DANIEL 3:26 - Bibəl ta Sar̄

²⁶ Nabukodonosor ndɔ́tə̄ kə̄ ta loo ń hor kə́ təngā ngá̰ý i tū tə́ ní tə́, ba un najə̄ ɔr̄, əda na: Sadərak ō Mesak ō Abed Nego ō, ngé kəla gə̄ yā Nə́ɓā kə́ dɔɔ́ sa̰y ngá̰ý, ī-teēī kə̄ laā! Anī nin̄ mətá mbak teēn̄ kum hor tə́.

Bible sar

²⁶ Nabukodonosor ndɔ́tə̄ kə̄ ta loo ń hor kə́ təngā ngá̰ý i tū tə́ ní tə́, ba un najə̄ ɔr̄, əda na: Sadərak ō Mesak ō Abed Nego ō, ngé kəla gə̄ yā Nə́ɓā kə́ dɔɔ́ sa̰y ngá̰ý, ī-teēī kə̄ laā! Anī nin̄ mətá mbak teēn̄ kum hor tə́.

DANIEL 3:26 Referans Kwoze

DANIEL 3:17

Ré nə́ɓā kógə̄ḿ kə́ asə kajəjí i noó anī, i Nə́ɓā yājí ń jə-rāā kəla j-adə̄n á ni asə kajəjí ō, asə kɔr̄jí kum hor kə́ o̰o̰ bəlim bəlim kə́ tənga ngá̰ý tə́ ō, asə taājí jīí tə́ kəya̰jí dɔɔ́ ō ní ngóy.

DANIEL 4:2

Ndɔ̄ kə́rēý tə́ m̄-to dɔ tə̄rá yāḿ tə́ ndɔ̄ɔ́ anī nī kógə̄ḿ rāām̄, adə̄ m̄-gír̄ najə̄ ngá̰ý, tɔdɔ̄ yá̰á̰ ń m-á̰a̰ā̰ ní to ɓōĺ ngá̰ý.

JEJU TEĒ KUM JA̰A̰ 19:5

Anī ndū deē kógə̄ḿ teē tū kōr̄ kāgə̄ mbang ní tə́ əda na: Sḭḭ̄ ngé kəla gə̄ malang yā Nə́ɓā yājí, adə̄ i sḭḭ̄ de kə́ dūú gə̄ ō, de kə́ tɔgə gə̄ ō ń ī-ɓōlíī ndílən ní, ī-ɓōkə́niī tɔ̄ȳ.

GALATƏ 1:10

Ní, mā m̄-sāā i kadə̄ i de gə̄ n kə ndigəmə̄n̄, aké i Nə́ɓā n kə ndigəm̄ ḿ? m̄-sāā i kadə̄ nel̄ de gə̄ seḿ a? Ré i de gə̄ n m̄-sāā kadə̄ kə nel̄də́ seḿ anī, mā i nge kəla yā Kərist to̰ alé.

KƏLA RĀĀ 16:17

Nge kəla kə́ dəyá̰ ní tél un gōjí, Pol ō jḭḭ ō, ba əga kɔŕ əda na: De gə̄ ń toō i ngé kəla yā Nə́ɓā kə́ dɔɔ́ gə̄! Nin̄ a ɔjən̄sí i róbə́ kə́ yā kadə̄ deē un a ajə!

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

IJAI 52:12

Ń toō ɓáa ā āwī i kə ngɔ̄dɔ̄ɔ́ to̰ alé. Ā ī-teēī kɔ̄ɔ́ kem ɓēé i tītə̄ ngé ka̰ȳ naā gə̄ to̰ alé. Tām̄ i Kɔ́ɔ̄ɓē n i nge njə̄rā kété nosí tə́ ní, i Nə́ɓā yā Israel n i nge njə̄rā gōsí tə́ ní.

JOJUE 4:10

Ngé tun̄ yá̰a̰ gə̄ n ətōn̄ sandúkə madə̄ naā ní dəba ran̄ kum bā Jurdḛ tə́ bátə́ adə̄ de gə̄ rāān̄neé yá̰a̰ malang ń Kɔ́ɔ̄ɓē mēr̄ Jojue kədadə́ ní. I beé n Jojue rāań yá̰a̰ malang kə gō ń Moijə ɔjəń ní. Ba de gə̄ gāngə̄n̄ bā i láẃ, ɔrən̄ bā̰ā̰ loon tə́ alé.

JOJUE 3:17

Ngé tun̄ yá̰a̰ gə̄ ń ətōn̄ sandúkə madə̄ naā yā Kɔ́ɔ̄ɓē ní, dəba ran̄ gotə kógə̄ḿ dan bāá loo kə́ tutə tə́, bátə́ adə̄ ngán Israel gə̄ mānə̄nəń malang kə̄ gidə kə́rēý tə́ kanjə̄ kadə̄ man̄ ɔdə njadə́.

KƏLA RĀĀ 16:37

Banī Pol əda pajā gə̄ na: Jḭḭ ń i ngán ngé ɓē kə́ Rom tə́ gə̄ ní, nin̄-əndan̄jí kə ndéyé ta kum de gə̄ tə́ kanjə̄ gān̄g sarya dɔjí tə́ kə gō ndū najá ō, ənīn̄jí dəngáyá ō. Ba ń toō ɓáa a sāān̄ i kɔr̄jí dəngáyá jəke loo mundə̄ tə́ a. I beé alé! Ādə̄ nin̄ kɔ́ gə̄ reē ɔrə̄n̄jí dəngáyá!

DANIEL 6:20

Mban̄g ḭḭ dɔɔ́ kə gír looí ɓatə ba aw̄ láẃ ta bəlo ɓɔl gə̄ tə́.

IJAI 28:16

I tām̄ najə̄ ń toō tə́ n najə̄ yā Kɔ́ɔ̄ɓē Nə́ɓā n toó ní: M-ə̄ndā mbal̄ nja kújə́ kógə̄ḿ kə́ ngan̄g ngá̰ý Siyo̰ tə́, i mbal̄ kógə̄ḿ kə́ kəla rāān bo tɔȳ yā madə̄ gə̄ malang, əndān̄ mbal̄ ní adə̄ ndi ngan̄g. Deē ń a ndə̄nā rɔ̄n kadə tə́ ní, a əsō alé.

ESDRAS 5:11

Nin̄ tél ədan̄jí na nin̄ na i ngé rāā kəla gə̄ yā Nə́ɓā kə́ kɔ́ɔ̄ dɔ rā̰ ō dɔ nang ō. Na i kújə́ kə́ mban̄g kógə̄ḿ kə́ bo kə́ Israel tə́ rāā jóó ngá̰ý n ra na n-a n-rāān̄ gogə́ rang ní.

TA KƏLA 14:18

Mban̄g kə́ Salem ń rīn na i Melkisedek ní adə̄ reēn̄ kə mápa ō, kasə nduú ō. Ni i nge tun̄ yá̰a̰ yā Nə́ɓā kə́ dɔɔ́.

KƏLA RĀĀ 27:23

Tām̄ ngɔlaā ní de kə́ dɔ rā̰ tə́ yā Nə́ɓā ń mā i deē yān ō, m̄-rāā kəla yān ō ní, reē rɔ̄ḿ tə́

NDŪ NAJƏ̄ 4:20

Banī Kɔ́ɔ̄ɓē ɔysí sḭḭ̄ teē sesí kɔ̄ɔ́ kem ɓē kə́ Ejiptə ń rāā rɔ̄n i hor nō gində̄ tə́ kə́ njɔ́ḿ gə̄ tə́ ní, yā kadə̄ ī-téliī gír deē yān gə̄ kə́ yá̰a̰ halan gə̄ tə́ tītə̄ ń ī-ndiīneé jīsí tə́ ɓōólaā toó.

1 MBAN̄G GƏ̄ 8:51

Tɔdɔ̄ nin̄ i gír deē yāí gə̄, yá̰a̰ halaí gə̄, nin̄ i de gə̄ ń ī-teē sedə́ kɔ̄ɔ́ kem ɓē kə́ Ejiptə tə́, kum hor kə́ təngā ngá̰ý kə́ yā nōoń gində̄ tə́ ní.

JEREMI 11:4

Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

DANIEL 7:25

Ni a tə́da najə̄ dɔ Nə́ɓā kə́ dɔɔ́ sa̰y ngá̰ý tə́ ō, a rāā gír de kə́ táĺ gə̄ yá̰á̰ kə́ tōr̄ ō. Ni a ɔjə tūr̄ gír ndɔ̄ naā gə̄ ō, ndū najə̄ ō. A əlan̄ de kə́ táĺ gə̄ kem jīn tə́ bátə́ ɓāl̄ mətá kə nāā mehḛ́.

PĀ GƏ̄ 66:12

Ḭ̄ ādə̄də́ ta róbə adə̄ rāān̄jí dā̰ kətō yá̰á̰ tə́, j-udə kum hor tə́ ō kum man̄ tə́ ō, banī ḭ̄ ī-teē sejí kɔ̄ɔ́ kum tə́, yā kəndājí ta yá̰a̰ kəsa kə́ ngá̰ý tə́.

DANIEL 6:21

Dan ń ugə̄ kə̄ ta tə́ ndɔr anī ɓāŕ Daniel kə ndūn kə́ to kum ko̰ó̰ ədan na: Daniel, nge kəla yā Nə́ɓā kə́ ndi kə kumneé, Nə́ɓā yāí ń ə́hɔ rɔ̄í tɔgə ī-na̰y kə̄ loo rāā kəla yān tə́ ní ajiī ta ɓɔl gə̄ tə́ a?