DANIEL 4:21 - Bibəl ta Sar̄

²¹ Kɔ́ɔ̄ ɓē gə̄, kum nī ní n noó kə gō yá̰á̰ ń Nə́ɓā kə́ dɔɔ́ sa̰y ngá̰ý gḛy rāā seí ní.

Bible sar

²¹ Kɔ́ɔ̄ ɓē gə̄, kum nī ní n noó kə gō yá̰á̰ ń Nə́ɓā kə́ dɔɔ́ sa̰y ngá̰ý gḛy rāā seí ní.

DANIEL 4:21 Referans Kwoze

EJEKIEL 31:6

Yel̄ gə̄ malang a rāān̄ ɓēdə́ i ta jīn gə̄ tə́ ō, dā̰ kə́ bembeé gə̄ malang ojən̄ ngáńdə́ gə̄ i gír ta jīn kə́ dūú gə̄ tə́ ō, gír de gə̄ ngá̰ý a ndin̄ i ndílən tə́ ō.

DANIEL 2:38

Loo kə́ rá nəkɔ́ ń de gə̄ ō dā̰ gə̄ ō yel̄ gə̄ ō ndin̄ tū tə́ ní ni-əla dɔdə́ gír tɔ́gə yāí tə́. Nin̄ malang ní ni əndāī dɔdə́ tə́. Adə̄ dɔn kə́ rāā kə lɔ́rɔ́ ní i ḭ̄.

DANIEL 4:11

Ni-əda kə́ tɔ́gɔ́ na: Ī-tə́gāī kāgə̄ ń toō kɔ̄ɔ́ ō, ī-tɔ́rī ta jīn gə̄ kɔ̄ɔ́ ō! Ī-túyiī mbīn gə̄ ō, ī-tə̄ndāī kanə̄n gə̄ ī-tḭ̄ḭ̄ kə̄ loo gə̄ tə́ ō! Ādə̄ dā̰ gə̄ a̰ȳn̄ naā gírən tə́ kɔ̄ɔ́ ō, ādə̄ yel̄ gə̄ a̰ȳn̄ naā kɔ̄ɔ́ ta jīn gə̄ tə́ ō!

DANIEL 4:20

Gō tə́ anī á̰a̰ de kə́ dɔ rā̰ tə́ kógə̄ḿ ḭḭ dɔ rā̰ tə́ jə̄ngā ba əda na: Ī-tə́gāī kāgə̄ ń toō kɔ̄ɔ́ ō, ī-nujiī seneé kɔ̄ɔ́ ō! Banī ə́ya̰ī gír gisən ādə̄ ra nang tə́ kə ngəran gēé kem mu gə̄ kə́ bembeé tə́. Ba ī-tó̰ō̰ niī kə súĺ kə́ rāā kə gində̄ kə́ karīí ō, kə súĺ kə́ rāā kə gində̄ nə̄ngá kasaá ō. Ādə̄ tal əhɔ dɔn tə́ ō, ādə̄ ə sa yá̰a̰ kəsa dā̰ kə́ bembeé gə̄ ō, ɓāl̄ sīrí.

DANIEL 4:22

A təbānī kɔ̄ɔ́ dan de gə̄ tə́. Ā ī-ndi i dan dā̰ kə́ bembeé gə̄ tə́. Ā ə́sa i mu tītə̄ yā man̄g gə̄ ō, tal a əhɔ dɔí tə́ ō. Ā ī-ndi i tītə̄ ń noō bátə́ ɓāl̄ sīrí. ré gír ɓāl̄ kə́ sīrí gə̄ gān̄g anī, ā ī-ger̄ kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ɓē ko̰o̰ yā deē ndul gə̄ tə́ ō, ni i nge kadə̄ deē ń kemən ndigə ní ko̰o̰ ɓē ō.

PĀ GƏ̄ 104:17

Ngán yel̄ gə̄ rāān̄ ɓē i dɔdə́ gə̄ tə́ ō, kóndə́la rāā ɓē i dɔ kāgə̄ sipəres tə́ ō.

EJEKIEL 17:23

M-ā m-ə̄ndān dɔ mbal̄ kógə̄ḿ kə́ ngāl̄ dɔ nang kə́ Israel tə́. Kāgə̄ ní a tɔ̄ɔ̄ ta jīn gə̄ ō, a an̄ ō, a tél kāgə̄ sedər kə́ majə ngá̰ý ō. Gír yel̄ kə́ tayā tayā gə̄ a rāān̄ ɓēdə́ ta jīn gə̄ tə́ ō, a ɔrə̄n̄ koō ndílən tə́ ō.

Najə̄ kə́ Majə yā Jeju ń Luk ndang ní 13:19

Ni to i tītə̄ kum mutardə kə́ deē un ənda kem ndɔr̄ yān tə́. Kum mutardə ní əɓa ba tɔgə kāgə̄ adə̄ yel̄ kə́ dɔɔ́ gə̄ rāān̄ ɓēdə́ ta jīn gə̄ tə́.