DANIEL 4:2 - Bibəl ta Sar̄

² Ndɔ̄ kə́rēý tə́ m̄-to dɔ tə̄rá yāḿ tə́ ndɔ̄ɔ́ anī nī kógə̄ḿ rāām̄, adə̄ m̄-gír̄ najə̄ ngá̰ý, tɔdɔ̄ yá̰á̰ ń m-á̰a̰ā̰ ní to ɓōĺ ngá̰ý.

Bible sar

² Ndɔ̄ kə́rēý tə́ m̄-to dɔ tə̄rá yāḿ tə́ ndɔ̄ɔ́ anī nī kógə̄ḿ rāām̄, adə̄ m̄-gír̄ najə̄ ngá̰ý, tɔdɔ̄ yá̰á̰ ń m-á̰a̰ā̰ ní to ɓōĺ ngá̰ý.

DANIEL 4:2 Referans Kwoze

DANIEL 3:26

Nabukodonosor ndɔ́tə̄ kə̄ ta loo ń hor kə́ təngā ngá̰ý i tū tə́ ní tə́, ba un najə̄ ɔr̄, əda na: Sadərak ō Mesak ō Abed Nego ō, ngé kəla gə̄ yā Nə́ɓā kə́ dɔɔ́ sa̰y ngá̰ý, ī-teēī kə̄ laā! Anī nin̄ mətá mbak teēn̄ kum hor tə́.

PĀ GƏ̄ 66:16

Sḭḭ̄ ngé ɓōĺ ndíĺ Nə́ɓā gə̄ malang ī-reēī ōōī, m-ā m-ə̄nīsí gotə yá̰á̰ ń ní rāā tām̄ yāḿ tə́ ní.

PĀ GƏ̄ 71:18

Ngɔlaā ń dɔḿ ndaa toō ní, Nə́ɓā, ī-lōō kəya̰m̄ kɔ̄ɔ́. Loo ń noō tə́ m-ā m-ásə kɔjə balsáa gə̄ ō, ngé gə̄ ń a utə̄n̄ gōdə́ ní ō, kəla rāāí gə̄ ō tɔ́gí ō.

PĀ GƏ̄ 51:14

Ī-tél kə rɔ̄nel̄ kajə ń ájəm̄ ní ādə̄m̄ gogə́ ō, Ādə̄ ndíl kem ndaa əhɔm̄ kə̄ dɔɔ́ ō.

JOJUE 7:19

Jojue əda Akan na: Ngōnə̄ḿ, ɔ́sə gɔn Kɔ́ɔ̄ɓē yā Israel ō, ī-ɓōkə́n tɔ̄ȳ ō, ɔ́jəm̄ yá̰á̰ ń ī-rāā ní ba ī-lōō munə̄m̄ yá̰á̰ kógə̄ḿ.

JA̰A̰ 4:48

Jeju əda na: Ré sḭḭ̄ á̰a̰ī yá̰á̰ kə́ to kɔr kum gə̄ ō, yá̰á̰ kə́ yáā gə̄ ō aĺ anī, ā ī-taāī kem aĺ bátə́ tā!

DANIEL 4:17

Kāgə̄ ń á̰a̰ā̰ á tɔgə ō ngan̄g ō, ngāl̄ ugə̄ no rā̰ tə́ ō deē ra i rá dɔ nang tə́ gə̄gē a a̰a̰ ō,

DANIEL 4:24

Tām̄ najə̄ ń noō tə́ ní, kɔ́ɔ̄ ɓē gə̄, majə kadə̄ ī-ndigə kɔjə yāḿ! Ə̄gā kə̄rā yá̰á̰ kə́ majaĺ gə̄ ń ī-rāā ní kə ta kūl̄ rāā yá̰á̰ kə́ gōtə́ gə̄ ō, ə̄ga kə̄rā najə̄ ń əhɔī ní kə ta kūl̄ ka̰a̰ kum tō ndoō yā ngé ndoō gēé ō. Ré ī-rāā tītə̄ ń noō ɓáa majə a kum mbang ndi majə yāí a to kum kə̄ kété.

DANIEL 4:25

Yá̰a̰ gə̄ ń noō rāān̄ mban̄g Nabukodonosor malang.

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

DANIEL 5:18

Kété ní Nə́ɓā kə́ dɔɔ́ sa̰y ngá̰ý rāā adə̄ bɔbí Nabukodonosor ndi mban̄g kə́ bo ō, adə̄n kɔsə gɔn ō, hál de kə́ bo ō.

DANIEL 6:27

M-ə́da de gə̄ kadə̄ rāān̄ yá̰á̰ ń toō gō nang malang kə́ kem ɓē ko̰o̰ yāḿ tə́: Ādə̄ de gə̄ ɓōlə́n̄ ndíĺ Nə́ɓā yā Daniel. Tɔdɔ̄ i ni n i Nə́ɓā kə́ ndi kə kumneé ō, i Nə́ɓā kə́ a ndi ngándáńg ō ní. Ko̰o̰ ɓē yān dan a gān̄g alé, ni a o̰o̰ ɓē bátə́ yā tɔ̄l̄ ta.

DANIEL 7:25

Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, ndū najə̄ ō. A əlan̄ de kə́ táĺ gə̄ kem jīn tə́ bátə́ ɓāl̄ mətá kə nāā mehḛ́.

Makətūbə̄ yā Job 7:14

anī ḭ̄ ə́la ɓōĺ kə́ ngá̰ý kemḿ tə́ kə ta kūl̄ nī kə́ majaĺ ngá̰ý gēé ō, yá̰á̰ ń ɔ́jəm̄ ādə̄ m-á̰a̰ā̰ ní rāām̄ kə ɓōló ō.

PĀ GƏ̄ 65:9

Yá̰a̰ gə̄ ń ī-rāā yā kɔjəń de gə̄ kum yá̰a̰ ní, ɔr kum de kə́ ta ngóy dɔ nang tə́ gə̄. Ḭ̄ ī-rāā ādə̄ loo kə́ gír ɓē tə́ ō, kə́ no ɓē tə́ ō, urən̄ kɔĺ rɔ̄nel̄.

DANIEL 2:1

Nī kógə̄ḿ rāā mban̄g Nabukodonosor kem ɓāl̄ ko̰o̰ ɓē yān kə́ nge ko̰ jōó tə́. Nī ní rāā adə̄ ɓōĺ rāān ō, ɓīī ra n to̰ aĺ ō.