DANIEL 3:28 - Bibəl ta Sar̄

²⁸ Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

Bible sar

²⁸ Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

DANIEL 3:28 Referans Kwoze

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

JEJU TEĒ KUM JA̰A̰ 12:11

Ba nin̄-tetənən̄ rɔ̄ɔ̄ i kə ta kūl̄ mósə Ngōn̄ batə̄ ō, i kə ta kūl̄ najə̄ kə́ kum tə́ yādə́ ń nin̄-ədan̄ tām̄ yān tə́ ní ō. Nin̄-tárən̄ rɔ̄də́ alé, adə̄ ɓōlə́n̄ yo alé bátə́ oynə̄ń.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

PĀ GƏ̄ 147:11

Ba o̰o̰n tɔdɔ̄ ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

KƏLA RĀĀ 5:19

Dan ndɔ̄ɔ́ anī de kə́ dɔ rā̰ tə́ yā Kɔ́ɔ̄ɓē teē ta kújə dəngáy, ni-aw̄ sedə́ ndágá ba ədadə́ na:

DANIEL 3:25

Mban̄g tél ədadə́ na: Ɓá tā ba m-á̰a̰ de gə̄ kə́ tútən̄ kəla rɔ̄də́ tə́ kɔ̄ɔ́ gə̄ i sɔ́ n ra a njə̄rān̄ kum hor tə́ ní. Do kógə̄ḿ gə̄gē gətóo rɔ̄də́ tə́. Tá nge kə́ ko̰ sɔ́ yādə́ ní to tītə̄ ngōn̄ nə́ɓā kógə̄ḿ kə́ dan nə́ɓā gə̄ tə́.

MATIYE 4:10

Anī Jeju tél ədan na: Āw̄ kɔ̄ɔ́, Sətan! Tɔdɔ̄ ndangən̄ kem makətūbūú ədan̄ na: I Kɔ́ɔ̄ɓē Nə́ɓā yāí ngóy n ā ī-rɔȳn ō, i ni ngóy n ā ī-rāā kəla yān ō ní.

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

PĀ GƏ̄ 62:8

Kajə yāḿ ō, kɔsə gɔn yāḿ ō, i rɔ̄ Nə́ɓā tə́. Mbal̄ kə́ ngan̄g yāḿ ō, loo ɓɔ̄ɔ̄ rɔ̄ yāḿ ō, i Nə́ɓā.

PILIPƏ 1:20

Tɔdɔ̄ yá̰á̰ ń m̄-ngóō ō, m-ə̄ndā kemḿ dɔ tə́ kə ngangāá ngá̰ý ō ní, i kadə̄ ndɔ̄ń tə́ anī yá̰á̰ kógə̄ḿ adə̄m̄ rɔ̄sɔl̄ alé. Ba nəkɔ́ ń jóó bátə́ ngɔlaā toó ní, m̄-sōl̄ yá̰á̰ kógə̄ḿ alé. I tītə̄ ń noō n kə ta kūl̄ ndiḿ kə kumḿ, aláa kə ta kūl̄ koyḿ, m-ā m-ɔ́jəń kə̄ ndágá kadə̄ Kərist i de kə́ bo ní.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

2 YÁ̰A̰ GƏ̄ 32:21

Anī Kɔ́ɔ̄ɓē əla de kə́ dɔ rā̰ tə́ yān kógə̄ḿ kem gérger yā mban̄g kə́ Asiri tə́ adə̄ tɔ̄l̄ go̰ rɔ̄ɔ̄ gə̄ malang kɔ̄ɔ́ ō, tɔ̄l̄ ngol ngé rɔ̄ɔ̄ gə̄ ō, de kə́ bo gə̄ ō. Mban̄g kə́ Asiri tél kə rɔ̄sɔl̄ gēé ta kaw̄ gogə́ ɓēé. Dan ń udə kem kújə yā nə́ɓā yān tə́ anī, ngán kemən nəkɔ́ gə̄ tɔ̄l̄nən̄ kə kaskaraá.

2 YÁ̰A̰ GƏ̄ 20:20

Nin̄ ḭḭn̄ dɔɔ́ kə gír looí ɓatə əsōn̄ róbó ta kaw̄ kə̄ dəla loo kə́ Tekoa tə́. Dan ń a rāān̄ yā kɔr̄ dɔɔ́ anī Josapat ədadə́ na: De kə́ Jerusalem gə̄ ō, Juda gə̄ ō, ōōī najə̄ ń m-ā m-ɔ̄r̄ ní! Ī-taāī kem Kɔ́ɔ̄ɓē Nə́ɓā yāsí anī ā ə́ngeī tɔ́gə adə̄ ā ī-raī ngan̄g. Ī-taāī kem ngé koō ta yān gə̄ anī ā ī-tetiī rɔ̄ɔ̄.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

HEBƏRO 11:37

Tə́nīn̄də́ kə mbalá tənī tɔ̄lə̄n̄də́ ō, tə́jān̄də́ gángə̄n̄də́ naā tə́ kə gində̄ kəja yá̰a̰ ō, tɔ̄lə̄n̄də́ kə kaskaraá ō. A dáȳn̄ kə̄ yóō kə̄ laā ō, o̰ō̰n̄ i ngə̄rā batə̄ gə̄ ō, ngə̄rā bə̄yā̰ gə̄ ō rɔ̄də́ tə́. Ndoō rāādə́ ō, wur kɔl əngedə́ ō, de gə̄ rāān̄də́ yá̰á̰ kə́ tōr̄ gə̄ ō.

HEBƏRO 1:14

De kə́ dɔ rā̰ tə́ gə̄ malang i ndíl gə̄ kə́ ngé rāā kəla yā Nə́ɓā ō, Nə́ɓā əladə́ kadə̄ rāān̄ kə ngé gə̄ ń majə kadə̄ ajən̄də́ ní ō.

KƏLA RĀĀ 4:19

Banī Piyer nin̄ kə Ja̰a̰ ədan̄də́ na: Sḭḭ̄ kɔ́ gə̄ ī-gāngī sarya ń toō: I koō tasí sḭḭ̄ n i yá̰á̰ kə́ gōtə́ ta kum Nə́ɓā tə́ aké i koō ta Nə́ɓā ḿ?

DANIEL 6:26

Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

PĀ GƏ̄ 34:22

Kəla rāā nge kem ndul a tɔ̄lən nəkɔ́ ō, madə̄ ba̰ā̰ de kə́ súmūú gə̄ a əngen̄ ndéy ō.

PĀ GƏ̄ 33:21

Rɔ̄nel̄ kə́ kemjí tə́ ḭḭ i rɔ̄n ni tə́ ō, jḭḭ̄ j-əndāī kemjí i dɔ rīn kə́ táĺ ngá̰ý tə́ ō.

PĀ GƏ̄ 33:18

Banī Kɔ́ɔ̄ɓē əndā kumən̄ gō ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

ESDRAS 6:11

Yá̰a̰ gə̄ ń m-ə́da kadə̄ rāān̄ kə deē ń a mān̄ dɔ ndūḿ ń toō ní n toó: A ɔrə̄n̄ kāgə̄ kújə yān yā kudə nang tə́ ba ɓērən ta tə́ ō, a rāān̄ kújə yān dɔ bū loo ɓōkə́ yá̰á̰ kə́ yḛr gə̄ tə́ ō.

ESDRAS 1:3

Ní i náā kə́ dansí tə́ n i de kə́ gírən teē dan deē yān gə̄ tə́ ní, anī ādə̄ Nə́ɓā yān i seneé, ba ādə̄ aw̄ Jerusalem kə́ Juda tə́ aw̄ rāā kújə yā Kɔ́ɔ̄ɓē Nə́ɓā yā Israel, adə̄ i Nə́ɓā ń ndi Jerusalem ní.

1 YÁ̰A̰ GƏ̄ 5:20

Nə́ɓā rāā sedə́ loo rɔ̄ɔ̄ ní tə́. Ni-əla Hagəri gə̄ ō, de kə́ sedə́ gə̄ malang ō, kem jīdə́ tə́. Tɔdɔ̄ dan ń udən̄ rɔ̄ɔ̄ naā tə́ a rɔ̄ɔ̄n̄ naā ní, nin̄ əgan̄ kɔŕ kə̄ dɔ Nə́ɓā tə́ adə̄ Nə́ɓā oō ndūdə́ ba dḭḭ̄də́, tām̄ nin̄ ənīn̄ kemdə́ adə̄n̄ Nə́ɓā.

TA KƏLA 9:26

Gō tə́ anī əda na: Ādə̄ de gə̄ tɔ̄ȳn̄ Kɔ́ɔ̄ɓē Nə́ɓā yā Sem! Ādə̄ Kanaan i ɓəlo yā Sem!

PĀ GƏ̄ 103:20

Sḭḭ̄ de kə́ dɔ rā̰ tə́ gə̄ yā Kɔ́ɔ̄ɓē ń tɔ́gə́sí i ngá̰ý ō, ā ī-rāāī yá̰a̰ gə̄ ń ni ədasí kadə̄ ī-rāāī ní ō, ōōī tan ō ní, ī-ɓōkə́niī tɔ̄ȳ.

1 KORḚNTƏ 13:3

Ká ré m-ādəń i ngé ɓō gə̄ yá̰a̰ yāḿ malang adə̄ əsan̄ gə̄gē, aláa m-ə̄nań i rɔ̄ḿ horoó adə̄ hor o̰o̰ń gə̄gē, ré m̄-tár aĺ anī, yá̰á̰ kógə̄ḿ kə́ kadə̄ m-ə́ngé gírí gətóo.

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

DANIEL 6:16

Banī de gə̄ ní reēn̄ láẃ rɔ̄ mban̄g tə́ ədanən̄ na: Kɔ́ɔ̄ ɓē gə̄, ī-ger̄ majə kadə̄ kə gō ndū najə̄ yā Medə gə̄ ō Persə gə̄ ō ní, yá̰a̰ malang kə́ kɔgə̄ rāā, aláa kə́ yā rāā ń man̄g əda ní deē a tūr̄ alé.