DANIEL 3:6 - Bibəl ta Sar̄

⁶ Deē ń a ɔsə non nang tə́ yā rɔȳń aĺ anī, a ənīnən̄ kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́.

Bible sar

⁶ Deē ń a ɔsə non nang tə́ yā rɔȳń aĺ anī, a ənīnən̄ kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́.

DANIEL 3:6 Referans Kwoze

MATIYE 13:50

yā tə́nīdə́ kum hor kə́ bo ngá̰ý tə́. Nin̄ a nōōn̄ ō, a máyā̰n̄ ngān̄gdə́ ō loo ngeé ń noō tə́.

MATIYE 13:42

ɓōkə́də́ kum hor kə́ bo ngá̰ý tə́. Loo ń noō tə́ nin̄ a nōōn̄ ō, a máyā̰n̄ ngān̄gdə́ ō.

JEREMI 29:22

Ngé gə̄ malang ń əhɔn̄də́ Juda aw̄n̄ sedə́ Babilon tə́ ní, a ndɔ̄lə́n̄ naā i kə yá̰á̰ ń rāādə́ noō, adə̄ de gə̄ a ədan̄ na: Ādə̄ Kɔ́ɔ̄ɓē rāāī tītə̄ ń rāań Sedekias ō, Akab ō ń mban̄g kə́ Babilon gírēdə́ dɔ hor tə́ ní.

DANIEL 3:15

Ngɔlaā ní ə̄ndāī dɔ rɔ̄sí danaá kɔ̄ɔ́, yā kadə̄ ré ōōī tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlān i ngá̰ý aĺ ō, kōō yá̰á̰ kə́ ɓār̄ gōsə̄ ō, anī ā ɔ́siī nosí nang tə́ yā rɔȳ yá̰á̰ kə́ to tītə̄ deē ń m̄-rāā ní a? Ré ī-mbātíī rɔȳn anī a ənīn̄sí kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́, ba i nə́ɓā kə́ rá n a asə taāsí jīḿ tə́ yā kəya̰sí dɔɔ́ ní?

DANIEL 3:11

Ba deē ń na a ɔsə non nang tə́ non tə́ aĺ ō, na a rɔȳn aĺ ō anī na a ənīnən̄ kə̄ ta jī tə́ noō kum hor kə́ o̰o bəlim bəlim kə́ tənga ngá̰ý tə́.

JEJU TEĒ KUM JA̰A̰ 14:11

Hor ń yá̰á̰ kə́ tōr̄ rāādə́ kum tə́ ní, saan əɓa guy guy kə dɔ ɓāl̄ gə̄ ɓāl̄ gə̄. De gə̄ ń rɔȳn̄ dā̰ ní ō, ndíĺ yá̰á̰ kə́ ɔsə kum gotə dā̰ ní ō, deē ń adə̄ əndān̄ tə́ré yá̰á̰ kə́ ɔsə kum gotə rī dā̰ ní rɔ̄n tə́ ō ní, de gə̄ ń noō a ɔrə̄n̄ koō kadaá aĺ ō ndɔ̄ɔ́ aĺ ō.

JEJU TEĒ KUM JA̰A̰ 9:2

Ni-teē ta bəlo ní anī, sa kógə̄ḿ teē tū tə́ tītə̄ sa hor kə́ bo ngá̰ý beē. Sa ní rāā adə̄ mbang ndul ō, loo risə til ō.

MARK 6:27

Kə̄ ta jī tə́ noō ni-əla áskar kógə̄ḿ kadə̄ reē kə dɔm dɔ Ja̰a̰.

MATIYE 4:9

ba ədan na: Ré ɔ́sə noí nang tə́ noḿ tə́ ī-rɔȳm̄ anī, m-ā m-ādī yá̰a̰ gə̄ ń noō malang.

DANIEL 6:7

Tā anī de kə́ bo kə́ jōó gə̄ ō, ngé kɔsə kum gotə mban̄g dɔ ɓē tə́ gə̄ ō, aw̄ ədan̄ mban̄g na: Mban̄g Darius, ādə̄ dɔí ngan̄g májə́ májə́!

DANIEL 3:21

Adə̄ tṵ́ṵ̄n̄də́ kə kəlaá kə kūbə̄ gə̄ kə́ rɔ̄də́ tə́ beé, adə̄ i kə njālá yādə́ gēé ō, kə kūbə̄ ngāl̄ yādə́ gēé ō, kə jākā yādə́ gēé ō, kə kūbə̄ yādə́ gə̄ kə́ dɔ madə̄ gə̄ tə́ ō ba ɓōkə́n̄də́ kum hor kə́ o̰o̰ bəlim bəlim kə́ tənga ngá̰ý ní tə́.

DANIEL 2:5

Mban̄g tél ədadə́ na yá̰á̰ ń na n-əda wáńg kə̄ ndágé ní n toó: Ré na ədanən̄ gotə nī aĺ ō, na ɔjənən̄ kum aĺ ō anī, na a gángə̄n̄də́ naā tə́ bét bét kɔ̄ɔ́ ō, na kújə yādə́ gə̄ na télən̄ loo ɓōkə́ yá̰á̰ kə́ yḛr gə̄ ō.

IJAI 44:17

Gotə kāgə̄ ń na̰y ní, nin̄ rāān̄ nə́ɓā kógə̄ḿ tə́, rāān̄ ɓesə̄ yādə́ tə́. Nin̄ ɔsən̄ nodə́ nang tə́ no ɓesə̄ ní tə́, nin̄ rɔȳnən̄ ō, ndɔ̄ȳn̄ tītə̄ ń toō beé ō ədan̄ na: Ḭ̄ i nə́ɓā yāḿ, ájəm̄!

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

TA KƏLA 19:28

Ni-a̰a̰ loo kum kə̄ Sodom ō, Gomor ō, dām̄ kə́ ndágə loo tə́ ō anī, a̰a̰ sa hor kə́ tītə̄ sa hor mbō beé, əɓa tū tə́ luk luk.

DANIEL 3:7

Adə̄ dan ń gír de gə̄ malang ō, nápar de gə̄ malang ō, de gə̄ kə́ gír ta yādə́ i tayā tayā gə̄ malang ō oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān tām̄ ō, kəlān i ngá̰ý aĺ ō, kōō yá̰á̰ kə́ ɓāŕ gōsə̄ kə́ ta yā tayā gə̄ malang ō anī, nin̄ malang ɔsən̄ nodə́ nang tə́ ba rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ń mban̄g Nabukodonosor udə ní.

DANIEL 5:19

Bo ń adə̄n ní rāā adə̄ de kə́ gíŕdə́ i tayā tayā gə̄ ō, nápardə́ i tayā tayā gə̄ ō, ta yādə́ i tayā tayā gə̄ ō, ɓōĺ rāādə́ adə̄ ndewn̄ ta kumən tə́. Tɔdɔ̄ deē ń kemən ndigə tɔ̄lən a a tɔ̄lən ō, deē ń kemən ndigə kəya̰n a a əya̰n ō, deē ń kemən ndigə kɔsən kə̄ dɔɔ́ a a ɔsən kə̄ dɔɔ́ ō, deē ń kemən ndigə tél seneé kə̄ nang tə́ a a tél seneé kə̄ nang tə́ ō.