DANIEL 2:48 - Bibəl ta Sar̄

⁴⁸ Gō tə́ anī mban̄g ɔsə Daniel kə̄ dɔɔ́ ō, adə̄n kadə̄ karī kə́ bo gə̄ ngá̰ý ō. Ni əndān dɔ gō nang kə́ Babilon tə́ ō, dɔ ngé kum kedə̄ gə̄ malang kə́ Babilon tə́ ō.

Bible sar

⁴⁸ Gō tə́ anī mban̄g ɔsə Daniel kə̄ dɔɔ́ ō, adə̄n kadə̄ karī kə́ bo gə̄ ngá̰ý ō. Ni əndān dɔ gō nang kə́ *Babilon tə́ ō, dɔ ngé kum kedə̄ gə̄ malang kə́ Babilon tə́ ō.

DANIEL 2:48 Referans Kwoze

DANIEL 2:6

Ba ré na ədanən̄ gotə nī ní ō, na ɔjənən̄ kum ō anī, na n-a n-adə̄də́ kadə̄ karī gə̄ ngá̰ý ō, na n-ā n-ɔr tadə́ ngá̰ý ō. Adə̄ kə ɔjənən̄ gotə nī ní ō, kə ɔjənən̄ kum ō!

DANIEL 5:11

De kógə̄ḿ kə́ ndíĺ nə́ɓā kə́ táĺ gə̄ i kemən tə́ ndi kem ɓē ko̰o̰ yāí tə́ noō. Ɓāl̄ yā bɔbí tə́ teēn̄ dɔ tə́ kadə̄ ni i de kə́ a̰a̰ yá̰á̰ ngá̰ý ō, i de kə́ nge ger̄ kum yá̰a̰ gə̄ ō, i de kə́ aw̄ kə kum kedə̄ kə́ tītə̄ yā nə́ɓā gə̄ ō. Adə̄ mban̄g Nabukodonosor ń i bɔbí ní əndān dɔ mbōlí gə̄ tə́ ō, ngé bógə̄rō de gə̄ tə́ ō, de ger̄ tə́yō̰ gə̄ tə́ ō kɔdə̄ sāā gə̄ tə́ ō.

DANIEL 4:9

Mbīn majə ngá̰ý ō, kanən̄ i ngá̰ý ō, yá̰a̰ kəsa yā de gə̄ malang i kemən tə́ ō, dā̰ kə́ bembeé gə̄ a ɓɔ̄ɔ̄n̄ rɔ̄də́ i gírən tə́ ō, yel̄ kə́ dɔɔ́ gə̄ a rāān̄ ɓēdə́ i ta jīn gə̄ tə́ ō. Dā̰ rɔ̄ malang a ənge yá̰a̰ kəsa yān i rɔ̄n tə́.

DANIEL 5:29

Kə̄ ta jī tə́ noō Baltajar əda ngé kəla yān gə̄ kadə̄ əlan̄ kūbə̄ kə́ kərē ning rɔ̄ Daniel tə́ ō, kadə̄ ənīn̄ məde lɔ́ŕ kɔ́ɔn tə́ ō, ni-əda kadə̄ ənīn̄ mbēr̄ na Daniel na tél nge ko̰o̰ ɓē dan ngé ko̰o̰ ɓē kə́ bo gə̄ tə́ kem ɓē ko̰o̰ yān tə́ ō.

DANIEL 5:16

Ba mā m-ōō kadə̄ ḭ̄ na ásə kəda kum səngó gə̄ ō, teē kə gíŕ yá̰á̰ kə́ to loo mundə̄ tə́ gēé ō. Adə̄ ré ī-tə́dá yá̰á̰ ń ndangən̄ toó ō, ɔ́jəm̄ kum ō anī, ā ō̰ō̰ kūbə̄ kə́ kərē ning ō, ā ō̰ō̰ məde lɔ́ŕ kɔ́ɔ́í tə́ ō, ā ī-tél nge ko̰o̰ ɓē kə́ dan ngé ko̰o̰ ɓē kə́ bo gə̄ tə́ kem ɓē ko̰o̰ yāḿ tə́ ō.

DANIEL 3:30

Gō tə́ anī mban̄g əndā Sadərak ō Mesak ō Abed Nego ō loo kə́ bo tɔȳ kə́ kété gə̄ tə́ gō nang kə́ Babilon tə́.

DANIEL 3:12

Anī Jipə gə̄ kə́ ḭ̄ ādə̄də́ kəla ko̰o̰ ɓē gō nang kə́ Babilon tə́, adə̄ i Sadərak ō Mesak ō, Abed Nego ō, ɓōlíin̄ alé adə̄ rāān̄ kəla adə̄n̄ nə́ɓā yāí gə̄ aĺ ō, rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ní aĺ ō.

DANIEL 3:1

Mban̄g Nabukodonosor rāā yá̰á̰ kə́ to tītə̄ deē kə lɔ́rɔ́. Ngālən kə́ kə̄ dɔɔ́ i métər kutə mətá ō, bon i métər mətá ō. Udə yá̰á̰ ní i ndágə mbō kə́ Dura tə́, gō nang kə́ Babilon tə́.

JEREMI 5:5

Adə̄ m-ə́da na m-ā m̄-tūr̄ rɔ̄ḿ kə̄ rɔ̄ de kə́ bo gə̄ tə́ yā kɔr̄ najə̄ sedə́. Tɔdɔ̄ nin̄ gerə̄n̄ róbə yā Kɔ́ɔ̄ɓē ō, gerə̄n̄ jī bēl̄ loo rāā yá̰á̰ yā Nə́ɓā yādə́ ō. Ba m-á̰a̰ kadə̄ i de kə́ tītə̄ naā gə̄, adə̄ nin̄ tétə̄n̄ júk kɔ̄ɔ́ ō, gángə̄n̄ kəlā gə̄ kɔ̄ɔ́ ō.

Makətūbə̄ yā Job 1:3

Batə̄ yān gə̄ i dūbú sīrí ō, jámbal gə̄ i dūbú mətá ō, man̄g gə̄ kə́ kadə naā tə́ jōó jōó i ɓú mí ō, kó̰o̰ kərō gə̄ i ɓú mí ō, ngé kəla yān gə̄ i ngá̰ý ō. Deē ngeé ń toō i de kə́ bo tɔȳ gotə de gə̄ malang kə́ dām̄ kə́ gír ɓē tə́.

2 MBAN̄G 5:1

Naaman ń i ngol áskar gə̄ yā mban̄g kə́ Aram ní i deē kə́ kɔ́ɔ̄n gḛyn ngá̰ý, adə̄ a̰a̰ tan loo kɔr̄ najə̄ tə́ karī, tɔdɔ̄ Kɔ́ɔ̄ɓē tetə rɔ̄ɔ̄ adə̄ Aram gə̄ i kə kūl̄neé. Ba deē ngeé ń toō ń i go̰ rɔ̄ɔ̄ ní, i nge bānjə̄.

2 SAMUEL 19:32

Barjilai ń i de kə́ gō nang kə́ Galaad tə́ ní, ḭḭ Rogelim reē ugə̄ bā Jurdḛ tə́ ō. Ni teē bā Jurdḛ kə̄ gidə kə́rēý tə́ kə mbangāá pá tá kadə̄ əya̰n ba téĺ ɓáý.

1 SAMUEL 25:2

De kógə̄ḿ ndi Maon, banī yá̰a̰ kənge yān i Karmel. Deē ní ənge yá̰á̰ ngá̰ý. Batə̄ yān gə̄ i dūbú mətá ō bə̄yā̰ yān gə̄ i dūbú kógə̄ḿ ō. Deē ní aw̄ kəja bḭḭ̄ batə̄ yān gə̄ tə́ Karmel.

1 SAMUEL 17:25

Nin̄ ədan̄ na: Á̰a̰ī deē ń a reē noó a? A reē i kə̄ tɔ́sə̄ gātə̄jí tə́. Deē ń a tɔ̄lən anī mban̄g a adə̄n yá̰á̰ ngá̰ý ō, a adə̄n ngōnən kə́ dəyá̰ kadə̄ taā ō, a əndā yá̰á̰ kə́ kɔȳ gə̄ dɔ gír kojə yān tə́ dɔ nang kə́ Israel tə́ aĺ ō.

TƏ́DA 24:11

I beé ní ī-tél āw̄ gogə́ ɓē yāí tə́. M-ə́daī kété m-ə́da na m-ā m-ɔ́sə gɔnií kadə̄ asə ta tə́, ba ń toō Kɔ́ɔ̄ɓē ɔgə̄ kadə̄ m-ɔ́sə gɔnií.

1 SAMUEL 2:8

I ni n i nge kun nge tɔ́gə gətóó ń teē əsō ní dɔɔ́ ō, i nge kun nge rɔ̄ tō ndoō kɔ̄ɔ́ dɔ bū loo tə́ ō ba kadə̄də́ loo kə́ to ngol dan ngār gə̄ tə́ kadə̄ ndin̄neé ní. Dɔ nang malang i yā Kɔ́ɔ̄ɓē. I ni n i nge kəndā dɔ nang dɔ birə̄n tə́ ní.

DANIEL 5:7

Mban̄g un ndūn kə̄ dɔɔ́ ngá̰ý ədań kə tɔ́gɔ́ kadə̄ reēn̄ kə ngé kum kedə̄ gə̄ kə́ Babilon rɔ̄n tə́, adə̄ i ngé bógə̄rō de gə̄ ō, ngé ger̄ tə́yō̰ gə̄ ō, kɔdə̄ sāā gə̄ ō. Ni un najə̄ ɔr̄ sedə́, ədadə́ na: Deē ń a tə́dá yá̰á̰ ń ndangən̄ toó ō, a ɔjəm̄ kumən ō anī a o̰ō̰ kūbə̄ kə́ majə ngá̰ý ō, a o̰ō̰ məde lɔ́r kɔ́ɔn tə́ ō, a tél nge ko̰o̰ ɓē kə́ dan ngé ko̰o̰ ɓē kə́ bo gə̄ tə́ kem ɓē ko̰o̰ yāḿ tə́ ō.

DANIEL 8:27

Kum mbang ń noō tə́ ɓáa mā Daniel tɔ́gə́ḿ ur̄ wak kɔ̄ɔ́ ō, gō tə́ anī m̄-rāā mo̰y ndɔ̄ ngá̰ý ō. Dan ń m-ḭ́ḭ dɔ mo̰y tə́ ɓáa m̄-rāā kəla yā mban̄g. Yá̰á̰ ń m-á̰a̰ā̰ ní rāām̄ kə ɓōló ngá̰ý ō, de kə́ ger̄ kum gətóo ō.

DANIEL 4:6

m-ə́dan na: Beltasar, ngār yā mbōlí gə̄, m̄-ger̄ kadə̄ ndíl nə́ɓā kə́ táĺ gə̄ i kemií tə́, adə̄ yá̰á̰ kə́ to loo mundə̄ tə́ kə́ kadə̄ dum̄ dɔí gətóo. Ní, ɔ́jəm̄ kum yá̰á̰ ń m-á̰a̰ā̰ kem nī tə́ ní.