DANIEL 4:16 - Bibəl ta Sar̄

¹⁶ Loo ń noō tə́ ɓōĺ rāā Daniel ń a ɓāŕnən̄ na i Beltasar ní ngá̰ý asə kum mban̄g kógə̄ḿ ō, gír̄ najə̄ yān gə̄ kə́ kemən tə́ rāānən̄ adə̄ sōl̄ ō. Mban̄g un najə̄ ɔr̄, əda na: Beltasar, ī-lōō sōl̄ najə̄ yā nī ní tə́ ō, najə̄ yā kumən tə́ ō! Beltasar dalən əda: Kɔ́ɔ̄ ɓē gə̄, ādə̄ nī ní i tām̄ yā madə̄ ba̰ā̰í gə̄ tə́ ō, ādə̄ kumən i tām̄ yā ngé rɔ̄ɔ̄í gə̄ tə́ ō.

Bible sar

¹⁶ Loo ń noō tə́ ɓōĺ rāā Daniel ń a ɓāŕnən̄ na i Beltasar ní ngá̰ý asə kum mban̄g kógə̄ḿ ō, gír̄ najə̄ yān gə̄ kə́ kemən tə́ rāānən̄ adə̄ sōl̄ ō. Mban̄g un najə̄ ɔr̄, əda na: Beltasar, ī-lōō sōl̄ najə̄ yā nī ní tə́ ō, najə̄ yā kumən tə́ ō! Beltasar dalən əda: Kɔ́ɔ̄ ɓē gə̄, ādə̄ nī ní i tām̄ yā madə̄ ba̰ā̰í gə̄ tə́ ō, ādə̄ kumən i tām̄ yā ngé rɔ̄ɔ̄í gə̄ tə́ ō.

DANIEL 4:16 Referans Kwoze

DANIEL 4:23

Gō tə́ anī ədan̄ najə̄ yā kəya̰ gír gisə kāgə̄ ní kadə̄ ra nang tə́ kə ngəran gēé. Kumən n toó: A télən̄ kə ko̰o̰ ɓēé yā kadī gogə́ kum mbang ń ā ī-gerə̄ń kadə̄ Nə́ɓā kə́ dɔɔ́ i kɔ́ɔ̄ yá̰a̰ gə̄ ní.

JEJU TEĒ KUM JA̰A̰ 12:14

Banī adə̄n̄ dəyá̰ ní bɔ̄gə̄ kə̄rō kə́ bo ngá̰ý gə̄ jōó, kadə̄ ḭḭń bɔ̄gə̄ ta kaw̄ kə̄ mángá, loo ń rāān̄ tām̄ yān tə́ ní, yā kadə̄ a̰a̰n̄ gōn tū tə́ kə yá̰a̰ kəsaá ɓāl̄ mətá kə nāā mehḛ́, sa̰y kɔ̄ɔ́ ta kum lī tə́.

DANIEL 4:25

Yá̰a̰ gə̄ ń noō rāān̄ mban̄g Nabukodonosor malang.

IJAI 6:10

Ūtə̄ ta róbə kemdə́ kɔ̄ɔ́, ī-rāādə́ ādə̄ mbīdə́ oō loo aĺ ō, ādə̄ kumdə́ a̰a̰ loo aĺ ō. Ɔ̄gə̄ kumdə́ ka̰a̰ loo ō, ɔ̄gə̄ mbīdə́ koō loo ō, ɔ̄gə̄ kemdə́ ger̄ najə̄ ō, i beé tá a tūrə̄n̄ rɔ̄də́ kə̄ rɔ̄ḿ tə́ aĺ ō, a əngen̄ rɔ̄ ngáā aĺ ō.

HEBƏRO 1:11

Yá̰a̰ gə̄ ní a udən̄ kɔ̄ɔ́, ba ḭ̄ ā ī-ndi kə ndɔ̄ gə̄. Dɔ nang ō, dɔ rā̰ ō, a əsōn̄ ngísə tītə̄ yā kūbə̄ beé.

DANIEL 12:7

De kə́ nge kūbə̄ lḛ́ḛ́ ní ɔy jīn jōó mbak əla kum kə̄ dɔɔ́, ba túbə kə rī Nə́ɓā ń ndi kə kumneé ngándáńg ní adə̄ m-ōō. Ni əda na yá̰a̰ gə̄ ní na a rāān̄ yá̰a̰ na i bátə́ ɓāl̄ mətá kə núsə. Gíŕdə́ na a gān̄g na i dan ń tɔ́gə́ gír deē yā Nə́ɓā gə̄ a təgā kɔ̄ɔ́ ní.

DANIEL 11:13

Mban̄g kə́ dām̄ mbɔ́r ɓē kə́ ko̰ó̰ tə́ a tél dɔ tə́ yā kaw̄ gogə́. Banī a aw̄ yā kɔy de gə̄ ngá̰ý tɔȳ kə́ kété ɓáý yā rɔ̄ɔńsí ɓāl̄ kóndóńg wań anī a tél dɔ tə́ yā reē kə de kə́ ngá̰ý gə̄ ní ō, kə yá̰a̰ rɔ̄ɔ̄ gə̄ ngá̰ý ō.

DANIEL 7:25

Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, ndū najə̄ ō. A əlan̄ de kə́ táĺ gə̄ kem jīn tə́ bátə́ ɓāl̄ mətá kə nāā mehḛ́.

2 SAMUEL 18:32

Mban̄g dəje de kə́ Kus ní na ké ngōnən Absalom to karī wa. Anī ni-tél ədan na: Kɔ́ɔ̄ ɓē gə̄, ādə̄ yá̰á̰ ń rāā balsáá ń noō ní rāā madə̄ ba̰ā̰í gə̄ ō, rāā de gə̄ malang ń mbātíīn ba gḛyn̄ kadə̄ yá̰á̰ kə́ to kum kaȳ aĺ reē dɔí tə́ ní ō.

DANIEL 7:28

Gír najə̄ ní gān̄g i loo ń toō tə́. Mā Daniel tā anī gír̄ yāḿ gə̄ əlan̄ ɓōĺ kemḿ tə́ ngá̰ý. gír̄ gə̄ ní rāāmə̄n̄ adə̄ m̄-tetə ndaa ō, asəm̄ gír̄ yá̰a̰ dɔ tə́ aĺ ō.