ā ī-ndi dɔ de gə̄ tə́ i kə dɔ ɓāl̄ gə̄ malang ō. Nə́ɓā i nge kəda najə̄ kə́ rɔ̄kum. Ni i de ké nge ra dɔ ndūn tə́ tū yá̰a̰ rāān gə̄ tə́ malang.

DANIEL 6:27

M-ə́da de gə̄ kadə̄ rāān̄ yá̰á̰ ń toō gō nang malang kə́ kem ɓē ko̰o̰ yāḿ tə́: Ādə̄ de gə̄ ɓōlə́n̄ ndíĺ Nə́ɓā yā Daniel. Tɔdɔ̄ i ni n i Nə́ɓā kə́ ndi kə kumneé ō, i Nə́ɓā kə́ a ndi ngándáńg ō ní. Ko̰o̰ ɓē yān dan a gān̄g alé, ni a o̰o̰ ɓē bátə́ yā tɔ̄l̄ ta.

DANIEL 12:7

De kə́ nge kūbə̄ lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.