DANIEL 3:1 - Bibəl ta Sar̄

¹ Mban̄g Nabukodonosor rāā yá̰á̰ kə́ to tītə̄ deē kə lɔ́rɔ́. Ngālən kə́ kə̄ dɔɔ́ i métər kutə mətá ō, bon i métər mətá ō. Udə yá̰á̰ ní i ndágə mbō kə́ Dura tə́, gō nang kə́ Babilon tə́.

Bible sar

¹ Mban̄g Nabukodonosor rāā yá̰á̰ kə́ to tītə̄ deē kə lɔ́rɔ́. Ngālən kə́ kə̄ dɔɔ́ i métər kutə mətá ō, bon i métər mətá ō. Udə yá̰á̰ ní i ndágə mbō kə́ Dura tə́, gō nang kə́ *Babilon tə́.

DANIEL 3:1 Referans Kwoze

HABAKUK 2:19

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ə́daī dugə̄jū kāgə̄ na: Ī-ndól̄ dɔ ɓīī tə́! Mbal̄ kə́ tɔ́sə̄ rāā yá̰á̰ tə́ ń ɔr̄ najə̄ aĺ ní, sḭḭ̄ ə́dain̄ na: Ī-lōō ɓīī! Tá nin̄ asən̄ ndóōsí yá̰á̰ kógə̄ḿ alé. Rāān̄ lɔ́r ō, gində̄ arjā̰a̰ ō, gidə yá̰á̰ kə́ tɔ́sə̄ gə̄ ní tə́ rɔ̄kum. Banī koō kə́ yā rāādə́ kadə̄ ndin̄ kə kumdə́ gətóo kemdə́ tə́!

JEREMI 16:20

Deē ndul gə̄ ń i nə́ɓā gə̄ aĺ ní asən̄ rāā nə́ɓā gə̄ tām̄ yādə́ nin̄ kɔ́ gə̄ tə́ a?

IJAI 46:6

Ngé kə́rēý gə̄ teēn̄ kə lɔ́ŕ kə́ ngá̰ý kem ngong yādə́ tə́. Nin̄ mbɔ̄jə́n̄ kɔȳ gində̄ arjā̰a̰ kə yá̰a̰ mbɔ̄jə́ kɔȳ yá̰á̰. Nin̄ dəjen̄ kɔdə̄ nge nōō yá̰a̰ kadə̄ rāā nə́ɓā kógə̄ḿ kə adə̄də́. Gō tə́ anī, nin̄ ɔsən̄ nodə́ nang tə́ no nə́ɓā ní tə́ ō, rɔȳnən̄ ō.

OJEE 8:4

Nin̄ əndān̄ mban̄g gə̄, banī i kanjə̄ koō yāḿ mā ō, gə̄rān̄ de kə́ bo gə̄, banī i kanjə̄ kədam̄ mā ō. Nin̄ ɔyn̄ gində̄ arjā̰a̰ yādə́ gə̄ ō, lɔ́r yādə́ gə̄ ō, nōn̄ horoó rāān̄ ɓesə̄ gə̄ tə́. Nge ń noō i ta róbə́ kə́ majə kə́ yā tḭ̄ḭń ta yá̰a̰ malang kɔ̄ɔ́!

KƏLA RĀĀ 19:26

Ba yá̰á̰ ń Pol ngeé ń noō rāā ní, sḭḭ̄ á̰a̰ī ō ōōī ō. Ni-əda na nə́ɓā gə̄ ń de gə̄ rāān̄ kə jīdə́ ní na i nə́ɓā gə̄ alé. Ni-ɔsə ngóy de gə̄, adə̄ de gə̄ ngá̰ý ndigən̄ najə̄ gōn tə́. I kem ɓē yājí kə́ Epejə tə́ laā ngóy alé, na̰y sḛ́ý beē kadə̄ i gō nang kə́ Aji tə́ malang.

KƏLA RĀĀ 17:29

Ba ré jḭḭ̄ i gír kaa kə́ kógə̄ḿ beē kə Nə́ɓāá anī, i só tə́ kadə̄ jə-gírī na Nə́ɓā i yá̰á̰ kə́ tītə̄ ɓesə̄ lɔ́r, aláa ɓesə̄ gində̄ arjā̰a̰, aláa ɓesə̄ mbal̄ marbər kə́ deē tɔ́sə̄ kə jīneé kə gō kum kedə̄ yānneé alé.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

PĀ GƏ̄ 135:15

Ɓesə̄ gə̄ yā nápar de gə̄ kə́ rāā kə gində̄ arjā̰a̰á̰ gə̄ ō, kə lɔ́rɔ́ gə̄ ō ní, i deē ndul gə̄ ń rāān̄də́ kə jīdə́ ní.

1 MBAN̄G GƏ̄ 12:28

Gír̄ kógə̄ḿ reē dɔ mban̄g Jeroboam tə́, adə̄ ni mēr̄ rāā duĺ man̄g lɔ́r gə̄ jōó, ba əda de gə̄ na: Israel gə̄, ngándáńg ā āwī i Jerusalem, ba ngɔlaā ní asə tā. Nə́ɓā ń teē sesí kɔ̄ɔ́ kem ɓē kə́ Ejiptə tə́ ní ni n toó.

DANIEL 5:23

Ḭ̄ ī-tɔ́sə̄ gātə̄ Nə́ɓā kə́ dɔ rā̰ tə́, tām̄ ādə̄ reēn̄ kə ngáń gájə́ yá̰a̰ rāā kəla gə̄ kə́ kem kújə yān tə́ adə̄ ā̰yń kasə nduú, ḭ̄ ō, de kə́ bo yāí gə̄ ō, də̄yá̰ gidə ndogə̄ yāí gə̄ ō, dəyá̰ kə́ ngé rāā kəla yāí gə̄ ō. Tá ɓáý to̰ ní ḭ̄ ī-tɔ̄ȳ nə́ɓā gə̄ kə́ rāān̄də́ kə gində̄ arjā̰a̰ ō, kə lɔ́r ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō. Adə̄ i nə́ɓā gə̄ kə́ a̰a̰n̄ loo aĺ ō, oōn̄ loo aĺ ō, gerə̄n̄ yá̰a̰ aĺ ō. Ba Nə́ɓā ń koōí ō, yá̰a̰ gə̄ ń a reēn̄ dɔí tə́ ndɔ̄n tə́ ō, i kem jīn tə́ ní, ḭ̄ ī-rɔȳn alé!

DANIEL 2:48

Gō tə́ anī mban̄g ɔsə Daniel kə̄ dɔɔ́ ō, adə̄n kadə̄ karī kə́ bo gə̄ ngá̰ý ō. Ni əndān dɔ gō nang kə́ Babilon tə́ ō, dɔ ngé kum kedə̄ gə̄ malang kə́ Babilon tə́ ō.

JEREMI 10:9

Ɓesə̄ gə̄ ní i njár̄ gində̄ arjā̰a̰ kə́ hɔɔ́lɔ̄ kə́ ḭḭn̄neé Tarsis ō, i lɔ́ŕ kə́ Upajə ō ń nge tɔ́ĺ yá̰a̰ ō, nge nōō yá̰a̰ ō rāān̄ ní. Əlan̄ kūbə̄ kə́ kərē gusə gusə ō, kərē bḭḭ ō rɔ̄də́ tə́. Nin̄ malang i yá̰a̰ gə̄ ń de kə́ jīdə́ ger̄ yá̰a̰ gə̄ rāān̄ ní.

IJAI 30:22

Yá̰á̰ kə́ rāā kum gotə nə́ɓā kə́ rɔ̄kum aĺ gə̄, adə̄ i kāgə̄ kə́ tɔ́sə̄, aláa i gində̄ kə́ nō horoó ba rāā gində̄ arjā̰a̰ ō lɔ́r ō gidə tə́ ní, ā ī-rāādə́ i yá̰á̰ kə́ yḛr tə́. Ā ī-tə́nādə́ kɔ̄ɔ́ tītə̄ yá̰á̰ kə́ yə̄ró i tū tə́ beē ō, ā ə́da najə̄ yādə́ na i yedə̄ yá̰a̰ ō.

NDŪ NAJƏ̄ 7:25

Yá̰a̰ gə̄ ń tɔ́sə̄ udən̄ ɓesə̄ tə́ ní, ā ī-róōīdə́ horoó kɔ̄ɔ́ malang. Ī-lōōī kadə̄ ngur ngɔ̄m̄ gində̄ arjā̰a̰ ō, lɔ́ŕ ō, kə́ rɔ̄də́ tə́ tām̄ yāsí tə́ əhɔsí kə́ gūmbə̄ tə́. Tɔdɔ̄ i yá̰á̰ kə́ majaĺ ngá̰ý ta kum Kɔ́ɔ̄ɓē Nə́ɓā yāsí tə́.

Teē Ngán Israel gə̄ 32:31

Adə̄ Moijə tél aw̄ gogə́ rɔ̄ Kɔ́ɔ̄ɓē tə́ ədan na kə́ rɔ̄kum gə̄ tə́ gír de gə̄ ń noō na rāān̄ majaĺ kə́ bo ngá̰ý, na rāān̄ nə́ɓā kə́ kə lɔ́rɔ́ tām̄ yādə́ tə́.

Teē Ngán Israel gə̄ 20:23

Ā ī-rāāmī i nə́ɓā kə́ rāā kə gində̄ arjā̰a̰á̰ tə́ aĺ ō, nə́ɓā kə́ rāā kə́ lɔ́rɔ́ tə́ aĺ ō. Ā ī-rāāī nə́ɓā gə̄ ń noō tām̄ yāsí tə́ alé.

JEJU TEĒ KUM JA̰A̰ 9:20

Ba gotə de gə̄ ń yá̰á̰ kə́ tōr̄ tɔ̄l̄də́ aĺ ní, tūrə̄n̄ gidədə́ kɔ̄ɔ́ ta ɓesə̄ gə̄ ń nin̄ kɔ́ gə̄ túdə̄n̄ kə jīdə́ ní tə́ alé. Nin̄-lōōn̄ gír rɔȳ ndíĺ kə́ majaĺ gə̄ tə́ aĺ ō, gír rāā ɓesə̄ lɔ́r gə̄ tə́ aĺ ō, ɓesə̄ gində̄ arjā̰a̰ gə̄ tə́ aĺ ō, ɓesə̄ gində̄ nə̄ngá kasə gə̄ tə́ aĺ ō, ɓesə̄ mbal̄ gə̄ tə́ aĺ ō, ɓesə̄ kāgə̄ gə̄ tə́ aĺ ō. Ɓesə̄ gə̄ ní asən̄ ka̰a̰ loo aĺ ō, koō loo aĺ ō, njə̄rā aĺ ō.

DANIEL 3:30

Gō tə́ anī mban̄g əndā Sadərak ō Mesak ō Abed Nego ō loo kə́ bo tɔȳ kə́ kété gə̄ tə́ gō nang kə́ Babilon tə́.

ESTER 1:1

Gotə najə̄ ń toō i yá̰á̰ kə́ rāā yá̰a̰ ɓāl̄ yā mban̄g Jerses tə́. I Jerses ń o̰o̰ ɓē dɔ nang gə̄ kə́ gír i ɓú kə kutə jōó kə kalən kə́ sīrí gə̄ tə́ ní. Ɓē ko̰o̰ yān əla gír i dɔ nang kə́ Ḛndə tə́ bátə́ ugə̄ń dɔ nang kə́ Etiopi tə́.

DANIEL 3:14

anī dəjedə́ na: Sadərak ō Mesak ō Abed Nego ō, ī-mbātíī rāā kəla kadə̄ nə́ɓā yāḿ gə̄ ō, ī-mbātíī rɔȳ yá̰á̰ kə́ tītə̄ deē ń m-údə́ ní ō rɔ̄kum a?

DANIEL 5:4

Nin̄ a̰ȳn̄ kasə nduú ō, tɔ̄ȳn̄ nə́ɓā gə̄ kə́ rāān̄də́ kə lɔ́r ō, kə gində̄ arjā̰a̰ ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō.

OJEE 2:8

I tām̄ najə̄ ń noō tə́ n mā Kɔ́ɔ̄ɓē m-ā m̄-də̄sə́ yá̰á̰ róbən tə́ ní, m-ā m-dēsə́ túpə kōn̄ gə̄ róbən tə́. M-ā m-ə̄ndā ndogə̄ mbal̄ yā gīrəń gidən ō, ni a ənge ta róbə yān to̰ aĺ ō.

DANIEL 2:49

Daniel dəje mban̄g, adə̄ mban̄g əndā Sadərak ō Mesak ō Abed Nego ō dɔ gō nang kə́ Babilon tə́ kadə̄ o̰o̰n̄ ɓē dɔ tə́. Banī Daniel tél i nge kadə̄ kɔjə̄ ndogó mbangāá.