DANIEL 3:25 - Bibəl ta Sar̄

²⁵ Mban̄g tél ədadə́ na: Ɓá tā ba m-á̰a̰ de gə̄ kə́ tútən̄ kəla rɔ̄də́ tə́ kɔ̄ɔ́ gə̄ i sɔ́ n ra a njə̄rān̄ kum hor tə́ ní. Do kógə̄ḿ gə̄gē gətóo rɔ̄də́ tə́. Tá nge kə́ ko̰ sɔ́ yādə́ ní to tītə̄ ngōn̄ nə́ɓā kógə̄ḿ kə́ dan nə́ɓā gə̄ tə́.

Bible sar

²⁵ Mban̄g tél ədadə́ na: Ɓá tā ba m-á̰a̰ de gə̄ kə́ tútən̄ kəla rɔ̄də́ tə́ kɔ̄ɔ́ gə̄ i sɔ́ n ra a njə̄rān̄ kum hor tə́ ní. Do kógə̄ḿ gə̄gē gətóo rɔ̄də́ tə́. Tá nge kə́ ko̰ sɔ́ yādə́ ní to tītə̄ ngōn̄ nə́ɓā kógə̄ḿ kə́ dan nə́ɓā gə̄ tə́.

DANIEL 3:25 Referans Kwoze

IJAI 43:2

Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

KƏLA RĀĀ 28:5

Banī Pol tūtə̄ lī ní ənīn kum hor tə́ ō, rɔ̄n tōrə̄n sḛ́ý aĺ bátə́ ō.

MARK 16:18

Dan ń a əhɔn̄ lī kə jīdə́ ō, a a̰ȳn̄ yá̰á̰ kə́ a tɔ̄l̄ deē ō anī, a rāā yá̰a̰ sedə́ alé. A əndān̄ jīdə́ dɔ ngé mo̰y gə̄ tə́ anī, rɔ̄ ngé mo̰y gə̄ a ngáā.

Makətūbə̄ yā Job 1:6

Ndɔ̄ kógə̄ḿ tə́ anī de gə̄ kə́ dɔ rā̰ tə́ yā Nə́ɓā reēn̄ kɔjə Kɔ́ɔ̄ɓē gotə yá̰a̰ gə̄ ń rāān̄ yá̰á̰ tə́ ní, anī Sətan, nge sekə́ de gə̄, reē ra ta kum Kɔ́ɔ̄ɓē tə́ sedə́ ō.

DANIEL 3:28

Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

PĀ GƏ̄ 34:7

Nge rɔ̄ tō ndoō kógə̄ḿ ɓār̄ yá̰a̰ anī Kɔ́ɔ̄ɓē oō ō, ɔrə̄n kɔ̄ɔ́ dan wur kɔl yān gə̄ tə́ malang ō.

1 PIYER 3:13

Ré ɔjiī kə̄ ndágá kadə̄ sḭḭ̄ i de gə̄ kə́ ī-təngāī loo rāā yá̰á̰ kə́ majə tə́ anī, i náā ɓáý to̰ n a rāāsí yá̰á̰ kə́ majaĺ ní?

DANIEL 3:18

Ká ré ni ndigə kajəjí aĺ gə̄gē anī, kɔ́ɔ̄ ɓē gə̄, najə̄ kadə̄ ī-ger̄ majə kadə̄ j-a jə-rāā kəla yā nə́ɓā yāí gə̄ aĺ ō, j-a jə-rɔȳ yá̰á̰ kə́ to tītə̄ de kə́ rāā kə lɔ́rɔ́ ń údə́ ní aĺ ō.

Makətūbə̄ yā Job 38:7

dan ń tə́yō̰ kə́ ta gír loo tə́ gə̄ a taānəń pā naā tə́ malang ō, de kə́ dɔ rā̰ tə́ gə̄ yā Nə́ɓā a túr̄nəń kɔĺ rɔ̄nel̄ ō ní, ī-gerə̄n a?

Makətūbə̄ ń Pol ndang adə̄ Rom gə̄ ní 1:4

Ta yā Nə́ɓā tə́ ɓáa, Nə́ɓā ɔjə kadə̄ ni i Ngōnən i dan ń ni-ndólən dan de kə́ koy gə̄ tə́ kə tɔ́gə yā Ndíĺ kə́ Tálá ní.

Najə̄ kə́ Majə yā Jeju ń Luk ndang ní 1:35

De kə́ dɔ rā̰ tə́ ní tél ədan na: Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ táĺ ō, a ɓāŕnən̄ na i Ngōn̄ Nə́ɓā ō ní.

Gōsə̄ najə̄ gə̄ 30:4

I náā n ndem̄ man̄ kem kūbə̄ yān tə́ kɔ̄ɔ́ ɓá ní? I náā n əndā dɔ nin̄ dɔ nang ní? Rīn na i rí? Rī ngōnən na i rí? Ré ī-ger̄ anī ə́dam̄!

JEREMI 1:8

Ī-lōō ɓōĺ deē kógə̄ḿ bátə́, mā i naā tə́ seí yā gān̄g dɔí. Najə̄ ń Kɔ́ɔ̄ɓē əda ní n noó.

JEREMI 1:19

Nin̄ a rɔ̄ɔ̄nī, banī nin̄ a asən̄ rāā yá̰a̰ seí sḛ́ý aĺ bátə́. Mā i naā tə́ seí. I Kɔ́ɔ̄ɓē n ɔr̄ najə̄ yā gān̄g dɔí.

JEREMI 15:21

M-ɔ̄rī kɔ̄ɔ́ jī ngé kem ndul gə̄ tə́ ō, m̄-taāī jī ngé rāā yá̰a̰ kə dɔ́nɔ́ gə̄ tə́ ō.

DANIEL 3:24

Ɔr kum mban̄g Nabukodonosor ngá̰ý adə̄ ḭḭ dɔɔ́ tétə́ ba dejə ngé kadə̄n kɔjə̄ gə̄ na: De gə̄ i mətá n jə-tó̰ō̰īdə́ kə kəlaá ba jə-ɓōkíīdə́ kum hor tə́ ní aĺ a? Nin̄ tūr̄ ədanən̄ na: I gōtə́ bang, kɔ́ɔ̄ ɓē gə̄!

DANIEL 6:23

Nə́ɓā yāḿ əla deē yān kə́ dɔ rā̰ tə́ adə̄ utə̄ ta ɓɔl gə̄ kɔ̄ɔ́, adə̄ ɓɔl gə̄ rāān̄ yá̰á̰ kógə̄ḿ kə́ majaĺ seḿ alé. Tɔdɔ̄ m̄-rāā yá̰á̰ gōtə́ aĺ kə Nə́ɓāá aĺ ō, kɔ́ɔ̄ ɓē gə̄, m̄-rāā yá̰á̰ kógə̄ḿ kə́ gōtə́ aĺ seí ḭ̄ aĺ ō!

Makətūbə̄ yā Job 5:19

Ni a ɔrī kum yá̰á̰ kə́ to ndíl ka̰ȳ kə́ mehḛ́ gə̄ tə́, tá kə́ nge ko̰ sīrí tə́ anī, yá̰á̰ kə́ majaĺ a ɔdiī alé.