DANIEL 4:14 - Bibəl ta Sar̄

¹⁴ Yá̰á̰ ní a rāā yá̰a̰ i kə ta kūl̄ yá̰á̰ kə́ yā ndang kadə̄ yā rāā yā de kə́ dɔ rā̰ tə́ gēé, yā kadə̄ ngé ndi kə kumdə́ gə̄ malang ger̄nə̄n̄neé kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ko̰o̰ ɓē yā deē ndul gə̄ tə́. I deē ń kemən ndigə kadə̄n ko̰o̰ ɓē ní n ni a adə̄n ko̰o̰ ɓē ní. Deē ń tél kə rɔ̄neé kə̄ nang tə́ tɔȳ yā de gə̄ malang ní gə̄gē, ni asə kɔsən kə̄ dɔɔ́ yā kəndān dɔ ɓē tə́.

Bible sar

¹⁴ Yá̰á̰ ní a rāā yá̰a̰ i kə ta kūl̄ yá̰á̰ kə́ yā ndang kadə̄ yā rāā yā *de kə́ dɔ rā̰ tə́ gēé, yā kadə̄ ngé ndi kə kumdə́ gə̄ malang ger̄nə̄n̄neé kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ko̰o̰ ɓē yā deē ndul gə̄ tə́. I deē ń kemən ndigə kadə̄n ko̰o̰ ɓē ní n ni a adə̄n ko̰o̰ ɓē ní. Deē ń tél kə rɔ̄neé kə̄ nang tə́ tɔȳ yā de gə̄ malang ní gə̄gē, ni asə kɔsən kə̄ dɔɔ́ yā kəndān dɔ ɓē tə́.

DANIEL 4:14 Referans Kwoze

MATIYE 3:10

Kə̄ngā i kə́ kəndā ngəra kāgə̄ gə̄ tə́ ɓá kɔ̄ɔ́, adə̄ kāgə̄ gə̄ malang ń a anə̄n̄ majə aĺ ní, a tə́gān̄də́ yā ɓōkə́də́ horoó kɔ̄ɔ́.

DANIEL 4:23

Gō tə́ anī ədan̄ najə̄ yā kəya̰ gír gisə kāgə̄ ní kadə̄ ra nang tə́ kə ngəran gēé. Kumən n toó: A télən̄ kə ko̰o̰ ɓēé yā kadī gogə́ kum mbang ń ā ī-gerə̄ń kadə̄ Nə́ɓā kə́ dɔɔ́ i kɔ́ɔ̄ yá̰a̰ gə̄ ní.

Najə̄ kə́ Majə yā Jeju ń Luk ndang ní 3:9

Tá á̰a̰ī, kə̄ngā i kə́ kəndā ngəra kāgə̄ tə́ ɓá kɔ̄ɔ́. Adə̄ kāgə̄ malang ń a anə̄n̄ majaĺ ní, a tə́gān̄də́ yā ɓōkə́də́ horoó kɔ̄ɔ́.

MATIYE 7:19

Kāgə̄ gə̄ malang ń anə̄n̄ majə aĺ ní, a tə́gān̄də́ yā ɓōkə́də́ horoó.

DANIEL 4:12

Banī ə́ya̰ī gír gisən ādī ra nang tə́ kə ngəran gēé kem mu gə̄ kə́ bembeé tə́. Ba ī-tó̰ō̰niī kə súĺ kə́ rāā kə gində̄ kə́ karīí ō, kə súĺ kə́ rāā kə gində̄ nə̄ngá kasaá ō. Ādə̄ tal əhɔ dɔn tə́ ō, ādə̄ əsa mu tītə̄ yā dā̰ gə̄ ō.

DANIEL 3:4

Kɔdə̄ mbēr̄ ənī mbēr̄, un ndūn kə̄ dɔɔ́ ədań na: Sḭḭ̄ gír de gə̄ malang ō, nápar de gə̄ malang ō, sḭḭ̄ ń gír ta yāsí i dáńg dáńg malang ō ní,

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

JEJU TEĒ KUM JA̰A̰ 10:3

Ni-əga kɔŕ ngá̰ý tītə̄ ɓɔl kə́ a nōō beé. Dan ń ni-əga kɔŕ anī, ndán̄g man̄ kə́ sīrí gə̄ rāān̄ ndūdə́ adə̄ ɔr̄ najə̄.

DANIEL 5:20

Ba dan ń ɔjə rɔ̄n ō, gán̄g rɔ̄n ō anī, mbərenən̄ kɔ̄ɔ́ dɔ kōr̄ kāgə̄ mban̄g yān tə́ ō, ɔsən̄ gɔnən to̰ aĺ ō.

JEREMI 51:9

Jə-nāā rāā kadə̄ do Babilon edə̄, ba dum̄ kedə̄. Ɔ́tiī tan tə́, ādə̄ náā nəkɔ́ ɓáa tél aw̄ ɓē yān tə́. Tɔdɔ̄ najə̄ yān aw̄ bátə́ ɔtə̄ dɔ rā̰ tə́ ō, ugə̄ dɔ kil̄ man̄ gə̄ tə́ ō.

JEREMI 51:6

Ī-teē ā̰yī naā kɔ̄ɔ́ Babilon, ādə̄ náā nəkɔ́ ɓáa njan adə̄n. Ré i beé aĺ anī, ā óyiī dan ń a əndanən̄neé najə̄ yá̰a̰ rāān kə́ gotə aĺ gə̄ tə́ ní. I kum mbang dal ba̰ā̰ yā Kɔ́ɔ̄ɓē. Ni əgān i kərā yá̰a̰ gə̄ ń rāā ní.

Makətūbə̄ yā Job 24:20

Dɔ dəyá̰ ń ndānən kemən tə́ ní ndígə̄nalən kɔ̄ɔ́, banī ni i yá̰a̰ kəsa kə́ nel̄ tām̄ yā kəde gə̄ tə́, əga kem deē dɔn tə́ to̰ alé. Tetən̄ yá̰a̰ rāā kə́ gōtə́ aĺ i tītə̄ loo tetə kāgə̄ beé.

EJEKIEL 31:10

Ngɔlaā ní mā Kɔ́ɔ̄ɓē Nə́ɓā m-ə́da na: Kāgə̄ sedər tɔgə, dɔn ɔdə kil̄ man̄ gə̄ ō, kɔjə rɔ̄ udə kemən tə́ ō.

JEREMI 27:5

I mā n m̄-rāā dɔ nang ō, de gə̄ ō, dā̰ gə̄ ō, kə́ tū tə́ ní. m̄-rāādə́ kə tɔ́gə́ḿ kə́ ngá̰ý, m-ɔ́jəń tɔ́gə́ḿ kə̄ ndágá ní. Deē nəkɔ́ ń kemḿ ndigə anī m-ādə̄n dɔ nang ní karī.

DANIEL 2:21

I ni n i nge tūr̄ dɔ kāgə̄ loo gə̄ ō, nge tūr̄ yá̰a̰ gə̄ ō ní. I ni n i nge kɔr̄ mban̄g gə̄ kɔ̄ɔ́ ō nge kəndā mban̄g gə̄ ō ní. I ni n i nge kadə̄ ngé kum kedə̄ gə̄ kum kedə̄ ō, ngé ger̄ kəndā ma̰ȳ yá̰a̰ gə̄ yá̰a̰ ger̄ ō ní.

DANIEL 4:29

A tə̄ɓānī kɔ̄ɔ́ dan de gə̄ tə́! Ā ī-ndi i dan dā̰ kə́ bembeé gə̄ tə́ ō, ā ə́sa i mu tītə̄ yā man̄g gə̄ ō! Ā ī-ndi tītə̄ ń noō bátə́ ɓāl̄ sīrí. Ré gír ɓāl̄ kə́ sīrí gə̄ gān̄g anī ā ī-ger̄ kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ko̰o̰ ɓē yā deē ndul gə̄ tə́ ō, ni i nge kadə̄ deē ń kemən ndigə ní ko̰o̰ ɓē ō.

DANIEL 5:21

tə̄ɓānən̄ kɔ̄ɔ́ dan de gə̄ tə́ ō, kemən tél to tītə̄ kem dā̰ gə̄ ō, ndi i dan kərō kə́ bembeé gə̄ tə́ ō, a əsa i mu tītə̄ yā man̄g gə̄ ō, tal kə́ dɔ rā̰ tə́ əhɔ dā̰ rɔ̄n tə́ ō, bátə́ ugə̄ ndɔ̄ ń ni gerə̄ń kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ko̰o̰ ɓē yā de gə̄ tə́ ō, ni i nge kadə̄ deē ń kemən ndigə ní ko̰o̰ ɓē ō ní.