DANIEL 3:29 - Bibəl ta Sar̄

²⁹ I beé ní m̄-gḛy kadə̄ de gə̄ rāān̄ yá̰á̰ ń toō: Deē ń a ɔr̄ najə̄ yā Nə́ɓā yā Sadərak ō Mesak ō Abed Nego ō majaĺ ní, ká ni i de kə́ dan gír de kə́ rá gə̄ tə́, aláa ni i de kə́ dan nápar de kə́ rá gə̄ tə́, aláa ta yān kə́ rá gə̄gē anī, a gángə̄n̄ deē ní naā tə́ bét bét ō, kújə yān a tél loo ɓōkə́ yá̰á̰ kə́ yḛr gə̄ ō. Tɔdɔ̄ nə́ɓā kə́ rāān kə́ asə kajə deē beé ní gətóo.

Bible sar

²⁹ I beé ní m̄-gḛy kadə̄ de gə̄ rāān̄ yá̰á̰ ń toō: Deē ń a ɔr̄ najə̄ yā Nə́ɓā yā Sadərak ō Mesak ō Abed Nego ō majaĺ ní, ká ni i de kə́ dan gír de kə́ rá gə̄ tə́, aláa ni i de kə́ dan nápar de kə́ rá gə̄ tə́, aláa ta yān kə́ rá gə̄gē anī, a gángə̄n̄ deē ní naā tə́ bét bét ō, kújə yān a tél loo ɓōkə́ yá̰á̰ kə́ yḛr gə̄ ō. Tɔdɔ̄ nə́ɓā kə́ rāān kə́ asə kajə deē beé ní gətóo.

DANIEL 3:29 Referans Kwoze

DANIEL 2:5

Mban̄g tél ədadə́ na yá̰á̰ ń na n-əda wáńg kə̄ ndágé ní n toó: Ré na ədanən̄ gotə nī aĺ ō, na ɔjənən̄ kum aĺ ō anī, na a gángə̄n̄də́ naā tə́ bét bét kɔ̄ɔ́ ō, na kújə yādə́ gə̄ na télən̄ loo ɓōkə́ yá̰á̰ kə́ yḛr gə̄ ō.

PĀ GƏ̄ 76:10

dan ń ḭ́ḭ dɔɔ́ yā gān̄g sarya, yā kajə de kə́ dɔ nang tə́ gə̄ malang ń télən̄ kə rɔ̄də́ kə̄ nang tə́ ní.

NDŪ NAJƏ̄ 32:31

Tɔdɔ̄ mbal̄ yā madə̄ ba̰ā̰jí gə̄ to tītə̄ mbal̄ yājí alé. Nge ń noō ní nin̄ kɔ́ gə̄ gerə̄n̄ ō.

DANIEL 3:28

Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

DANIEL 3:17

Ré nə́ɓā kógə̄ḿ kə́ asə kajəjí i noó anī, i Nə́ɓā yājí ń jə-rāā kəla j-adə̄n á ni asə kajəjí ō, asə kɔr̄jí kum hor kə́ o̰o̰ bəlim bəlim kə́ tənga ngá̰ý tə́ ō, asə taājí jīí tə́ kəya̰jí dɔɔ́ ō ní ngóy.

DANIEL 3:15

Ngɔlaā ní ə̄ndāī dɔ rɔ̄sí danaá kɔ̄ɔ́, yā kadə̄ ré ōōī tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlān i ngá̰ý aĺ ō, kōō yá̰á̰ kə́ ɓār̄ gōsə̄ ō, anī ā ɔ́siī nosí nang tə́ yā rɔȳ yá̰á̰ kə́ to tītə̄ deē ń m̄-rāā ní a? Ré ī-mbātíī rɔȳn anī a ənīn̄sí kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́, ba i nə́ɓā kə́ rá n a asə taāsí jīḿ tə́ yā kəya̰sí dɔɔ́ ní?

PĀ GƏ̄ 3:8

Kɔ́ɔ̄ɓē, ḭ́ḭ dɔɔ́! Nə́ɓā yāḿ, ájəm̄! Ḭ̄ ń i nge kənda mbɔ́r madə̄ ba̰ā̰ḿ gə̄ ō, nge tétə̄ ngān̄g ngé kem ndul gə̄ ō ní.

ESDRAS 6:11

Yá̰a̰ gə̄ ń m-ə́da kadə̄ rāān̄ kə deē ń a mān̄ dɔ ndūḿ ń toō ní n toó: A ɔrə̄n̄ kāgə̄ kújə yān yā kudə nang tə́ ba ɓērən ta tə́ ō, a rāān̄ kújə yān dɔ bū loo ɓōkə́ yá̰á̰ kə́ yḛr gə̄ tə́ ō.

2 MBAN̄G 10:27

Gō tə́ anī tɔ̄ɔ̄n̄ mbal̄ ń udən̄ kə nja dɔɔ́ tām̄ yā ɓesə̄ Baal tə́ ní. Ta tɔ̄l̄ ta anī tɔ̄ɔ̄n̄ kújə ɓesə̄ ní kɔ̄ɔ́ ba rāān̄ gotən loo ɓōkə́ yá̰á̰ kə́ yḛr gə̄ kə́ kem ɓēé tə́. Loo ní to noó bátə́ ɓōólaā gə̄gē ɓáý.

DANIEL 1:7

Ngol ngé rāā kəla ndogó mbangāá gə̄ təndā rī kə́ kijə dɔdə́ tə́. Ni-əndā rī Daniel na i Beltasar ō, rī Hanania na i Sadərak ō, rī Misael na i Mesak ō, rī Ajaria na i Abed Nego ō,

DANIEL 1:19

Mban̄g ɔr̄ najə̄ kə balsáa gə̄ ní, banī dandə́ tə́ malang ní ngé ké tītə̄ Daniel, aláa Hanania, aláa Misael, aláa Ajaria gətóo. Adə̄ ɔyn̄də́ kadə̄ rāān̄ kəla yā mban̄g.

DANIEL 2:17

Dan ń Daniel tél aw̄ ɓēé anī ɔjə madə̄n gə̄ ń i Hanania ō Misael ō Ajaria ō ní gotə najə̄ ní malang.

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

DANIEL 2:49

Daniel dəje mban̄g, adə̄ mban̄g əndā Sadərak ō Mesak ō Abed Nego ō dɔ gō nang kə́ Babilon tə́ kadə̄ o̰o̰n̄ ɓē dɔ tə́. Banī Daniel tél i nge kadə̄ kɔjə̄ ndogó mbangāá.

DANIEL 3:12

Anī Jipə gə̄ kə́ ḭ̄ ādə̄də́ kəla ko̰o̰ ɓē gō nang kə́ Babilon tə́, adə̄ i Sadərak ō Mesak ō, Abed Nego ō, ɓōlíin̄ alé adə̄ rāān̄ kəla adə̄n̄ nə́ɓā yāí gə̄ aĺ ō, rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ní aĺ ō.

DANIEL 6:28

Ni i nge gān̄g dɔ deē ō, nge kajə deē ō, nge rāā yá̰á̰ kə́ ɔr kum gə̄ ō yá̰á̰ kə́ yáā gə̄ ō, dɔ rā̰ tə́ ō dɔ nang tə́ ō, tɔdɔ̄ i ni n ajə Daniel ta ɓɔl gə̄ tə́ ní.