DANIEL 4:1 - Bibəl ta Sar̄

¹ Kété ní mā Nabukodonosor m̄-ndi i loo yāḿ jəke kem kújə yāḿ tə́ ō, rɔ̄ḿ nelə̄m̄ ngá̰ý kem kújə mban̄g yāḿ tə́ ō.

Bible sar

¹ Kété ní mā Nabukodonosor m̄-ndi i loo yāḿ jəke kem kújə yāḿ tə́ ō, rɔ̄ḿ nelə̄m̄ ngá̰ý kem kújə mban̄g yāḿ tə́ ō.

DANIEL 4:1 Referans Kwoze

DANIEL 6:25

De gə̄ ń sekə́n̄ Daniel ní, mban̄g əda kadə̄ reēn̄ sedə́. Adə̄ reēn̄ ɓōkə́n̄də́ bəlo ɓɔl gə̄ tə́, nin̄ ō ngáńdə́ gə̄ ō, nə̄yá̰də́ naā tə́ kɔ̄ɔ́.

1 PIYER 1:2

Bɔbə̄jí Nə́ɓā gə̄rāsí i kə gō ń ni-núməń kété ní, adə̄ sḭḭ̄ i deē yān gə̄ kə ta kūl̄ Ndílən, yā kadə̄ ōōī ta Jeju Kərist ō, kadə̄ mósən tə́go majaĺ yāsí gə̄ kadə̄ kemsí ndaa táĺ táĺ ō. Ādə̄ Nə́ɓā rajəsí ngá̰ý ō, sɔl̄ kemsí ngá̰ý ō!

DANIEL 3:4

Kɔdə̄ mbēr̄ ənī mbēr̄, un ndūn kə̄ dɔɔ́ ədań na: Sḭḭ̄ gír de gə̄ malang ō, nápar de gə̄ malang ō, sḭḭ̄ ń gír ta yāsí i dáńg dáńg malang ō ní,

EPEJƏ 1:2

Ādə̄ Bɔbə̄jí Nə́ɓā, nin̄ kə Kɔ́ɔ̄ɓē Jeju Kərist, rāān̄ kem majə sesí ō, sɔlə̄n̄ kemsí ō.

DANIEL 3:29

I beé ní m̄-gḛy kadə̄ de gə̄ rāān̄ yá̰á̰ ń toō: Deē ń a ɔr̄ najə̄ yā Nə́ɓā yā Sadərak ō Mesak ō Abed Nego ō majaĺ ní, ká ni i de kə́ dan gír de kə́ rá gə̄ tə́, aláa ni i de kə́ dan nápar de kə́ rá gə̄ tə́, aláa ta yān kə́ rá gə̄gē anī, a gángə̄n̄ deē ní naā tə́ bét bét ō, kújə yān a tél loo ɓōkə́ yá̰á̰ kə́ yḛr gə̄ ō. Tɔdɔ̄ nə́ɓā kə́ rāān kə́ asə kajə deē beé ní gətóo.

ESDRAS 4:17

Najə̄ ń mban̄g tūr̄ əda ní n toó, ni ndang makətūbə̄ əda na: m̄-ndang makətūbə̄ ń toō m-ādə̄ i Rehum nge ko̰o̰ ɓē ō, Simsai nge ndang makətūbə̄ ō, madə̄də́ gə̄ ń ndin̄ Samari ō, kem ɓē gə̄ kə́ gō nang kə́ gidə bā Opəratə kə́ dām̄ kə́ no ɓē tə́ ní ō. m̄-rāāsí lápə́ya! Tá gotə najə̄ kə́ rang gə̄ i ta tə́ noō ɓáý.

1 YÁ̰A̰ GƏ̄ 12:18

Ni teē tə́nī tadə́ ba ədadə́ na: Ré ī-reēī kəngeḿ tə́ i najə̄ lápə́ya tə́ ō, i najə̄ kɔsə kílə́ḿ tə́ kə̄ dɔɔ́ ō anī, m̄-ndigə̄ ngá̰ý kadə̄ m̄-ɓo rɔ̄ḿ yāsí tə́ kə ngarā̰ kemḿ mámák. Ba ré ī-reēī i gólə̄m̄ tə́ yā kəlam̄ jī madə̄ ba̰ā̰ḿ gə̄ tə́, tá m̄-rāā yá̰á̰ kógə̄ḿ kə́ majaĺ alé anī, ādə̄ Nə́ɓā yā kaají gə̄ i kə́ kum tə́ ō, rāāsí yá̰á̰ kə́ tōr̄ tām̄ majaĺ yāsí tə́ ō.

1 TIMOTE 1:2

n m-ə́la kə makətūbə̄ ń toō m-ādī ḭ̄ Timote ní. Ḭ̄ i ngōnə̄ḿ kə́ rɔ̄kum, tɔdɔ̄ i mā n m̄-rāā adə̄ ī-taā kem ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē yājí Kərist Jeju rāān̄ kem majə seí ō, a̰a̰n̄ kum tō ndoō yāí ō, sɔlə̄n̄ kemií ō.

Makətūbə̄ ń Pol ndang adə̄ Rom gə̄ ní 1:7

Ní, m-ə́la kə makətūbūú m-ādə̄sí, sḭḭ̄ kó tár yā Nə́ɓā gə̄ ń ī-ndiī Rom á Nə́ɓā ɓāŕsí kadə̄ ī-téliī ngé yān gə̄ ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

KƏLA RĀĀ 2:6

Dan ń kōō yá̰a̰ ngeé ń noō ɓār̄ ní, nin̄ malang kánə̄n̄ naā ba ran̄ dɔ jīdə́ kógə̄ḿ kóńg. Tɔdɔ̄ nin̄ kógə̄ḿ kógə̄ḿ oōn̄ ta ɓē kojədə́ gə̄ tadə́ tə́.

JAKARI 8:23

M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

DANIEL 6:27

M-ə́da de gə̄ kadə̄ rāān̄ yá̰á̰ ń toō gō nang malang kə́ kem ɓē ko̰o̰ yāḿ tə́: Ādə̄ de gə̄ ɓōlə́n̄ ndíĺ Nə́ɓā yā Daniel. Tɔdɔ̄ i ni n i Nə́ɓā kə́ ndi kə kumneé ō, i Nə́ɓā kə́ a ndi ngándáńg ō ní. Ko̰o̰ ɓē yān dan a gān̄g alé, ni a o̰o̰ ɓē bátə́ yā tɔ̄l̄ ta.

ESTER 8:9

Kum mbang nəkɔ́ ń noō tə́, kə ndɔ̄ kutə jōó gidə i mətá ń i nāā Siwan ní, əlan̄ gō ngé ndang makətūbə̄ gə̄ yā mban̄g tə́ adə̄ ndangən̄ yá̰a̰ malang ń Mardose əda kadə̄ yā rāā ní kem makətūbə̄ gə̄ tə́ ba əlan̄neé adə̄n̄ Jipə gə̄ ō, ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ ō, de kə́ bo gə̄ ń ndin̄ gō nang gə̄ yā mban̄g tə́ ní ō. Adə̄ i gō nang kə́ ɓú kə kutə jōó gidə i sīrí ń ḭḭ Ḛndə tə́ bátə́ ugə̄ Etiopi tə́ ní. Ndangən̄ makətūbə̄ gə̄ ní adə̄n̄ gír de gə̄ ń ndin̄ gō nang gə̄ ní tə́ i kə ta ɓē yādə́ gə̄ ō, i kə gō jī loo ndang makətūbə̄ yādə́ gə̄ o, ndang adə̄n̄ Jipə gə̄ i kə ta ɓē yādə́ ō, kə gō jī loo ndang makətūbə̄ yādə́ ō.

ESTER 3:12

Tā anī ɓārə́n̄ ngé ndang makətūbə̄ gə̄ yā mban̄g kem nāā kə́ ta kəga dɔ tə́, kə ndɔ̄ nāā kə́ nge ko̰ kutə gidə i mətá, adə̄ ndangən̄ makətūbə̄ gə̄ yā kəlań kadə̄ ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ kə́ gō nang gə̄ tə́ ō, ngār gə̄ yā gír de kə́ tayā tayā gə̄ ō, tītə̄ ń Haman ədań ní. Ndangən̄ makətūbə̄ gə̄ ní yā kəlań gō nang gə̄ tə́ i kə gō jī loo ndangən yā de kə́ gō nang gə̄ ní tə́ ō, adə̄n̄ gír de gə̄ kógə̄ḿ kógə̄ḿ i kə ta ɓē yādə́ gēé ō. Ndangən̄ makətūbə̄ gə̄ ní i kə rī mban̄g Jerses ō, tə́ndān̄ tambō̰o̰ gə̄ dɔ tə́ i kə kulūm̄ yā mbangāá ō.

ESDRAS 5:7

ń toó: Mban̄g Darius, lápə́ya ngá̰ý!