DANIEL 3:7 - Bibəl ta Sar̄

⁷ Adə̄ dan ń gír de gə̄ malang ō, nápar de gə̄ malang ō, de gə̄ kə́ gír ta yādə́ i tayā tayā gə̄ malang ō oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān tām̄ ō, kəlān i ngá̰ý aĺ ō, kōō yá̰á̰ kə́ ɓāŕ gōsə̄ kə́ ta yā tayā gə̄ malang ō anī, nin̄ malang ɔsən̄ nodə́ nang tə́ ba rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ń mban̄g Nabukodonosor udə ní.

Bible sar

⁷ Adə̄ dan ń gír de gə̄ malang ō, nápar de gə̄ malang ō, de gə̄ kə́ gír ta yādə́ i tayā tayā gə̄ malang ō oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān tām̄ ō, kəlān i ngá̰ý aĺ ō, kōō yá̰á̰ kə́ ɓāŕ gōsə̄ kə́ ta yā tayā gə̄ malang ō anī, nin̄ malang ɔsən̄ nodə́ nang tə́ ba rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ń mban̄g Nabukodonosor udə ní.

DANIEL 3:7 Referans Kwoze

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

JEJU TEĒ KUM JA̰A̰ 17:8

Dā̰ ń na m-á̰a̰n ní na ndi kété, ba ń toō ɓáa na gətóo kɔ̄ɔ́. Ni a teē bəlo kə́ ngɔ́nən gətóó tə́ yā kaw̄ loo kə́ tan a tḭ̄ḭ̄ kɔ̄ɔ́ tū tə́ tə́. Ba de kə́ dɔ nang tə́ gə̄ ń kété ta kəla gír kəndā dɔ rā̰ ō dɔ nang ō tə́, ndangən̄ rīdə́ kem makətūbə̄ ndi kə kumuú tə́ alé ní, dan ń nin̄ a a̰a̰n̄ dā̰ ní anī, a ɔr kumdə́ ngá̰ý. Tām̄ dā̰ ní ndi kété ō, gətóo kɔ̄ɔ́ ō, banī a tél yā reē ɓáý ō.

JEJU TEĒ KUM JA̰A̰ 13:14

Ni-rāā adə̄ de kə́ dɔ nang tə́ gə̄ ndúmə̄n̄ sɔɔ̄ń yá̰á̰ kə́ yáā gə̄ ń ni-rāā ta kum dā̰ kə́ kété tə́ ní. Ni-əda de gə̄ na kə rāān̄ ndíĺ yá̰á̰ kógə̄ḿ kə́ ɔsə kum gotə dā̰ ń ənge do kaskar ba tél ndi kə kumneé gogə́ ní.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

JEJU TEĒ KUM JA̰A̰ 13:3

Əndan̄ dɔn kógə̄ḿ kə doó, adə̄ dɔn ní to ranjang tītə̄ kə́ oy kɔ̄ɔ́ beē, ba do ń asə yon ní edə̄ kɔ̄ɔ́. Loo ń noō tə́ ɔr kum de kə́ dɔ nang tə́ gə̄ malang ngá̰ý, adə̄ nin̄-unən̄ gōn.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

1 JA̰A̰ 5:19

Jə-gerī kadə̄ jḭḭ̄ i de gə̄ yā Nə́ɓā, banī de kə́ dɔ nang tə́ gə̄ malang ní nin̄ i gíŕ tɔ́gə yā De kə́ Majaĺ tə́.

JEREMI 51:7

Kopə lɔ́r ń Kɔ́ɔ̄ɓē əhɔ kem jīn tə́ ní, i Babilon. Kasə kə́ kemeé rāā de gə̄ malang kə́ dɔ nang tə́. Nápar de gə̄ a̰ȳn̄ kasə nduú yān, bátə́ adə̄ gerə̄n̄ kum najə̄ to̰ alé.

KƏLA RĀĀ 14:16

Kem ɓāl̄ kə́ mān̄ kɔ̄ɔ́ gə̄ tə́ ní, Nə́ɓā əya̰ nápar de gə̄ malang adə̄ unən̄ i gō róbə yādə́ nin̄ kɔ́ gə̄.

DANIEL 2:46

Loo ń noō tə́ mban̄g Nabukodonosor ɔsə non nang tə́, rɔȳ Daniel ō əda kadə̄ ndējə̄n̄ Daniel yá̰a̰ tun̄ gə̄ ō, ndujə̄ yá̰á̰ kə́ kotə majə gə̄ ō.

DANIEL 3:4

Kɔdə̄ mbēr̄ ənī mbēr̄, un ndūn kə̄ dɔɔ́ ədań na: Sḭḭ̄ gír de gə̄ malang ō, nápar de gə̄ malang ō, sḭḭ̄ ń gír ta yāsí i dáńg dáńg malang ō ní,

DANIEL 3:5

ré ōōī kōō tōw̄ ō nal ō kənde kə́ kəlān i ngá̰ý ō kə́ kəlān tām̄ ō, kəlān i ngá̰ý aĺ ō, kōō yá̰á̰ kə́ ɓāŕ gōsə̄ kə́ tayā tayā gə̄ malang ō anī, ɔ́siī nosí nang tə́ ī-rɔyī yá̰á̰ kə́ to tītə̄ de kə́ rāā kə́ lɔ́rɔ́ ń mban̄g Nabukodonosor udə ní.

DANIEL 3:6

Deē ń a ɔsə non nang tə́ yā rɔȳń aĺ anī, a ənīnən̄ kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́.

DANIEL 3:8

Loo ń noō tə́ de kə́ Babilon gə̄ reē sekə́n̄ Jipə gə̄.

DANIEL 3:10

I īkɔ́ n ə́da de gə̄ malang na ré kə oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlā n i ngá̰ý aĺ ō, kōō yá̰á̰ kə́ ɓāŕ gōsə̄ kə́ tayā tayā gə̄ malang ō anī, kə ɔsən̄ nodə́ nang tə́ kə rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ní.