DANIEL 3:27 - Bibəl ta Sar̄

²⁷ Ngé kɔsə kum gotə mban̄g dɔ ɓē tə́ gə̄ ō, ngé kəndā kumdə́ gíŕ yá̰a̰ gə̄ tə́ ō, ngé ko̰o̰ ɓē gə̄ ō, ngé kadə̄ mban̄g kɔjə̄ gə̄ ō, kánə̄n̄ naā kə̄ dɔdə́ tə́ ba əndān̄ ma̰ȳdə́. Nin̄ a̰a̰n̄ kadə̄ hor o̰o̰ dā̰ rɔ̄də́ aĺ ō, hor rāā n ənge dɔdə́ adə̄ kərē aĺ ō, yá̰a̰ ɔdə rɔ̄ kūbə̄ yādə́ gə̄ kə́ dɔ madə̄ gə̄ tə́ aĺ ō, kūbə̄ gə̄ ní otən̄ hor aĺ ō.

Bible sar

²⁷ Ngé kɔsə kum gotə mban̄g dɔ ɓē tə́ gə̄ ō, ngé kəndā kumdə́ gíŕ yá̰a̰ gə̄ tə́ ō, ngé ko̰o̰ ɓē gə̄ ō, ngé kadə̄ mban̄g kɔjə̄ gə̄ ō, kánə̄n̄ naā kə̄ dɔdə́ tə́ ba əndān̄ ma̰ȳdə́. Nin̄ a̰a̰n̄ kadə̄ hor o̰o̰ dā̰ rɔ̄də́ aĺ ō, hor rāā n ənge dɔdə́ adə̄ kərē aĺ ō, yá̰a̰ ɔdə rɔ̄ kūbə̄ yādə́ gə̄ kə́ dɔ madə̄ gə̄ tə́ aĺ ō, kūbə̄ gə̄ ní otən̄ hor aĺ ō.

DANIEL 3:27 Referans Kwoze

IJAI 43:2

Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

HEBƏRO 11:34

tɔ̄lə̄n̄ kəngā hor gə̄ ō, teēn̄ ta yo kaskar tə́ ō, loo ń mo̰y rāādə́ ní əngen̄ rɔ̄ ngan̄g ō, rāān̄ go̰ loo rɔ̄ɔ̄ tə́ ō, tə̄ɓān̄ ɓūtə̄ áskar kə́ tə̄rā gə̄ ō.

KƏLA RĀĀ 27:34

Adə̄ m̄-mēr̄sí kadə̄ ī-tél ə́saī yá̰a̰ gogə́, tɔdɔ̄ i nge ń noō n ā ájiīneé ní. Deē kógə̄ḿ dansí tə́ kə́ kadə̄ nənga dɔn kógə̄ḿ gə̄gē ta a tḭ̄ḭ̄ ní gətóo.

MATIYE 10:30

Yāsí sḭḭ̄ tā a nənga dɔsí gə̄gē ní, Nə́ɓā tə́da kutən malang.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

PĀ GƏ̄ 83:18

Ādə̄ ɓōĺ rāādə́ ngándáńg ō, rɔ̄də́ sɔl̄də́ ngándáńg ō, ādə̄ yá̰á̰ ń əndān̄ kemdə́ dɔ tə́ ní əngen̄ aĺ ō, ādə̄ tɔ́gə́də́ gətóo ō!

2 MBAN̄G 19:19

Banī ḭ̄ Kɔ́ɔ̄ɓē Nə́ɓā yājí, ī-taājí jī Senakerib tə́ ə́yá̰jí dɔɔ́. Loo ń noō tə́, Kɔ́ɔ̄ɓē, de kə́ kem ɓē ko̰o̰ gə̄ kə́ dɔ nang tə́ gə̄ malang a gerə̄n̄ kadə̄ i ḭ̄ ngóy n i Nə́ɓā ní.

DANIEL 3:21

Adə̄ tṵ́ṵ̄n̄də́ kə kəlaá kə kūbə̄ gə̄ kə́ rɔ̄də́ tə́ beé, adə̄ i kə njālá yādə́ gēé ō, kə kūbə̄ ngāl̄ yādə́ gēé ō, kə jākā yādə́ gēé ō, kə kūbə̄ yādə́ gə̄ kə́ dɔ madə̄ gə̄ tə́ ō ba ɓōkə́n̄də́ kum hor kə́ o̰o̰ bəlim bəlim kə́ tənga ngá̰ý ní tə́.

KƏLA RĀĀ 26:26

Mban̄g Agəripa ger̄ yá̰a̰ gə̄ ń toō, adə̄ m-ásə kɔr̄ najə̄n ta kumən tə́ kanjə̄ ɓōĺ. Mā m̄-taā kem mámák kadə̄ yá̰á̰ kógə̄ḿ kə́ mbaān ni danaá gətóo. Tɔdɔ̄ yá̰a̰ gə̄ ń toō ní rāān̄ yá̰a̰ i kɔgɔ̄ loo kógə̄ḿ tə́ alé.

DANIEL 6:7

Tā anī de kə́ bo kə́ jōó gə̄ ō, ngé kɔsə kum gotə mban̄g dɔ ɓē tə́ gə̄ ō, aw̄ ədan̄ mban̄g na: Mban̄g Darius, ādə̄ dɔí ngan̄g májə́ májə́!

DANIEL 6:23

Nə́ɓā yāḿ əla deē yān kə́ dɔ rā̰ tə́ adə̄ utə̄ ta ɓɔl gə̄ kɔ̄ɔ́, adə̄ ɓɔl gə̄ rāān̄ yá̰á̰ kógə̄ḿ kə́ majaĺ seḿ alé. Tɔdɔ̄ m̄-rāā yá̰á̰ gōtə́ aĺ kə Nə́ɓāá aĺ ō, kɔ́ɔ̄ ɓē gə̄, m̄-rāā yá̰á̰ kógə̄ḿ kə́ gōtə́ aĺ seí ḭ̄ aĺ ō!

1 MBAN̄G GƏ̄ 13:28

Gō tə́ anī ni-aw̄ ənge nīń ní to kum róbó ba kərō nin̄ kə ɓɔlɔɔ́ ran̄ dɔ tə́. Ɓɔl əsa nīń aĺ ō, rɔ̄ kərō aĺ ō.