DANIEL 3:4 - Bibəl ta Sar̄

⁴ Kɔdə̄ mbēr̄ ənī mbēr̄, un ndūn kə̄ dɔɔ́ ədań na: Sḭḭ̄ gír de gə̄ malang ō, nápar de gə̄ malang ō, sḭḭ̄ ń gír ta yāsí i dáńg dáńg malang ō ní,

Bible sar

⁴ Kɔdə̄ mbēr̄ ənī mbēr̄, un ndūn kə̄ dɔɔ́ ədań na: Sḭḭ̄ gír de gə̄ malang ō, nápar de gə̄ malang ō, sḭḭ̄ ń gír ta yāsí i dáńg dáńg malang ō ní,

DANIEL 3:4 Referans Kwoze

DANIEL 6:25

De gə̄ ń sekə́n̄ Daniel ní, mban̄g əda kadə̄ reēn̄ sedə́. Adə̄ reēn̄ ɓōkə́n̄də́ bəlo ɓɔl gə̄ tə́, nin̄ ō ngáńdə́ gə̄ ō, nə̄yá̰də́ naā tə́ kɔ̄ɔ́.

DANIEL 4:1

Kété ní mā Nabukodonosor m̄-ndi i loo yāḿ jəke kem kújə yāḿ tə́ ō, rɔ̄ḿ nelə̄m̄ ngá̰ý kem kújə mban̄g yāḿ tə́ ō.

MISE 6:16

Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

OJEE 5:11

Yá̰a̰ rāā kə́ gōtə́ aĺ rējə̄ Epəraim kɔ̄ɔ́. De gə̄ ɓōlə́n̄ gidə yá̰a̰ yān gə̄ alé, i tām̄ ni gḛy ngɔ̄də̄ gō nél.

DANIEL 4:14

Yá̰á̰ ní a rāā yá̰a̰ i kə ta kūl̄ yá̰á̰ kə́ yā ndang kadə̄ yā rāā yā de kə́ dɔ rā̰ tə́ gēé, yā kadə̄ ngé ndi kə kumdə́ gə̄ malang ger̄nə̄n̄neé kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ko̰o̰ ɓē yā deē ndul gə̄ tə́. I deē ń kemən ndigə kadə̄n ko̰o̰ ɓē ní n ni a adə̄n ko̰o̰ ɓē ní. Deē ń tél kə rɔ̄neé kə̄ nang tə́ tɔȳ yā de gə̄ malang ní gə̄gē, ni asə kɔsən kə̄ dɔɔ́ yā kəndān dɔ ɓē tə́.

IJAI 58:1

Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

IJAI 40:9

Jerusalem, āl̄ dɔ mbal̄ kə́ ngāl̄ ngá̰ý kum kə̄ dɔɔ́ tə́. Ɓē kə́ Siyo̰, ə́ga kɔŕ kə tɔ́gí gēé malang. Ḭ̄ nge reē kə najə̄ kə́ majaá, ún ndūí kə̄ dɔɔ́, ī-lōō ɓōĺ. Ə́da ɓē gə̄ kə́ Juda tə́ na: Nə́ɓā yāsí n toó!

ESTER 8:9

Kum mbang nəkɔ́ ń noō tə́, kə ndɔ̄ kutə jōó gidə i mətá ń i nāā Siwan ní, əlan̄ gō ngé ndang makətūbə̄ gə̄ yā mban̄g tə́ adə̄ ndangən̄ yá̰a̰ malang ń Mardose əda kadə̄ yā rāā ní kem makətūbə̄ gə̄ tə́ ba əlan̄neé adə̄n̄ Jipə gə̄ ō, ngé kɔsə kum gotə mban̄g dɔ ɓē tə́ gə̄ ō, ngé ko̰o̰ ɓē gə̄ ō, de kə́ bo gə̄ ń ndin̄ gō nang gə̄ yā mban̄g tə́ ní ō. Adə̄ i gō nang kə́ ɓú kə kutə jōó gidə i sīrí ń ḭḭ Ḛndə tə́ bátə́ ugə̄ Etiopi tə́ ní. Ndangən̄ makətūbə̄ gə̄ ní adə̄n̄ gír de gə̄ ń ndin̄ gō nang gə̄ ní tə́ i kə ta ɓē yādə́ gə̄ ō, i kə gō jī loo ndang makətūbə̄ yādə́ gə̄ o, ndang adə̄n̄ Jipə gə̄ i kə ta ɓē yādə́ ō, kə gō jī loo ndang makətūbə̄ yādə́ ō.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

DANIEL 3:3

Tā anī ngé rāā kəla kə́ bo bo gə̄ ń noō kánə̄n̄ naā malang, ba aw̄ ndin̄ no yá̰á̰ kə́ rāān̄ adə̄ to tītə̄ deē ń mban̄g Nabukodonosor udə ní tə́ yā rāā pétən.

DANIEL 3:7

Adə̄ dan ń gír de gə̄ malang ō, nápar de gə̄ malang ō, de gə̄ kə́ gír ta yādə́ i tayā tayā gə̄ malang ō oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān tām̄ ō, kəlān i ngá̰ý aĺ ō, kōō yá̰á̰ kə́ ɓāŕ gōsə̄ kə́ ta yā tayā gə̄ malang ō anī, nin̄ malang ɔsən̄ nodə́ nang tə́ ba rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ń mban̄g Nabukodonosor udə ní.

DANIEL 3:10

I īkɔ́ n ə́da de gə̄ malang na ré kə oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlā n i ngá̰ý aĺ ō, kōō yá̰á̰ kə́ ɓāŕ gōsə̄ kə́ tayā tayā gə̄ malang ō anī, kə ɔsən̄ nodə́ nang tə́ kə rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ní.