DANIEL 2:49 - Bibəl ta Sar̄

⁴⁹ Daniel dəje mban̄g, adə̄ mban̄g əndā Sadərak ō Mesak ō Abed Nego ō dɔ gō nang kə́ Babilon tə́ kadə̄ o̰o̰n̄ ɓē dɔ tə́. Banī Daniel tél i nge kadə̄ kɔjə̄ ndogó mbangāá.

Bible sar

⁴⁹ Daniel dəje mban̄g, adə̄ mban̄g əndā Sadərak ō Mesak ō Abed Nego ō dɔ gō nang kə́ Babilon tə́ kadə̄ o̰o̰n̄ ɓē dɔ tə́. Banī Daniel tél i nge kadə̄ kɔjə̄ ndogó mbangāá.

DANIEL 2:49 Referans Kwoze

DANIEL 1:7

Ngol ngé rāā kəla ndogó mbangāá gə̄ təndā rī kə́ kijə dɔdə́ tə́. Ni-əndā rī Daniel na i Beltasar ō, rī Hanania na i Sadərak ō, rī Misael na i Mesak ō, rī Ajaria na i Abed Nego ō,

ESTER 2:19

Dan ń ɔyn̄ ngán kə́ dəyá̰ gə̄ nja kə́ nge ko̰ jōó reēn̄ sedə́ ní, Mardose ndi i ta róbə kújə yā mban̄g tə́.

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.

ESTER 2:21

Dan ngeé ń noō tə́ ní Mardose ndi i ta róbə kújə yā mban̄g tə́. Anī wōn̄g rāā Bigtan ō Teres ō ń i áji mbang gə̄ kə́ nge rāā kəla dan ngé ngɔ̄m̄ ta róbə kújə́ tə́ ní, adə̄ sāān̄ tɔ̄l̄ mban̄g Jerses.

DANIEL 2:17

Dan ń Daniel tél aw̄ ɓēé anī ɔjə madə̄n gə̄ ń i Hanania ō Misael ō Ajaria ō ní gotə najə̄ ní malang.

DANIEL 1:17

Balsáá kə́ sɔ́ gə̄ ní Nə́ɓā adə̄də́ kəndā ma̰ȳ ō, ndóōdə́ loo ndang makətūbə̄ ō, adə̄də́ kum kedə̄ ō. Tá Daniel ger̄ kum yá̰á̰ kə́ ka̰ā̰ gə̄ ō, kum nī gə̄ ō ɓáý to̰.

JEREMI 39:3

Tā anī, de kə́ bo gə̄ malang yā mban̄g kə́ Babilon, adə̄ i Nergal Sareser kə́ Simagir ō, Nebu Sarsekim ngol ngé kəla gə̄ kə ndogó mbangāá ō, Nergal Sareser kə́ ngol ngé rɔ̄ɔ̄ gə̄ malang ō, tá de kə́ bo kə́ rang gə̄ malang yā mban̄g ō, ndɔ́tə̄ aw̄ ton̄ ndágə loo kə́ bo kə́ kem ɓēé tə́.

Gōsə̄ najə̄ gə̄ 28:12

Dan ń de kə́ súmūú gə̄ tetən̄ rɔ̄ɔ̄ anī kɔsə gɔn kə́ ngá̰ý to, dan ń ngé kem ndul gə̄ ḭḭn̄ dɔɔ́ anī náā nəkɔ́ a ɓɔ̄ɔ̄ i rɔ̄n.

ESTER 3:2

Ngé kəla gə̄ malang yā mban̄g ń ndin̄ ta róbə yā mban̄g tə́ ní ɔsən̄ kejədə́ nang tə́ no Haman tə́ ō, ɔsən̄ nodə́ nang tə́ non tə́ ō, tītə̄ ń mban̄g ədań ní. Banī Mardose ɔsə kejən nang tə́ non tə́ aĺ ō, ɔsə non nang tə́ non tə́ aĺ ō.

DANIEL 6:2

Darius gḛy kadə̄ ngé kɔsə kum gotə mban̄g dɔ ɓē tə́ gə̄ ɓú kógə̄ḿ kə́ kutə jōó yā tə́ndādə́ kə̄ loo gə̄ tə́ malang kem ɓē ko̰o̰ yān tə́.

DANIEL 3:1

Mban̄g Nabukodonosor rāā yá̰á̰ kə́ to tītə̄ deē kə lɔ́rɔ́. Ngālən kə́ kə̄ dɔɔ́ i métər kutə mətá ō, bon i métər mətá ō. Udə yá̰á̰ ní i ndágə mbō kə́ Dura tə́, gō nang kə́ Babilon tə́.