DANIEL 2:5 - Bibəl ta Sar̄

⁵ Mban̄g tél ədadə́ na yá̰á̰ ń na n-əda wáńg kə̄ ndágé ní n toó: Ré na ədanən̄ gotə nī aĺ ō, na ɔjənən̄ kum aĺ ō anī, na a gángə̄n̄də́ naā tə́ bét bét kɔ̄ɔ́ ō, na kújə yādə́ gə̄ na télən̄ loo ɓōkə́ yá̰á̰ kə́ yḛr gə̄ ō.

Bible sar

⁵ Mban̄g tél ədadə́ na yá̰á̰ ń na n-əda wáńg kə̄ ndágé ní n toó: Ré na ədanən̄ gotə nī aĺ ō, na ɔjənən̄ kum aĺ ō anī, na a gángə̄n̄də́ naā tə́ bét bét kɔ̄ɔ́ ō, na kújə yādə́ gə̄ na télən̄ loo ɓōkə́ yá̰á̰ kə́ yḛr gə̄ ō.

DANIEL 2:5 Referans Kwoze

DANIEL 3:29

I beé ní m̄-gḛy kadə̄ de gə̄ rāān̄ yá̰á̰ ń toō: Deē ń a ɔr̄ najə̄ yā Nə́ɓā yā Sadərak ō Mesak ō Abed Nego ō majaĺ ní, ká ni i de kə́ dan gír de kə́ rá gə̄ tə́, aláa ni i de kə́ dan nápar de kə́ rá gə̄ tə́, aláa ta yān kə́ rá gə̄gē anī, a gángə̄n̄ deē ní naā tə́ bét bét ō, kújə yān a tél loo ɓōkə́ yá̰á̰ kə́ yḛr gə̄ ō. Tɔdɔ̄ nə́ɓā kə́ rāān kə́ asə kajə deē beé ní gətóo.

ESDRAS 6:11

Yá̰a̰ gə̄ ń m-ə́da kadə̄ rāān̄ kə deē ń a mān̄ dɔ ndūḿ ń toō ní n toó: A ɔrə̄n̄ kāgə̄ kújə yān yā kudə nang tə́ ba ɓērən ta tə́ ō, a rāān̄ kújə yān dɔ bū loo ɓōkə́ yá̰á̰ kə́ yḛr gə̄ tə́ ō.

2 MBAN̄G 10:27

Gō tə́ anī tɔ̄ɔ̄n̄ mbal̄ ń udən̄ kə nja dɔɔ́ tām̄ yā ɓesə̄ Baal tə́ ní. Ta tɔ̄l̄ ta anī tɔ̄ɔ̄n̄ kújə ɓesə̄ ní kɔ̄ɔ́ ba rāān̄ gotən loo ɓōkə́ yá̰á̰ kə́ yḛr gə̄ kə́ kem ɓēé tə́. Loo ní to noó bátə́ ɓōólaā gə̄gē ɓáý.

PĀ GƏ̄ 50:22

Sḭḭ̄ gə̄ ń dɔsí ndígə̄nal Nə́ɓā ní, ə̄ndāī kemsí dɔ najə̄ ń noō tə́ majə. Aĺ anī m-ā m̄-rə́yā̰sí naā tə́ háráńg háráńg kɔ̄ɔ́ ō, de kə́ yā taāsí jīḿ tə́ a gətóo ō.

DANIEL 2:12

Loo ń noō tə́ wōn̄g rāā mban̄g ngá̰ý, adə̄ əda kadə̄ tɔ̄lə̄n̄ ngé kum kedə̄ gə̄ malang kə́ Babilon kɔ̄ɔ́.

PĀ GƏ̄ 58:7

Ɓɔ́ Nə́ɓā, ī-tétə̄ gɔgədə́ tadə́ tə́ kɔ̄ɔ́! Kɔ́ɔ̄ɓē, ī-tétə̄ ngān̄g ɓɔl gə̄ ń noō kɔ̄ɔ́!

1 SAMUEL 15:33

Banī Samuel əda Agag na: Kaskar yāí rāā adə̄ dəyá̰ gə̄ nalən̄ ngáńdə́ gə̄ ní, kó̰ó̰í a nal̄ ngōnən dan dəyá̰ madə̄n gə̄ tə́ ō. Loo ń noō tə́ Samuel tɔ̄l̄ Agag ta kum Kɔ́ɔ̄ɓē tə́ Gilgal.

NDŪ NAJƏ̄ 13:16

ā ī-tɔ̄lī de kə́ kem ɓē ń noō tə́ gə̄ ō, yá̰a̰ kul̄ kə́ kemeé gə̄ ō, kɔ̄ɔ́ malang kə kəyā kaskaraá. Gō tə́ anī ā ī-*bāāī dɔ ɓē ní ō, yá̰a̰ malang kə́ kemeé ō, tām̄ yā Nə́ɓā tə́.

JOJUE 6:26

Dan ngeé ń nuū tə́ ní, Jojue tāā de gə̄ əda na: Ndɔ̄ĺ i dɔ deē ń a nāā rāā ɓē ń toō gogə́ rang tə́ ní. Ni a əndā ngəran i kə ngōn̄ hágəneé ō, a tə́lá bápə́ kə́ ta tə́ gə̄ i kə ta rútə ngōn̄neé ō.

DANIEL 4:9

Mbīn majə ngá̰ý ō, kanən̄ i ngá̰ý ō, yá̰a̰ kəsa yā de gə̄ malang i kemən tə́ ō, dā̰ kə́ bembeé gə̄ a ɓɔ̄ɔ̄n̄ rɔ̄də́ i gírən tə́ ō, yel̄ kə́ dɔɔ́ gə̄ a rāān̄ ɓēdə́ i ta jīn gə̄ tə́ ō. Dā̰ rɔ̄ malang a ənge yá̰a̰ kəsa yān i rɔ̄n tə́.