DANIEL 2:47 - Bibəl ta Sar̄

⁴⁷ Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

Bible sar

⁴⁷ Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

DANIEL 2:47 Referans Kwoze

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

DANIEL 2:22

I ni n i nge teē kə gíŕ yá̰a̰ kə́ lú ngá̰ý gēé dɔɔ́ ō, yá̰á̰ kə́ to loo mundə̄ tə́ gə̄ ndágá ō ní. Ni ger̄ yá̰á̰ kə́ kum til tə́ ō, loo kə́ unjə̄ kow ndi i rɔ̄n tə́ ō.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i ngé koō ta gə̄ ní alé i tītə̄ ń noō ō.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

NDŪ NAJƏ̄ 10:17

Tɔdɔ̄ i Kɔ́ɔ̄ɓē Nə́ɓā yāsí n i Nə́ɓā yā nə́ɓā gə̄ ō, Kɔ́ɔ̄ɓē yā kɔ́ɔ̄ ɓē gə̄ ō ní. Ni i Nə́ɓā kə́ bo ō, tɔ́gən i ngá̰ý ō, to ɓōĺ ngá̰ý ō, a sāā ger̄ ta kum deē tá yā rāań majə seneé aĺ ō, ni i nge mbātə́ yá̰á̰ kə́ kəla nang tə́ kadə̄ deē kadə̄ rāań yá̰a̰ ō.

JEJU TEĒ KUM JA̰A̰ 19:16

Ndangən̄ rī kógə̄ḿ tū kūbə̄ yān kə́ dɔ madə̄ gə̄ tə́ ō, dɔ ɓúrən tə́ ō. Rī ní na i mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō.

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

1 TIMOTE 6:15

Ni a ɔjə rɔ̄n kə̄ ndágá i kum mbang ń Nə́ɓā a ɔjə tə́ ní. I nəkɔ́ kógə̄ḿ beē ngóy n i dɔ yá̰a̰ gə̄ tə́ ō, nge rāā kadə̄ kemjí nel̄jí ō, Mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō ní.

DANIEL 2:37

Ḭ̄ i mban̄g kə́ ī-bo ī-tɔȳ mban̄g gə̄ malang. Nə́ɓā kə́ dɔ rāā tə́ adī ko̰o̰ ɓē ō ngan̄g ō tɔ́gə ō kɔsə gɔn ō.

PĀ GƏ̄ 136:2

Ī-tɔ̄yī Nə́ɓā kə́ dɔ nə́ɓā gə̄ tə́ malang, tɔdɔ̄ kem majə yān to ngándáńg.

PĀ GƏ̄ 82:1

Pā yā Asap. Nə́ɓā ra dɔɔ́ dan ngé kán̄ naā yān gə̄ tə́, ni-ra dan de kə́ bo kə́ dɔ rā̰ tə́ gə̄ tə́ gāngəń sarya.

PĀ GƏ̄ 72:11

Mban̄g gə̄ malang a ɔsən̄ nodə́ nang tə́ non tə́. Nápar de gə̄ malang a rāān̄ kəla yān.

TA KƏLA 41:39

Ni tél əda Jəjep na tītə̄ ń Nə́ɓā na ɔjən yá̰a̰ gə̄ ń toō malang adə̄ na ger̄ ní, de kə́ rang kə́ ger̄ yá̰a̰ ō, kumən edə̄ tītə̄ yān ō na gətóo.

DANIEL 4:32

De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

DANIEL 4:17

Kāgə̄ ń á̰a̰ā̰ á tɔgə ō ngan̄g ō, ngāl̄ ugə̄ no rā̰ tə́ ō deē ra i rá dɔ nang tə́ gə̄gē a a̰a̰ ō,

DANIEL 2:19

Anī Nə́ɓā ɔjə Daniel yá̰á̰ kə́ to loo mundə̄ tə́ ní ndɔ̄ɔ́ kə nīí. Loo ń noō tə́ Daniel tɔ̄ȳ Nə́ɓā kə́ dɔ rā̰ tə́,

Makətūbə̄ yā Job 12:19

Ni i nge rāā ngé tun̄ yá̰a̰ gə̄ kadə̄ tāmə̄n̄ mbitə mbitə ō, ngé gə̄ ń deē asə kɔr̄də́ loo kəla yādə́ tə́ aĺ ní, ni mbə́rē tə́nīdə́ kɔ̄ɔ́.

JOJUE 22:22

Nə́ɓā kə́ ngan̄g, Kɔ́ɔ̄ɓē, Nə́ɓā kə́ bo, Kɔ́ɔ̄ɓē ger̄ kɔ̄ɔ́ ō, ngán Israel gə̄ a gerə̄n̄ ō. Ré jə-mbātə́ Kɔ́ɔ̄ɓē, aláa jə-rāā yá̰á̰ kógə̄ḿ kə́ gōtə́ alé kə Kɔ́ɔ̄ɓē anī, adə̄ Kɔ́ɔ̄ɓē ajəjí ɓōólaā alé.

DANIEL 4:25

Yá̰a̰ gə̄ ń noō rāān̄ mban̄g Nabukodonosor malang.

1 KORḚNTƏ 14:25

yá̰a̰ gə̄ ń ton̄ kemən tə́ loo mundə̄ tə́ ní, gíŕdə́ teē dɔɔ́ malang ō. Loo ń noō tə́ ni-ɔsə non nang tə́ no Nə́ɓā tə́ rɔȳn ba əda wáńg kə̄ ndágá na Nə́ɓā i dansí tə́ rɔ̄kum.

PĀ GƏ̄ 136:3

Ī-tɔ̄yī Kɔ́ɔ̄ɓē kə́ dɔ kɔ́ɔ̄ ɓē gə̄ tə́, tɔdɔ̄ kem majə yān to ngándáńg.

EJEKIEL 26:7

Yá̰á̰ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: Nabukodonosor, mban̄g kə́ Babilon ń i mban̄g kə́ bo tɔȳ madə̄n gə̄ ní, m-ā m̄-rāā kadə̄ ni a ḭḭ dām̄ mbɔ́r kə́ geleé tə́ yā reē rɔ̄ɔ̄ī ḭ̄ ɓē kə́ Tir. Ni a reē kə sə́nda gə̄ ō, kə púsə rɔ̄ɔ̄ gə̄ ō, kə ngé kal̄ sə́nda gə̄ ō, kə ngé rɔ̄ɔ̄ kə́ ngá̰ý gə̄ ō.

DANIEL 2:29

Kɔ́ɔ̄ ɓē gə̄, dan ń ī-to nang tə́ ní, ī-to ā ī-gír̄ najə̄ i dɔ yá̰á̰ kə́ ndɔ̄ń tə́ ń a rāā yā reē tə́ ní. I tām̄ najə̄ ń noō tə́ n nge teē kə gíŕ yá̰á̰ kə́ to loo mundə̄ tə́ gēé ɔjiīneé yá̰á̰ kə́ a rāā yā reē ndōń tə́ ní.

DANIEL 2:30

Kə́ tām̄ yāḿ mā tə́ ní Nə́ɓā ɔjəm̄ yá̰á̰ kə́ to loo mundə̄ tə́ ń toō i tām̄ tɔȳ kə́ kum kedə̄ yāḿ tɔȳ yā de gə̄ malang alé, banī i yā kadə̄ ɔjiīn̄neé kum nī yāí kadə̄ ī-gerə̄ń gír̄ kə́ kemií tə́.

DANIEL 3:15

Ngɔlaā ní ə̄ndāī dɔ rɔ̄sí danaá kɔ̄ɔ́, yā kadə̄ ré ōōī tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlān i ngá̰ý aĺ ō, kōō yá̰á̰ kə́ ɓār̄ gōsə̄ ō, anī ā ɔ́siī nosí nang tə́ yā rɔȳ yá̰á̰ kə́ to tītə̄ deē ń m̄-rāā ní a? Ré ī-mbātíī rɔȳn anī a ənīn̄sí kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́, ba i nə́ɓā kə́ rá n a asə taāsí jīḿ tə́ yā kəya̰sí dɔɔ́ ní?

DANIEL 3:28

Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

DANIEL 3:29

I beé ní m̄-gḛy kadə̄ de gə̄ rāān̄ yá̰á̰ ń toō: Deē ń a ɔr̄ najə̄ yā Nə́ɓā yā Sadərak ō Mesak ō Abed Nego ō majaĺ ní, ká ni i de kə́ dan gír de kə́ rá gə̄ tə́, aláa ni i de kə́ dan nápar de kə́ rá gə̄ tə́, aláa ta yān kə́ rá gə̄gē anī, a gángə̄n̄ deē ní naā tə́ bét bét ō, kújə yān a tél loo ɓōkə́ yá̰á̰ kə́ yḛr gə̄ ō. Tɔdɔ̄ nə́ɓā kə́ rāān kə́ asə kajə deē beé ní gətóo.

DANIEL 5:11

De kógə̄ḿ kə́ ndíĺ nə́ɓā kə́ táĺ gə̄ i kemən tə́ ndi kem ɓē ko̰o̰ yāí tə́ noō. Ɓāl̄ yā bɔbí tə́ teēn̄ dɔ tə́ kadə̄ ni i de kə́ a̰a̰ yá̰á̰ ngá̰ý ō, i de kə́ nge ger̄ kum yá̰a̰ gə̄ ō, i de kə́ aw̄ kə kum kedə̄ kə́ tītə̄ yā nə́ɓā gə̄ ō. Adə̄ mban̄g Nabukodonosor ń i bɔbí ní əndān dɔ mbōlí gə̄ tə́ ō, ngé bógə̄rō de gə̄ tə́ ō, de ger̄ tə́yō̰ gə̄ tə́ ō kɔdə̄ sāā gə̄ tə́ ō.

2 MBAN̄G 5:15

Ni-tél dɔ tə́ reē rɔ̄ deē yā Nə́ɓā tə́ kə de gə̄ malang kə́ gōn tə́, reē ra non tə́ ba əda na: Ngɔlaā ní m̄-ger̄ kadə̄ Nə́ɓā gətóo loo kə́ rang tə́ ba i dɔ nang kə́ Israel tə́ ngóy. Adə̄ m̄-rāāī ɓɔ́, ī-taā kadə̄ karī kə́ jīḿ mā nge kəla yāí tə́.

PĀ GƏ̄ 96:4

Tām̄ Kɔ́ɔ̄ɓē i de kə́ bo ō, majə kadə̄ de gə̄ ɓōkə́nən̄ tɔ̄ȳ ō. Ni to ɓōĺ ngá̰ý ō, tɔȳ nə́ɓā gə̄ malang ń i ɓesə̄ gə̄ ní ō.